The Latest
-
Vadodaraસાયલન્સ પિરિયડ’માં ફેસબુક લાઈવ કરી આચારસંહિતાના ભંગનો કોંગ્રેસ પર ભાજપનો ગંભીર આરોપ
-
National‘મારી સામે 36 કેસ છે, હું PM મોદીથી ડરતો નથી’, બંગાળ રેલીમાં રાહુલ ગાંધીનું મોટું નિવેદન
-
Technologyશું તમારા પૈસા સુરક્ષિત છે? નવા AI મોડલથી સાયબર જોખમ વધ્યું, બેંક ડેટા પર AIનો ખતરો
-
Sports264 રન છતાં હાર્યું દિલ્હી, પંજાબ કિંગ્સે 265 રન ચેઝ કરીને ઇતિહાસ રચ્યો, એક ઓવર પહેલા મેચ જીતી
-
Vadodara
વડોદરા: સ્થાનિક સ્વરાજની ચૂંટણી માટે CPનો એક્શન પ્લાન, 3500થી વધુ જવાનો તૈનાત
-
VIRAL#UnfollowRaghavChadha, ભાજપમાં જોડાતા જ રાઘવ ચઢ્ઢાના 24 કલાકમાં 10 લાખ ફોલોઅર્સ ઘટ્યા
-
Vadodaraવડોદરામાં રવિવારે ‘મતદાન જંગ’, 21.95 લાખ મતદારોના હાથમાં શહેરની સત્તાની ચાવી
-
Sportsહૈદરાબાદનો દબદબો ચાલુ રહેશે? કમિન્સની વાપસી સાથે હૈદરાબાદે ટોસ જીતી બોલિંગ પસંદ કરી
-
Nationalગેસની અછત નહીં સર્જાય: સરકારે 8 લાખ ટન LPGનો જથ્થો બુક કર્યો, LPG માટે ગ્લોબલ ખરીદી શરૂ
-
Technologyડીપસીકે લોન્ચ કર્યું શક્તિશાળી AI મોડલ DeepSeek V-4, OpenAI અને Google સાથે થશે સીધી ટક્કર
-
Nationalભાજપે કેજરીવાલના નવા નિવાસસ્થાનના ફોટા જાહેર કર્યા: કહ્યું- તેઓ વૈભવી જીવન જીવી રહ્યા છે
-
Vadodaraનેશનલ હાઈવે ઓથોરિટી ઓફ ઈન્ડિયાએ એડવાઇઝરી જાહેર કરી
-
Vadodara
પશ્ચિમ રેલ્વે બાંદ્રા ટર્મિનસથી ગોરખપુર સુધી અનરિઝર્વ્ડ સ્પેશિયલ ટ્રેન ચલાવશે
-
Vadodaraકાર્યકરોની આળસમાં લોકશાહીની મજાક: મતદારોના ઘરને બદલે કચરાના ઢગલામાં પહોંચી ચૂંટણી સ્લીપો
-
NationalPMના કાર્યક્રમ પહેલા HPCL રિફાઈનરીમાં લાગેલી આગમાં સાયબર એટેકની શંકા: ઓટોમેટિક સિસ્ટમ હાઇજેક થઈ?
