The Latest
-
Gujaratગાંધીનગર મનપાની ચૂંટણીમાં બપોરે 5 વાગ્યા સુધી 54.1% મતદાન, ક્યાંક બબાલ તો ક્યાંક EVMમાં ખામી, 13 ઓક્ટોબરે પરિણામ
-
SURATસુરતમાં ડો. હર્ષ પંડ્યા આપઘાત કેસમાં બે મહિલા ડોક્ટરની ધરપકડ, અન્ય બે આરોપી હજુ ફરાર
-
National‘ભારતવાસીઓ એકજૂથ છે’, CJPના આંદોલન પર કંગના રણૌતે ઉઠાવ્યા સવાલ
-
Science & TechnologyIMC 2026નાં 6 ગેજેટ્સે ખેંચ્યું ધ્યાન, ચશ્માથી પેમેન્ટ અને રોબોટથી દાંતની તપાસ
-
Worldઅમેરિકા-ચીનના વેપારમાં 20%થી વધુ ઘટાડો, બદલાઈ રહ્યા છે વૈશ્વિક વેપારના સમીકરણો
-
Nationalઅયોધ્યાના શ્રી રામ જન્મભૂમિ મંદિરમાં રામલલાના ભોગ અને પ્રસાદની ગુણવત્તાને માન્યતા, બે વર્ષ માટે મળ્યું FSSAI પ્રમાણપત્ર
-
Gujaratસૌરાષ્ટ્ર અને ઉત્તર ગુજરાત માટે દિવાળીએ વધારાની બસો, હર્ષ સંઘવીએ કરી એડવાન્સ બુકિંગની અપીલ
-
Worldજીબૂતીના દરિયાકાંઠે બોટ પલટી જતાં 109 ના મોત, મૃતકોમાં 15 બાળકો, બચાવ કામગીરી ચાલુ
-
NationalUP કોંગ્રેસ મુખ્યાલયમાં જૂતા ફેંકાયા અને કાર્યકરો વચ્ચે ઉગ્ર બોલાચાલી અને ધક્કામુક્કી થઈ
-
Nationalસુપ્રીમ કોર્ટ: શાંતિપૂર્ણ વિરોધ કરનારાઓની અટકાયત ન કરો, મેટ્રો અને ઇન્ટરનેટ સેવાઓ પુનઃસ્થાપિત કરો
-
Nationalભારતમાં સ્ટારલિંકની એન્ટ્રીથી જિયો-એરટેલને ટક્કર? મસ્કે કિંમતો અંગે આપ્યા સંકેત
-
Nationalઅભિજિત દીપકે મુક્ત થતાં જ PM મોદી પર સાધ્યું નિશાન, CECના રાજીનામાની માગ સાથે આંદોલન ચાલુ રાખવાનો સંકલ્પ
-
SURATસુરત અને મધુબની વચ્ચે બે ‘અમૃત ભારત સ્પેશિયલ’ ટ્રેનો દોડશે, 8 સ્લીપર અને 11 જનરલ કોચ હશે
-
IndiaLNG બાદ હવે LPGના પૂરવઠામાં પણ મોટો ફેરફાર, અમેરિકાને પાછળ છોડી UAE બન્યું ભારતનું સૌથી મોટું સપ્લાયર
-
Vadodaraવડોદરામાં રાજ્ય ચૂંટણી પંચના આદેશથી મતદાર યાદી સુધારણા ઝુંબેશનો પ્રારંભ
-
Entertainmentનાના પાટેકર પર આરોપ લગાવનારી તનુશ્રી દત્તા પર ભડક્યો સુનીલ પાલ, કહ્યું, ‘માત્ર પબ્લિસિટી જોઈએ છે’
-
Nationalસુપર અલ નીનોની અસરથી 20 દિવસમાં ખાંડ 10% મોંઘી, દૂધ અને લોટના ભાવમાં પણ વધારો; 2027 સુધી અસરની આશંકા
-
Businessબેંકો માટે RBIએ રોકડના નિયમો કડક કર્યા, દૈનિક CRRની મર્યાદા 90%થી વધારી 99% કરી
-
