ઘટના સમયે ડોનાલ્ડ ટ્રમ્પ હાજર, 25 રાઉન્ડ ફાયરિંગ બાદ હુમલાખોર ઠાર
અમેરિકાની રાજધાની વોશિંગ્ટન ડી.સી.માં સ્થિત વિશ્વપ્રસિદ્ધ White House નજીક અચાનક થયેલા ગોળીબારની ઘટનાએ સમગ્ર અમેરિકામાં ચકચાર મચાવી દીધી છે.અમેરિકાના પૂર્વ રાષ્ટ્રપતિ અને હાલના રાષ્ટ્રપતિ Donald Trump ઘટનાના સમયે વ્હાઇટ હાઉસ પરિસરમાં હાજર હોવાનું જાણવા મળતા સુરક્ષા એજન્સીઓ તાત્કાલિક એલર્ટ મોડમાં આવી ગઈ. માહિતી મુજબ એક શંકાસ્પદ હુમલાખોરે અચાનક અંદાજે 25 રાઉન્ડ ફાયરિંગ કર્યું હતું, જેના કારણે વિસ્તારમાં ભારે દહેશતનો માહોલ સર્જાયો હતો. બાદમાં સુરક્ષા દળોએ જવાબી કાર્યવાહી કરીને હુમલાખોરને ઠાર મારી દીધો હતો.
Donald Trump નજીક બનેલી આ ઘટનાએ અમેરિકાની સુરક્ષા વ્યવસ્થાને લઈને અનેક સવાલો ઉભા કર્યા છે. અમેરિકન સિક્રેટ સર્વિસ અને સ્થાનિક પોલીસ તાત્કાલિક ઘટનાસ્થળે પહોંચી ગઈ હતી અને સમગ્ર વિસ્તારને સીલ કરી દેવામાં આવ્યો. વ્હાઇટ હાઉસની આસપાસનો વિસ્તાર સંપૂર્ણપણે બંધ કરી દેવાયો હતો અને લોકોને ત્યાંથી દૂર રહેવા સૂચના આપવામાં આવી હતી.
પ્રાથમિક માહિતી અનુસાર, હુમલાખોર ભારે હથિયારો સાથે વ્હાઇટ હાઉસ નજીક પહોંચ્યો હતો. અચાનક તેણે સુરક્ષા બેરિકેડ તરફ ગોળીબાર શરૂ કર્યો હતો. ગોળીબારના અવાજથી સમગ્ર વિસ્તાર ગુંજી ઉઠ્યો હતો. ઘટનાના સમયે વ્હાઇટ હાઉસમાં રાષ્ટ્રપતિ ટ્રમ્પ હાજર હોવાને કારણે સુરક્ષા દળોએ તાત્કાલિક તેમને સુરક્ષિત સ્થળે ખસેડી દીધા હતા. સિક્રેટ સર્વિસના એજન્ટોએ ઝડપથી કાર્યવાહી કરીને પરિસ્થિતિને કાબૂમાં લીધી હતી.
અહેવાલ મુજબ હુમલાખોર સતત ગોળીબાર કરતો રહ્યો હતો અને આશરે 25 રાઉન્ડ ફાયરિંગ થયા હતા.સુરક્ષા દળોએ પહેલા તેને આત્મસમર્પણ કરવા ચેતવણી આપી હતી,પરંતુ તેણે ગોળીબાર ચાલુ રાખતા જવાબી કાર્યવાહી કરવામાં આવી હતી. અંતે હુમલાખોરને ગોળી મારી ઠાર કરવામાં આવ્યો હતો. હાલ સુધી તેની ઓળખ જાહેર કરવામાં આવી નથી, પરંતુ તપાસ એજન્સીઓએ તેની પાછળ કોઈ આતંકી સંગઠન અથવા અન્ય કાવતરું છે કે નહીં તે દિશામાં તપાસ શરૂ કરી છે.