-
Vadodara
વડોદરાની સયાજી હોસ્પિટલના કેમ્પસમાં 35 વર્ષીય યુવકનું કરુણ મોત, સારવાર મળે તે પહેલા જ લોહીની ઉલટીઓ થતા જીવ ગુમાવ્યો
-
Vadodara
વંદે ભારત એક્સપ્રેસ 28 એપ્રિલથી 20 કોચ રેક સાથે કાયમી ધોરણે કાર્યરત થશે
-
Businessસોના-ચાંદીના ભાવમાં ભારે ઉતાર-ચઢાવ, 5 દિવસમાં ચાંદી 12,821 સસ્તી, સોનામાં પણ 1,800થી વધુ ઘટ્યા
-
Science & Technology…તો ઉંમર વધતી અટકી જશે! રશિયન વૈજ્ઞાનિકો પુતિનના 150 વર્ષ જીવવાના સપનાને સાકાર કરવાની નજીક
-
SURATસુરત જિલ્લામાં આવતીકાલે ગરમી વચ્ચે મતદાન, પાણી-મેડિકલ સુવિધા સાથે સઘન બંદોબસ્ત
-
Nationalમણિપુરના ઉખરુલમાં કુકી-તાંગખુલ વચ્ચે અથડામણ: ગામોમાં હિંસા અને આગચંપીના બનાવોથી સુરક્ષા દળો તૈનાત
-
National‘અતિ સંવેદનશીલ બૂથની સુરક્ષાની જવાબદારી ECની છે’: કોલકાતા હાઇકોર્ટે TMCની અરજી ફગાવી
-
IndiaWMOનો એલર્ટ: અલ નીનો આવશે, મે થી શરૂ થશે કાળઝાળ ગરમી, દુષ્કાળનો ખતરો પણ વધશે
-
Nationalભગવંત માને રાષ્ટ્રપતિ સાથે મુલાકાતનો સમય માંગ્યો, તેમના ધારાસભ્યો સાથે મુલાકાત કરશે
-
Vadodaraકોંગ્રેસના ઉમેદવાર આશિષ જોષીએ મંગાવેલા વિદેશી દારૂ સાથે કાર ચાલક ઝડપાયો
-
Entertainmentબલ્લુ ફરી આવશે! 33 વર્ષ પછી ખલનાયકની વાપસી, ‘ખલનાયક 2’નું ટીઝર વાયરલ
-
Worldપાક.માં US-ઈરાન વાટાઘાટો: ઈરાને કહ્યું- પાકિસ્તાન સમક્ષ શરતો રજૂ કરીશું, USને બેઠકની આશા
-
Kalolવેજલપુરમાં IPL મેચ પર ઓનલાઈન સટ્ટો રમતો શખ્સ ઝડપાયો: ₹૭૭,૮૦૦નો મુદ્દામાલ જપ્ત
-
Sportsહરભજન સામે શ્રીસંતના નવા ખુલાસા, ‘થપ્પડ કાંડ’થી કમાણી કર્યાનો દાવો, 18 વર્ષ બાદ ફરી ગરમાયો આ મુદ્દો
-
Worldરાહતનો શ્વાસ: ઈરાન-US તણાવ વચ્ચે તેહરાન એરપોર્ટથી આંતરરાષ્ટ્રીય ફ્લાઇટ્સ ફરી શરૂ
કેન્દ્રમાં ભાજપની સરકાર આવી તે પછી દેશની એક પછી એક પ્રતિષ્ઠિત સંસ્થાઓ ઉપર રાષ્ટ્રીય સ્વયંસેવક સંઘ (આર.એસ.એસ.) નો ભગવો ઝંડો ફરકાવવાની પ્રક્રિયાનો પ્રારંભ કરી દેવામાં આવ્યો હતો. સાબરમતીના ગાંધી આશ્રમનો જીર્ણોદ્ધાર કરવાને બહાને ભાજપ સરકારે તેના પર કબજો જમાવી દીધો તે પછી ૧૦૨ વર્ષ જૂની ગુજરાત વિદ્યાપીઠના કુલપતિ તરીકે ગુજરાતના રાજ્યપાલ અને આર.એસ.એસ.ના કાર્યકર આચાર્ય દેવવ્રતની નિમણૂકનો વિવાદ પેદા થયો છે. ગુજરાતના રાજ્યપાલ તેમના હોદ્દાની રૂએ ગુજરાતની તમામ યુનિવર્સિટીઓના કુલપતિ (ચાન્સેલર) બને છે, પણ ગુજરાત વિદ્યાપીઠ ડીમ્ડ યુનિવર્સિટી હોવાથી તે પોતાના કુલપતિની જાતે જ નિમણૂક કરે છે.