Businessકૃષિ ચીજવસ્તુઓના ભાવમાં વધારો, ખાદ્ય મોંઘવારી વધવાની આશંકા; ડુંગળીના ભાવમાં 100% ઉછાળો
-
Vadodaraવડોદરા-ડભોઈ રોડ પર ટ્રાફિકજામથી વાહનચાલકો પરેશાન, 3 કલાક સુધી વાહનોની લાંબી કતારો
-
Entertainmentસલમાન ખાન સાથે પેચઅપ કરવા નથી માંગતી સોમી અલી, જૂના સંબંધો અંગે કર્યો ખુલાસો
-
VadodaraSSG હોસ્પિટલમાંથી ફરાર થયેલો ગુજસીટોકનો આરોપી મોહસીન મીંડી ફરી ઝડપાયો
-
Entertainmentઅજય દેવગણે કારગિલમાં શરૂ કર્યું ‘ચૌહાણ’નું શૂટિંગ, 1 ઓક્ટોબર 2027ના રોજ થશે રિલીઝ
-
Sportsભારત સામે ટક્કર માટે ન્યૂઝીલેન્ડ તૈયાર, પ્રથમ ત્રણ વનડે માટે 14 ખેલાડીઓની પસંદગી
-
Businessતાંબું 1,800 પ્રતિ કિલો પહોંચ્યું, ગીઝર, પંખા અને કુલર ખરીદવા હવે વધુ ખર્ચ કરવો પડશે
-
Indiaસંઘર્ષને આપી માત: સકીના પાસે આજે 3 ગાડીઓ, સ્વસહાય જૂથની મહિલાઓ પણ બની રહી છે આત્મનિર્ભર
-
Entertainmentતનુશ્રી દત્તા પર સુનીલ પાલના આકરા પ્રહાર, નાના પાટેકરને ગણાવ્યા ‘ધરતીપુત્ર’
-
Sports31 વર્ષની ઉંમરે પણ ટીમ ઈન્ડિયાનું સપનું અધૂરું! આ ક્રિકેટરની મહેનતનું ફળ ક્યારે મળશે?
-
Indiaકોઈ ગાંધી બની દોડ્યું, તો કોઈ પોલીસની પકડમાંથી છૂટીને ભાગ્યું
-
Nationalપીએમ મોદી આજે ચેન્નઈના પ્રવાસે, મેટ્રો ફેઝ-2નું ઉદ્ઘાટન કરશે; 15 હજાર પોલીસ જવાનો તૈનાત
ગાંધીનગર મહાનગરપાલિકાની 11 વોર્ડની 44 બેઠકો માટે 11 ઓક્ટોબરે મતદાન યોજાયું હતું. સવારે 7 વાગ્યે શરૂ થયેલી મતદાન પ્રક્રિયા સાંજે 6 વાગ્યા સુધી ચાલી હતી. બપોરે 5 વાગ્યા સુધીમાં સરેરાશ 54.1 ટકા મતદાન નોંધાયું હતું. આ ચૂંટણીમાં કુલ 2,59,780 મતદારો નોંધાયેલા છે, જેમાં 1,32,457 પુરુષ અને 1,27,314 મહિલા મતદારોનો સમાવેશ થાય છે. ચૂંટણી મેદાનમાં ઉતરેલા 130 ઉમેદવારોનું ભાવિ મતપેટીમાં સીલ થયું છે. મતગણતરી 13 ઓક્ટોબરે યોજાવાની છે. મતદાન દરમિયાન કેટલાક વિસ્તારોમાં રાજકીય પક્ષોના કાર્યકરો વચ્ચે ઘર્ષણની ઘટનાઓ સામે આવી હતી. વોર્ડ નંબર 7માં વાવોલ-કુબેરનગરની એમ.બી. પટેલ સ્કૂલ બહાર ભાજપની છત્રીઓ મૂકવા બાબતે વિવાદ થયો હતો. મતદાન મથકની બહાર ભાજપ અને કોંગ્રેસના કાર્યકરો સામસામે આવી જતાં વાતાવરણ ગરમાયું હતું. પરિસ્થિતિને કાબૂમાં લેવા લોકલ ક્રાઇમ બ્રાન્ચ અને સ્થાનિક પોલીસનો કાફલો ઘટનાસ્થળે પહોંચ્યો હતો.
