આમ આદમી પાર્ટીમાં (AAP) સાત રાજ્યસભા સાંસદોના ભાજપમાં પક્ષપલટા બાદ ઉથલપાથલ મચી ગઈ છે. પાર્ટી હવે આ સાત સાંસદોના સભ્યપદ રદ કરવા માટે શક્ય તેટલા પગલાં લેવા તૈયાર છે. આ ઉદ્દેશ્યને આગળ ધપાવતા પંજાબના મુખ્યમંત્રી ભગવંત સિંહ માન રાષ્ટ્રપતિ સાથે મુલાકાત કરવા માંગે છે. ભગવંત માન પંજાબના ધારાસભ્યો સાથે રાષ્ટ્રપતિને મળવાનો ઇરાદો ધરાવે છે.
આમ આદમી પાર્ટીના સાત સાંસદોએ પાર્ટી છોડી દીધી તે પછી રાજકીય ગતિવિધિઓ તેજ થઈ ગઈ છે. પંજાબના મુખ્યમંત્રી ભગવંત સિંહ માન રાષ્ટ્રપતિ દ્રૌપદી મુર્મુ સાથે મુલાકાતની વિનંતી કરી છે. અહેવાલ છે કે મુખ્યમંત્રી ભગવંત માન પંજાબના ધારાસભ્યો સાથે રાષ્ટ્રપતિને મળશે. વધુમાં ભગવંત માન ભાજપમાં જોડાયેલા પંજાબ રાજ્યસભા સભ્યોના “પાછા બોલાવવા” અંગે પોતાનો કેસ રજૂ કરે તેવી અપેક્ષા છે. નોંધનીય છે કે શુક્રવારે રાઘવ ચઢ્ઢા સહિત કુલ સાત સાંસદોએ આમ આદમી પાર્ટી છોડી દેવાની જાહેરાત કરી હતી. આમાંથી ત્રણ સાંસદો ગઈકાલે જ ઔપચારિક રીતે ભાજપમાં જોડાયા છે.
AAP તમામ સાત સાંસદોને ગેરલાયક ઠેરવવાની માંગ કરશે
દરમિયાન બીજી તરફ આમ આદમી પાર્ટીના નેતા સંજય સિંહે શનિવારે જણાવ્યું હતું કે પાર્ટી રાજ્યસભાના અધ્યક્ષને પત્ર લખીને ગૃહમાંથી સાત સાંસદોને ગેરલાયક ઠેરવવાની માંગ કરશે જેમણે એક દિવસ પહેલા જ પાર્ટી છોડી દેવાની જાહેરાત કરી હતી. સંજય સિંહે ટિપ્પણી કરી, “પક્ષપલટા વિરોધી કાયદો સ્પષ્ટપણે જણાવે છે કે રાજ્યસભા અથવા લોકસભામાં કોઈ પણ પ્રકારનું વિભાજન અથવા જૂથવાદ હોઈ શકે નહીં. આવા કાર્યોને કોઈ કાનૂની માન્યતા મળતી નથી, ભલે તેને બે-તૃતીયાંશ બહુમતી દ્વારા સમર્થન આપવામાં આવે.” તેમણે ભારપૂર્વક જણાવ્યું હતું કે બંધારણની દસમી અનુસૂચિ અને પક્ષપલટા વિરોધી કાયદો બંને રાજ્યસભા અથવા લોકસભામાં કોઈપણ પ્રકારના વિભાજન અલગ જૂથ અથવા જૂથને માન્યતા આપવાનો સ્પષ્ટપણે ઇનકાર કરે છે પછી ભલેને બે-તૃતીયાંશ બહુમતી હોય કે ન હોય.
સંજય સિંહે આ નિર્ણયને “અસંવૈધાનિક” અને “ગેરકાયદેસર” ગણાવ્યો
સંજય સિંહે સાત સાંસદોના ભાજપમાં જોડાવાના નિર્ણયને સંપૂર્ણપણે “ગેરકાયદેસર” ગણાવ્યો. તેમણે કહ્યું, “હું ઉપરાષ્ટ્રપતિ અને રાજ્યસભાના અધ્યક્ષને આ સાત સાંસદોને ગેરલાયક ઠેરવવા માટે પત્ર લખી રહ્યો છું.” AAPના રાજ્યસભા સભ્યો રાઘવ ચઢ્ઢા અને સંદીપ પાઠક, અન્ય પાંચ સાંસદો સાથે શુક્રવારે જાહેરાત કરી હતી કે તેઓ ભાજપમાં જોડાઈ રહ્યા છે. શુક્રવારે એક પત્રકાર પરિષદ દરમિયાન રાઘવ ચઢ્ઢાએ જણાવ્યું હતું કે AAPના દસ રાજ્યસભા સભ્યોમાંથી સાત ભાજપમાં ભળી જવા માટે તૈયાર છે.