ગુજરાત વિદ્યાપીઠનાં વર્તમાન કુલપતિ ૮૯ વર્ષનાં ગાંધીવાદી ઇલા ભટ્ટ છે, જેઓ તેમની ‘સેવા’સંસ્થાને કારણે આંતરરાષ્ટ્રીય ખ્યાતિ ધરાવે છે. ઇલા ભટ્ટે પોતાની નાદુરસ્ત તબિયતને કારણે રાજીનામું આપતાં નવા કુલપતિની નિમણૂક જરૂરી બની હતી. ગુજરાત વિદ્યાપીઠના વર્તમાન કુલનાયક (વાઇસ ચાન્સેલર) ડો. રાજેન્દ્ર ખીમાણી દ્વારા ગુજરાતના રાજ્યપાલ આચાર્ય દેવવ્રતના નામની ભલામણ કરવામાં આવી હતી, પણ તેમનો વિરોધ થયો હતો, કારણ કે તેઓ આર.એસ.એસ. સાથે જોડાયેલા છે. આચાર્ય દેવવ્રતને કુલપતિ બનાવવા બાબતમાં ગુજરાત વિદ્યાપીઠના ૨૪ ટ્રસ્ટીઓમાં પણ મતભેદ હતો. મતદાન કરાવવામાં આવ્યું તો ૧૩ ટ્રસ્ટીઓનો મત આચાર્ય દેવવ્રતની તરફેણમાં પડ્યો હતો.
નવ ટ્રસ્ટીઓનો મત તેમની વિરુદ્ધમાં હતો અને બે ટ્રસ્ટીઓ મતદાનથી વેગળા રહ્યા હતા. પરિણામે આચાર્ય દેવવ્રત બહુમતીથી ચૂંટાઈ આવ્યા હતા. આચાર્ય દેવવ્રતને કુલપતિ બનાવવાના વિરોધમાં નવ ટ્રસ્ટીઓએ રાજીનામાં આપી દીધાં હતાં. આ નવ ટ્રસ્ટીઓમાં નરસિંહ હઠીલા, મંદાબહેન પરીખ, ડો. સુદર્શન અયંગર, ડો. અનામિક શાહ, કપિલ શાહ, માઇકલ મઝગાંવકર, ચૈતન્ય ભટ્ટ, ઉત્તમ પરમાર અને નીતા હાર્ડિકરનો સમાવેશ થાય છે.
ભારતને અંગ્રેજી પદ્ધતિના શિક્ષણથી મુક્ત કરવાના આશય સાથે ૧૯૨૦માં ગાંધીજી દ્વારા ગુજરાત વિદ્યાપીઠની સ્થાપના કરવામાં આવી હતી. ૧૯૨૦થી ૧૯૪૮ દરમિયાન ગાંધીજી પોતે તેના કુલપતિની જવાબદારી સંભાળતા હતા. ત્યાર બાદ સરદાર વલ્લભભાઈ પટેલ અને ડો. રાજેન્દ્રપ્રસાદ જેવા નેતાઓ તેના કુલપતિ બન્યા હતા. મોરારજી દેસાઈ પણ વર્ષો સુધી ગુજરાત વિદ્યાપીઠના કુલપતિ રહ્યા હતા. ગાંધીજીની ભાવના હતી કે ગુજરાત વિદ્યાપીઠને રાજકીય હસ્તક્ષેપથી મુક્ત રાખવામાં આવે. આ કારણે ૧૯૬૪ સુધી ગુજરાત વિદ્યાપીઠ સરકારની ગ્રાન્ટ પણ લેતી નહોતી. સરકારી ગ્રાન્ટ લેવા છતાં ગુજરાત વિદ્યાપીઠ પોતાની સ્વતંત્રતા જાળવી રાખી શકી હતી.
