પ્ર : અત્યારે હું કોલેજમાં અભ્યાસ કરી રહી છું. મારે આગળ ભણવું છે. ઘરના ઇચ્છે છે કે મારે લગ્ન કરી લેવા જોઇએ. મારે કઇ ઉંમરે લગ્ન કરવા યોગ્ય રહેશે? વધુ અભ્યાસ શકય છે? જ્ઞાતિમાં જ પરણવું યોગ્ય છે?
ત્રિશા વૈષ્ણવ (સુરત)
ઉત્તર : તમારે માટે હાલમાં લગ્ન કરવા યોગ્ય નથી. અભ્યાસ માટે હાલમાં તમારા ગ્રહો સારા છે. ભવિષ્યમાં એજયુકેશન લાઇનમાં નોકરીની તક રહેલી છે. અભ્યાસમાં રસ હોય તો એકાગ્ર ચિત્તે અભ્યાસ કરતાં આગળ અભ્યાસ કરી શકશો. બીજી જ્ઞાતિમાં લગ્ન થવાની શકયતા વધારે છે. લગ્નના યોગ 2025-2026માં છે. ગુરુ ગ્રહની ઉપાસના કરો.
પ્ર : હું B.A. L.L.B. છું અને સાયબર લોનો ડિપ્લોમા કરી ચૂકી છું. કયું શહેર વ્યવસાય માટે સારું રહેશે? નંદરબારમાં રહું છું ને પૂણે જવા વિચારું છું તો તે યોગ્ય રહેશે?
વેદિકા (નંદરબાર)
ઉત્તર : તમારા ગ્રહ સારા છે. તમારી કુંડળી મુજબ વતનથી દૂર જ પ્રગતિ દેખાય છે. પૂના શહેરમાં જવું સલાહભરેલું છે. આ ઉપરાંત તમારા ગ્રહો જોતા નાસિક, સોલાપુર, જલગાંવ પણ યોગ્ય રહેશે. તમારે માટે નોકરી સલાહ ભરેલી છે. તેમાં તમે સારી પ્રગતિ કરશો. આ ઉપરાંત નદી કે સમુદ્ર કિનારાના શહેરો પણ તમારે માટે યોગ્ય રહેશે.
પ્ર : હું વિધવા છું. ફરી લગ્ન કરવા ઇચ્છું છું, જેથી હું ને મારો દીકરો એકલા ન પડી જઇએ. શું પુનર્લગ્ન શકય છે? અમે અનાવિલ બ્રાહ્મણ છીએ.
જિગીષા દેસાઇ (બારડોલી)
ઉત્તર : તમારા બીજા લગ્નના યોગ 2023-2024માં છે. બીજા લગ્નમાં પાર્ટનર જવાબદારીભર્યો મળશે. આ માટે યોગ્ય પ્રયત્ન કરવા જરૂરી છે. ગુરુ ગ્રહની ઉપાસના કરો.
પ્ર : વ્યવસાયમાં સ્થિરતા ઇચ્છું છું. અપરિણીત છું. તો યોગ્ય જીવનસાથી પણ ઇચ્છુ છું. મનમાં અજંપો રહે છે. લગ્ન અને વ્યવસાય માટે સારું બને તો કયારે બને?
જવલંત (વડોદરા)
ઉત્તર : તમારા જન્મના ગ્રહો મધ્યમ છે. તમારા લગ્ન જૂન 2022 થી એપ્રિલ 2023 સુધીમાં થવાની શકયતા છે. ધંધામાં ધીરે ધીરે પ્રગતિ થશે. સંઘર્ષ અને મહેનત વધુ કરવી પડશે. આપે ધંધાનો પ્રકાર લખ્યો નથી એટલે વધુ માર્ગદર્શન શકય નથી. 2028 સુધીમાં સ્થિરતા આવવાની શકયતા જણાય છે. શનિ મંત્રના જાપ કરવા લાભદાયક છે.
