કોઈ અનિચ્છનીય બનાવ ન બને માટે સીઆરપીએફ, SRPF, CISF અને હોમગાર્ડ ખડેપગે
સંવેદનશીલ અને અતિસંવેદનશીલ વિસ્તારમાં કરાતુ એરીયા ડોમીનેશન અને ફુટ પેટ્રોલીગ : નરસિમ્હા કોમાર
વડોદરા તા.25
વડોદરા શહેરમાં રવિવારે સ્થાનિક સ્વરાજની ચૂંટણી યોજાનાર હોવાથી પોલીસ તંત્ર સંપૂર્ણ એક્શનમાં આવી ગયું છે. મતદાન પ્રક્રિયા દરમિયાન કોઈ અનિચ્છનીય બનાવ ન બને અને શાંતિપૂર્ણ તથા નિષ્પક્ષ મતદાન થાય તેને માટે શહેરભરમાં ચુસ્ત પોલીસ બંદોબસ્ત ગોઠવવામાં આવ્યો છે. જોઈન્ટ સીપી એડિશનલ સીપી, ડીસીપી,એસસી,પીઆઇ, પીએસઆઇ, પોલીસ કર્મચારીઓ અને હોમગાર્ડ સહિત 3500 થી વધુ જવાનો સહિત વિવિધ કંપનીઓની ટુકડીઓ પણ તૈનાત કરાઈ છે.
વડોદરા શહેરમાં 26 એપ્રિલના રોજ મહા નગર પાલિકાના કુલ 19 વોર્ડ, જિલ્લા પંચાયતની 7 સીટ અને તાલુકા પંચાયતની 13 સીટ માટે મતદાન યોજાઈ રહ્યું છે. આ ચૂંટણી પ્રક્રિયા દરમિયાન કાયદો અને વ્યવસ્થા જળવાઈ રહે તે માટે પોલીસ તંત્ર દ્વારા એકશન પ્લાન બનાવવામા આવ્યો છે.
મતદાન માટે વડોદરા મહાનગરપાલિકાના કુલ 1100 બુથ અને 362 બિલ્ડિંગ તેમજ જિલ્લા અને તાલુકા પંચાયતના 88 બુથ અને 43 બિલ્ડિંગમાં વ્યવસ્થા કરવામાં આવી છે. દરેક સ્થળે કડક સુરક્ષા વ્યવસ્થા ગોઠવવામાં આવી છે.
ચૂંટણી દરમિયાન કોઈ ગેરકાયદેસર પ્રવૃત્તિ ન થાય અને શહેરમાં શાંતિપૂર્ણ વાતાવરણ રહે તે માટે અંદાજે 3500 જેટલા પોલીસ અધિકારીઓ અને કર્મચારીઓને ફરજ પર મુકવામાં આવ્યા છે. આ બંદોબસ્તમાં પોલીસના ઉચ્ચ અધિકારીઓ સહિત હોમ ગાર્ડ સહિતના જવાનો મળી 3500 ઉપરાંતના જવાનો SRPFના જવાનો, CISFની 1 કંપની તૈનાત કરવામાં આવી છે. સીઆરપીએફની ટુકડીઓ પણ શહેરમાં પેટ્રોલિંગ કરી રહી છે, જેથી કોઈ અસામાજિક તત્વો ગેરકાયદે પ્રવૃત્તિ કરી ન શકે.
પોલીસ તંત્ર દ્વારા શહેરના સંવેદનશીલ વિસ્તારોમાં વિશેષ નજર રાખવામાં આવી રહી છે અને સતત પેટ્રોલિંગ દ્વારા કાયદો અને વ્યવસ્થા જાળવવાનો પ્રયત્ન કરવામાં આવી રહ્યો છે.
ચૂંટણી પંચ દ્વારા જાહેર કરાયેલા આદર્શ આચારસંહિતાનો સંપૂર્ણ અમલ થાય અને સામાન્ય જનતા નિર્ભય વાતાવરણમાં મતદાન કરી શકે તે માટે વડોદરા પોલીસ દ્વારા સઘન સુરક્ષા વ્યવસ્થા ઉભી કરવામાં આવી છે. શહેરમાં શાંતિપૂર્ણ અને લોકશાહી માહોલ વચ્ચે મતદાન પ્રક્રિયા પૂર્ણ થાય તે માટે તમામ તંત્ર સજ્જ છે.
પોલીસ કમિશનર નરસિમ્હા કોમારે જણાવ્યું હતુ કે વડોદરા મહાનગર પાલિકા અને વડોદરા તાલુકા જીલ્લા પંચાયતની ચૂંટણીની મતદાન પ્રક્રિયા 26 એપ્રિલે યોજાવાની છે. ત્યારે 1 એપ્રિલના રોજથી રાજય ચૂંટણી પંચ દ્વારા આદર્શ આચારસંહિતા લાગુ થઇ છે. ત્યારથી જ
વડોદરા શહેર પોલીસ દ્વારા બુટલેગર્સ, ગેમ્બલર્સ તેમજ ડેન્જર પર્સન વિરુધ્ધ પાસા એકટ હેઠળ કુલ – 33 પાસા. 7 તડિપાર તથા બુટલેગર્સ તેમજ અસામાજીક તત્વો જેઓ ગુનાહિત ઇતિહાસ ધરાવતા 4024 તત્વો વિરૂધ્ધ અટકાયતી પગલાલેવામાં આવ્યા છે. તેમજ વાહન ચેકીંગ દરમિયાન 16 હજાર જેટલા વાહનો ચેક કરી ડ્રીંક એન્ડ ડ્રાઇવના 102 કેસ તથા એમ.વી.એકટ મુજબ-315 વાહનો ડીટેઇન કરાયા છે. તેમજ પ્રોહિબીશન એકટ હેઠક 1018 કેસ કરી દેશી 76 લાખનો મુદ્દામાલ
પકડવામાં આવ્યો છે. વડોદરા શહેરમાં 1494 વોરંટની બજવણી કરાઈ છે. શહેરનાં સંવેદનશીલ અને અતિસંવેદનશીલ વિસ્તારમાં એરીયા ડોમીનેશન અને ફુટ પેટ્રોલીગ કરવામાં આવી રહયુ છે.
– બંદોબસ્ત પર એક નજર
JCP-1,
Additional CP-1,
DCP-6,
ACP-13,
PI-58,
PSI-176
2057 પોલીસ જવાનો
247 નવા તાલીમાર્થીઓ
1406 હોમગાર્ડ સભ્યો
SRPFના જવાનો,
CISFની 1 કંપની