ગુજરાત વિદ્યાપીઠના ૧૦૨ વર્ષના ઇતિહાસમાં જે ૧૨ કુલપતિ બન્યા તે બધા ગાંધીવિચારમાં માનનારા હતા. ૨૦૧૫માં ઇલા ભટ્ટ કુલપતિ બન્યાં હતાં. તેમની છાપ પણ પ્રખર ગાંધીવાદી તરીકેની હતી. ઇલા ભટ્ટે તેમની નાદુરસ્ત તબિયતના કારણે રાજીનામું આપ્યું તે પછી નવા કુલપતિની શોધ ચાલુ કરવામાં આવી હતી. કુલનાયક ડો. રાજેન્દ્ર ખીમાણી દ્વારા આચાર્ય દેવવ્રતનું નામ સૂચવવામાં આવ્યું હતું. આચાર્ય દેવવ્રત બાબા રામદેવના માનીતા છે અને તેઓ સંઘપરિવારના સભ્ય રહ્યા છે. બાબા રામદેવને કારણે ૨૦૧૫માં તેમને હિમાચલ પ્રદેશના ગવર્નર બનાવવામાં આવ્યા હતા. ૨૦૧૯થી તેઓ ગુજરાતના ગવર્નર છે. આચાર્ય દેવવ્રતને ગુજરાતના ગવર્નરના હોદ્દાની રૂએ નહીં પણ તેમની વ્યક્તિગત ક્ષમતામાં કુલપતિ બનાવવામાં આવ્યા છે.
૬૩ વર્ષના આચાર્ય દેવવ્રતનો દાવો છે કે તેઓ પણ ગાંધીવાદી છે. તેમના કહેવા મુજબ તેઓ કાયમ ખાદીનાં વસ્ત્રો પહેરે છે અને ગાંધીવિચારોમાં શ્રદ્ધા ધરાવે છે. તેઓ હરિયાણામાં ચાર ગુરુકુળ ચલાવે છે, જેમાં ગોશાળાનો નિભાવ પણ કરવામાં આવે છે. તેમનું ગુરુકુળ હરિયાણામાં ટોચનું સ્થાન ધરાવે છે. ભારતના ટોપ ટેન ગુરુકુળમાં તેમનો સમાવેશ થાય છે. અંબાલામાં તેઓ કન્યાઓ માટેનું ગુરુકુળ પણ ચલાવે છે. આચાર્ય દેવવ્રત યોગ અને પ્રાકૃતિક ચિકિત્સામાં પણ વિશ્વાસ ધરાવે છે. તેઓ પોતાના ગુરુકુળની ૨૦૦ એકર જમીન પર ઓર્ગેનિક ફાર્મિંગ કરે છે. તેઓ શુદ્ધ શાકાહારી છે. આચાર્ય દેવવ્રતને ગુરુકુળ ચલાવવાનો ૩૫ વર્ષનો અનુભવ છે. હિમાચલ પ્રદેશના અને ગુજરાતના ગવર્નર બન્યા પછી પણ તેઓ ગુરુકુળના સંચાલનમાં રસ લઈ રહ્યા છે. ગુજરાત વિદ્યાપીઠના નવ ટ્રસ્ટીઓ કહે છે કે માત્ર પ્રાકૃતિક ચિકિત્સા અને ઓર્ગેનિક ફાર્મિંગ કરવાથી ગાંધીવાદી બની જવાતું નથી. આચાર્ય દેવવ્રત સંઘપરિવારના સભ્ય છે તે જગજાહેર વાત છે.
