ઉમરેઠ : ઉમરેઠમાં રહેતી 28 વર્ષિય માનસિક વિકલાંગ યુવતી પર ગામના 75 વર્ષિય વૃદ્ધે નજર બગાડી હતી અને તેણે આ યુવતીને હવસનો શિકાર બનાવી વારંવાર તેના પર દુષ્કર્મ ગુજાર્યું હતું. જેના કારણે યુવતીને ગર્ભ રહી ગયો હતો. જોકે, ગર્ભકાળના છ મહિના બાદ સમગ્ર મામલો બહાર આવતા પોલીસે વૃદ્ધ ગામે ગુનો નોંધી તેની ધરપકડ માટે ચક્રોગતિમાન કર્યાં હતાં. ઉમરેઠના 75 વર્ષિય વૃદ્ધ સતિષ રાણા (ખાંડવાળા)એ તેની દિકરીની ઉંમર યુવતીને હવસનો શિકાર બનાવ્યો હતો. નગરની 28 વર્ષિય માનસિક વિકલાંગ યુવતી પર સતીષ રાણાએ વારંવાર દુષ્કર્મ ગુજાર્યું હતું. યુવતીના પરિવારજનો કામ અર્થે બહાર જાય ત્યારે ઘરે એકલી રહેલી યુવતીને લાલચી આપી.
સતીષ રાણા પોતાના ઘરમાં બોલાવતો હતો. બાદમાં એકલતાનો લાભ લઇ માનસિક યુવતીની મરજી વિરૂદ્ધ દૂષ્કર્મ આચરતો હતો. જોકે, યુવતીને આ અંગે કશી જાણ થતી નહતી. સતીષ રાણા તેનો ગેરલાભ લઇ વારંવાર દૂષ્કર્મ ગુજારતો હતો. દરમિયાનમાં યુવતીની તબિયત લથડી હતી. આથી, તેમના પરિવારજનો તાત્કાલિક તેને સારવાર માટે હોસ્પિટલમાં લઇ ગયાં હતાં. જ્યાં તે ગર્ભવતિ હોવાનું બહાર આવતાં પરિવારજનો ચોંકી ગયાં હતાં. આ અંગે યુવતીની પુછપરછ કરતાં તેણે સતિષ રાણાએ એકલતાનો લાભ લઇ ઘરે લઇ જઈ ગંદુ કામ કરતા હોવાનું જણાવ્યું હતું. આથી, પરિવારજનો પોલીસ મથકે પહોંચ્યાં હતાં. જ્યાં પોલીસે સતિષ રાણા સામે ગુનો નોંધી વધુ તપાસ હાથ ધરી છે.