ઘટના બાદ અમેરિકાની તમામ મહત્વપૂર્ણ સરકારી ઇમારતો અને સુરક્ષા સંસ્થાઓને હાઈ એલર્ટ પર રાખવામાં આવી છે. Washington D.C. પોલીસ, FBI અને Secret Service સંયુક્ત રીતે સમગ્ર મામલાની તપાસ કરી રહી છે. ઘટના સ્થળેથી હથિયારો અને અન્ય શંકાસ્પદ સામગ્રી પણ મળી હોવાનું જાણવા મળ્યું છે.તપાસ અધિકારીઓ આસપાસના CCTV ફૂટેજ અને સાક્ષીઓના નિવેદનોના આધારે હુમલાની સંપૂર્ણ કડી શોધવાનો પ્રયાસ કરી રહ્યા છે.
આ ઘટનાએ ફરી એકવાર અમેરિકામાં વધતી ગન હિંસા અને સુરક્ષા મુદ્દાઓને લઈને ચર્ચા જગાવી છે. ખાસ કરીને વ્હાઇટ હાઉસ જેવા અત્યંત સુરક્ષિત વિસ્તારમાં આવી ઘટના બનવી ગંભીર માનવામાં આવી રહી છે. સુરક્ષા નિષ્ણાતોનું માનવું છે કે હુમલાખોર પાસે પહેલેથી યોજના હોવાની શક્યતા નકારી શકાય નહીં.ઘટના પછી Donald Trump સંપૂર્ણપણે સુરક્ષિત હોવાનું વ્હાઇટ હાઉસ તરફથી સ્પષ્ટ કરવામાં આવ્યું છે. ટ્રમ્પના નજીકના સૂત્રોએ જણાવ્યું કે ઘટનાના સમયે તેઓ બેઠકમાં વ્યસ્ત હતા અને સુરક્ષા એજન્સીઓએ મિનિટોમાં સમગ્ર પરિસ્થિતિ કાબૂમાં લઈ લીધી હતી. જોકે ઘટનાએ વ્હાઇટ હાઉસ સ્ટાફ અને અધિકારીઓમાં ભયનો માહોલ સર્જી દીધો હતો.
અમેરિકન મીડિયામાં આ ઘટનાને લઈને સતત કવરેજ ચાલી રહ્યું છે. સોશિયલ મીડિયા પર પણ લોકોમાં ભારે ચર્ચા જોવા મળી રહી છે.અનેક રાજકીય નેતાઓએ ઘટનાની નિંદા કરી અને સુરક્ષા દળોની ઝડપી કામગીરીની પ્રશંસા કરી છે.સાથે જ વિશ્વભરમાં પણ આ ઘટનાને ગંભીરતાથી જોવામાં આવી રહી છે કારણ કે White House માત્ર અમેરિકાનું નહીં પરંતુ વૈશ્વિક રાજકારણનું પણ સૌથી મહત્વપૂર્ણ કેન્દ્ર માનવામાં આવે છે. આવી ઘટના બનતા આંતરરાષ્ટ્રીય સ્તરે પણ ચિંતા વ્યક્ત કરવામાં આવી રહી છે.
હાલ સુરક્ષા એજન્સીઓ હુમલાખોરની પૃષ્ઠભૂમિ, તેની મન્સા અને સંભવિત કાવતરાની દરેક દિશામાં તપાસ કરી રહી છે. FBI એ જણાવ્યું છે કે ઘટના પાછળ કોઈ મોટી સાજિશ છે કે નહીં તે જાણવા માટે તમામ એંગલ પરથી તપાસ ચાલુ છે. મહત્વ નું છે કે ગોળીબારની ઘટનાએ ફરી સાબિત કર્યું છે કે દુનિયાની સૌથી શક્તિશાળી સુરક્ષા વ્યવસ્થાઓ વચ્ચે પણ ખતરો સંપૂર્ણ પણે ટાળી શકાયો નથી. હવે સમગ્ર અમેરિકાની નજર તપાસ એજન્સીઓની આગામી કાર્યવાહી અને સત્તાવાર રિપોર્ટ પર ટકેલી છે.