આચાર્ય દેવવ્રતને ગુજરાત વિદ્યાપીઠના કુલપતિ બનાવવામાં તેના વર્તમાન કુલનાયક ડો. રાજેન્દ્ર ખીમાણીએ ચાવીરૂપ ભૂમિકા ભજવી હતી. ડો. ખીમાણી પોતે વિવાદોમાં ઘેરાયેલા છે. તેઓ ૨૦૦૪થી ૨૦૧૯ દરમિયાન વિદ્યાપીઠના કુલસચિવ હતા. તે દરમિયાન તેમના પર ગેરવહીવટના અને આર્થિક ગોલમાલના આક્ષેપો પણ થયા હતા. આ આક્ષેપો છતાં તેમને ૨૦૨૧માં કુલનાયક બનાવવામાં આવ્યા હતા. ૨૦૨૧માં યુજીસીની બેઠક મળી તેમાં ગુજરાત વિદ્યાપીઠના કુલપતિને ડો. ખીમાણીને કુલનાયકના પદેથી હટાવવાનું કહેવામાં આવ્યું હતું. ડો. ખીમાણી તેની સામે હાઈ કોર્ટમાં ગયા હતા. ગુજરાત હાઈ કોર્ટે તેમને કામચલાઉ રાહત આપી હતી અને જ્યાં સુધી કેસનો ચુકાદો ન આવે ત્યાં સુધી તેમને હોદ્દા પર ચાલુ રાખવાનું કહેવામાં આવ્યું હતું. ડો. રાજેન્દ્ર ખીમાણી પોતાનો હોદ્દો બચાવવા માટે શાસક ભાજપને શરણે ગયા હતા. આ વર્ષના માર્ચ મહિનામાં અમદાવાદમાં ખીમાણી દ્વારા એક કાર્યક્રમનું આયોજન કરવામાં આવ્યું તેમાં મુખ્ય અતિથિ અમિત શાહ હતા.
ગુજરાત વિદ્યાપીઠને મળતી સરકારી ગ્રાન્ટ કેટલાંક ટેકનિકલ કારણોસર અટકી ગઈ હતી. ડો. ખીમાણી અને બીજા બે ટ્રસ્ટીઓ ગ્રાન્ટ રિલીઝ કરાવવા દિલ્હી ગયા હતા અને અમિત શાહને મળ્યા હતા. આ મુલાકાત પછી ગ્રાન્ટ રિલીઝ થઈ ગઈ હતી. ડો. ખીમાણી દિલ્હીથી અમદાવાદ પાછા આવ્યા તે પછી તેમણે કુલપતિ તરીકે ઇલા ભટ્ટનું રાજીનામું સ્વીકારી લીધું હતું. ત્યાર બાદ ટ્રસ્ટીઓ દ્વારા કુલપતિ તરીકે કેટલાંક નામો સૂચવવામાં આવ્યાં હતાં, પણ ખીમાણીએ તેને રિજેક્ટ કરી દીધાં હતાં. કેટલાક ટ્રસ્ટીઓ દ્વારા ગુજરાતના ભૂતપૂર્વ ગવર્નર ઓમ પ્રકાશ કોહલીનું નામ સૂચવવામાં આવ્યું હતું, પણ તેમની તબિયત નાદુરસ્ત રહેતી હોવાથી તેઓ તૈયાર નહોતા. છેવટે વર્તમાન રાજ્યપાલ આચાર્ય દેવવ્રતનું નામ સૂચવવામાં આવ્યું હતું અને તેને સ્વીકૃતિ મળી ગઈ હતી.
આ દરમિયાન ડો. ખીમાણી સામે જે કેસ હાઈ કોર્ટમાં પેન્ડિંગ હતો તેનો ચુકાદો આવી ગયો હતો. હાઈ કોર્ટે કાઉન્સિલને યુજીસીના હેવાલ મુજબ ૮ સપ્તાહમાં યોગ્ય આદેશ પસાર કરવાની ભલામણ કરી હતી. આ ભલામણ ડો. ખીમાણીને બરતરફ કરવાની હતી. હાઈ કોર્ટના આદેશ પછી પણ ખીમાણીએ રાજીનામું નહોતું આપ્યું અને કુલનાયક તરીકે કામ કરવાનું ચાલુ રાખ્યું હતું. આ હોદ્દાનો ઉપયોગ કરીને તેમણે ૪ ઓક્ટોબરે મીટિંગ બોલાવી હતી અને નવા કુલપતિ તરીકે આચાર્ય દેવવ્રતની નિમણૂક કરી હતી. આ નિર્ણયમાં ૧૩ ટ્રસ્ટીઓ સામેલ હોવાથી હવે ફેરફાર થઈ શકે તેમ નથી. ગાંધીજી સ્થાપિત સંસ્થા ઉપર જ ગાંધીવાદીઓના નિયંત્રણનો હવે અંત આવ્યો છે.