વોર્ડ નંબર 3માં સમાવિષ્ટ સેક્ટર-24માં આમ આદમી પાર્ટી અને ભાજપના બે જૂથ વચ્ચે પણ માથાકૂટ થઈ હતી. મતદારોને ક્રમાંક નંબર બતાવવાની બાબતે વિવાદ થતાં મામલો ઉગ્ર બન્યો હતો. જોકે, પોલીસ તાત્કાલિક ઘટનાસ્થળે પહોંચી હતી અને બંને પક્ષોને શાંત પાડ્યા હતા. વોર્ડ નંબર 2માં આવેલી આરાધના સ્કૂલના મતદાન મથક પર કોંગ્રેસના ઉમેદવાર સૂર્યસિંહ ડાભીએ બુથ કેપ્ચરિંગનો આક્ષેપ કર્યો હતો. તેમના આક્ષેપ મુજબ, કલોલના ભાજપના ધારાસભ્ય અને તેમના સમર્થકો દ્વારા બુથ કેપ્ચરિંગ કરવામાં આવ્યું હતું. આ મામલે રાજકીય ચર્ચા પણ તેજ બની હતી. મતદાન દરમિયાન વોર્ડ નંબર 6ના 168 નંબરના બૂથ પર ઇવીએમ મશીનની ડિસ્પ્લે બંધ થઈ જતાં મતદાન અટકી ગયું હતું. મશીન લગભગ અડધો કલાક બંધ રહેતાં મતદાન કરવા આવેલા લોકોને રાહ જોવી પડી હતી. ત્યારબાદ ઇવીએમ બદલવાની કાર્યવાહી હાથ ધરવામાં આવી હતી. આ ઘટનાને કારણે થોડા સમય માટે મતદાન પ્રક્રિયામાં વિક્ષેપ પડ્યો હતો.
બપોરે 1 વાગ્યા સુધીમાં ગાંધીનગર મનપાની ચૂંટણીમાં સરેરાશ 31.90 ટકા મતદાન નોંધાયું હતું. આ સમયે પુરુષ મતદારોનું મતદાન 35.47 ટકા અને મહિલા મતદારોનું મતદાન 28.19 ટકા હતું. વોર્ડ પ્રમાણે મતદાનમાં તફાવત જોવા મળ્યો હતો. વોર્ડ નંબર 1માં 44.16 ટકા અને વોર્ડ નંબર 4માં 42.20 ટકા મતદાન નોંધાયું હતું. બીજી તરફ વોર્ડ નંબર 10માં સૌથી ઓછું 26.26 ટકા અને વોર્ડ નંબર 9માં 26.90 ટકા મતદાન થયું હતું. વોર્ડ નંબર 2માં 37.35 ટકા, વોર્ડ 3માં 35.03 ટકા, વોર્ડ 5માં 28.92 ટકા, વોર્ડ 6માં 31.81 ટકા, વોર્ડ 7માં 38.22 ટકા, વોર્ડ 8માં 30.63 ટકા અને વોર્ડ 11માં 33.74 ટકા મતદાન નોંધાયું હતું.
સવારે મતદાન શરૂ થતાં જ કેટલાક મતદાન મથકો પર નાગરિકો મતાધિકારનો ઉપયોગ કરવા પહોંચ્યા હતા. ગાંધીનગરનાં મેયર મીરા પટેલે મતદાન કરીને લોકોને પણ મતદાન કરવા અપીલ કરી હતી. યુવા મતદાર દીક્ષી પટેલે યુવાનોને મતદાનનું મહત્ત્વ સમજાવી મતદાન કરવા પ્રોત્સાહિત કર્યા હતા. 80 વર્ષનાં કુસુમબેન ભટ્ટે પણ યુવાનોને મતદાન કરવા અપીલ કરી હતી. ઉત્તર ગાંધીનગરનાં ધારાસભ્ય અને પૂર્વ મેયર રીટાબેન પટેલ સમર્થકો સાથે ઢોલ વગાડતા મતદાન કરવા પહોંચ્યાં હતાં. એસએમવીએસના સંતો અને ત્યાગીમુક્તોએ પણ મતદાન કર્યું હતું. પહેલીવાર મતદાન કરનારા યુવા મતદારોમાં પણ ઉત્સાહ જોવા મળ્યો હતો. જોકે, કેટલાક મતદારોને મતદાન કરવામાં મુશ્કેલી પણ પડી હતી. વોર્ડ નંબર 5માં એક યુવતીનું નામ મતદાર યાદીમાં ન હોવાથી તે મતદાન કરી શકી નહોતી, જ્યારે તેના પતિએ મતદાન કર્યું હતું. મતદાર યાદીમાં નામ ન હોવાને કારણે મતાધિકારનો ઉપયોગ ન કરી શકવાની ફરિયાદ પણ સામે આવી હતી. સેક્ટર-22માં ગટર અને રસ્તા સહિતની સ્થાનિક સમસ્યાઓ અંગે નિમિષાબેન પટેલે નારાજગી વ્યક્ત કરી હતી અને પરિવર્તનની જરૂરિયાત પર ભાર મૂક્યો હતો.
ચૂંટણીને શાંતિપૂર્ણ રીતે પૂર્ણ કરવા માટે વહીવટી તંત્ર અને પોલીસ દ્વારા વ્યાપક બંદોબસ્ત ગોઠવવામાં આવ્યો હતો. કુલ 295 મતદાન મથકોમાંથી 90ને સંવેદનશીલ જાહેર કરવામાં આવ્યા હતા. વોર્ડ નંબર 2માં સૌથી વધુ 14, વોર્ડ 4માં 13, વોર્ડ 7માં 12 અને વોર્ડ 10માં 10 સંવેદનશીલ મતદાન મથકો હતાં. વોર્ડ 1માં 8, વોર્ડ 3માં 4, વોર્ડ 5માં 8, વોર્ડ 6માં 8 અને વોર્ડ 11માં 5 મતદાન મથકોને સંવેદનશીલ જાહેર કરાયા હતા. સુરક્ષા વ્યવસ્થા માટે જિલ્લા પોલીસ વડાના માર્ગદર્શન હેઠળ 6 ડીવાયએસપી, 15 પોલીસ ઇન્સ્પેક્ટર, 40 પોલીસ સબ ઇન્સ્પેક્ટર, 580 પોલીસ જવાનો, 350 હોમગાર્ડ જવાનો અને એસઆરપીની ત્રણ પ્લાટૂન તૈનાત કરવામાં આવી હતી. મતદાન પ્રક્રિયા સંભાળવા માટે આશરે 1,570 કર્મચારીઓ ફરજ પર હતા. મતદાન માટે 10 ટકા અનામત જથ્થા સહિત કુલ 730 બૂથ યુનિટ અને 625 કંટ્રોલ યુનિટની વ્યવસ્થા કરવામાં આવી હતી.
ચૂંટણી સંબંધિત માહિતી અને નાગરિકોની રજૂઆતોના ઝડપી ઉકેલ માટે જિલ્લા કક્ષાએ કંટ્રોલ રૂમ પણ કાર્યરત કરવામાં આવ્યો હતો. મતદાનના દિવસે અને 13 ઓક્ટોબરે મતગણતરી દરમિયાન કંટ્રોલ રૂમ ચાલુ રાખવાની વ્યવસ્થા કરવામાં આવી હતી. નાગરિકો ચૂંટણી સંબંધિત માહિતી અથવા રજૂઆત માટે 07923259035 નંબર પર સંપર્ક કરી શકે છે. આ ચૂંટણીમાં તમામ 44 બેઠકો પર મતદાન યોજાયું હતું. બેઠકો બિનહરીફ કરાવવા માટે શાસક પક્ષ તરફથી પ્રયાસો થયાની ચર્ચા વચ્ચે વિપક્ષી અને અપક્ષ ઉમેદવારો મેદાનમાં ટકી રહેતાં તમામ બેઠકો પર ચૂંટણી યોજાઈ હતી. હવે 13 ઓક્ટોબરે થનારી મતગણતરી બાદ ઉમેદવારોના રાજકીય ભાવિનો નિર્ણય સ્પષ્ટ થશે.