છેલ્લા કેટલાક દિવસોથી દેશના વિવિધ ભાગોમાં ચાલી રહેલું વાવાઝોડું (Cyclone) આગામી ચાર દિવસ સુધી અટકશે નહીં. આ તોફાન માત્ર દેશના વિવિધ ભાગોને જ ઝડપથી અસર કરશે નહીં પરંતુ બદલાયેલી પરિસ્થિતિઓમાં ઘણા વિસ્તારોમાં તાપમાનમાં વધારો કરશે. હવામાન વિભાગના (Meteorological Department) મહાનિર્દેશક મૃત્યુંજય પાત્રાએ જણાવ્યું હતું કે ભેજ અને સતત વધતા તાપમાનના કારણે દેશમાં તોફાનની સ્થિતિ સર્જાઈ રહી છે. વર્તમાન હવામાન પરિસ્થિતિઓને કારણે ધૂળનું વાવાઝોડું ચાલુ રહેવાની ધારણા છે. આવા જ સંજોગોમાં મુંબઈમાં આવેલા ભયંકર તોફાને 14 લોકોના જીવ લીધા હતા. જ્યારે 50થી વધુ લોકો હજુ પણ ઘાયલ છે અને હોસ્પિટલમાં દાખલ છે.
હવામાન વિભાગે આજે પણ દેશના વિવિધ ભાગો માટે એલર્ટ જારી કર્યું છે. આગામી કેટલાક દિવસો સુધી દેશના મોટાભાગના દરિયાઈ વિસ્તારોમાં આવા તોફાન આવશે. તેનું કારણ જણાવતા હવામાન વિભાગે કહ્યું છે કે સતત વધતા ભેજ અને તાપમાનને કારણે આ સ્થિતિ સર્જાઈ રહી છે. હવામાન વિભાગના મહાનિર્દેશકનું કહેવું છે કે જે રીતે તોફાન મુંબઈમાં ત્રાટક્યું છે તેવું જ તોફાન હજુ પણ કેટલાક વિસ્તારોમાં આવવાની શક્યતાઓ છે. આવા સંજોગોને ધ્યાનમાં રાખીને હવામાન વિભાગે સંબંધિત રાજ્યોને એલર્ટ જાહેર કર્યું છે.
હવામાન વિભાગના જણાવ્યા અનુસાર આગામી થોડા દિવસોમાં ઘણા રાજ્યોમાં તાપમાનનો પારો વધતો રહેશે જેના કારણે આવા ચક્રવાતી વાવાઝોડાની શક્યતાઓ છે. મધ્યપ્રદેશ, ઝારખંડ, છત્તીસગઢ સહિત ઘણા વિસ્તારોમાં હજુ પણ 60 થી 70 કિલોમીટર પ્રતિ કલાકની ઝડપે પવન ફૂંકાવાની આશંકા છે. વિભાગના અનુમાન મુજબ મંગળવાર અને બુધવારે મધ્યપ્રદેશમાં જોરદાર આંધી અને તોફાન આવી શકે છે. જેના કારણે મધ્યપ્રદેશમાં જવાબદાર વિભાગોને એલર્ટ પર રાખવામાં આવ્યા છે. મધ્યપ્રદેશ ઉપરાંત બિહાર અને ઓરિસ્સામાં પણ વાવાઝોડાની સંભાવના છે. વાવાઝોડું વધુ ઝડપે આવવાનું છે. તેથી જાન-માલના નુકસાનને રોકવા માટે સંબંધિત રાજ્યોને એડવાઈઝરી જારી કરીને પહેલાથી જ એલર્ટ કરી દેવામાં આવ્યા છે.
હવામાન વિભાગનું કહેવું છે કે વાવાઝોડાની સાથે આ વિસ્તારોમાં વરસાદની પણ આગાહી કરવામાં આવી રહી છે. જો કે માત્ર આ વિસ્તારોમાં જ નહીં પરંતુ ઉત્તર ભારત અને બંગાળના ઘણા ભાગોમાં પણ વરસાદ પડશે. આ સિવાય ઉત્તર-પૂર્વની હિમાલયની શ્રેણી તેમજ આંદામાનમાં વરસાદ અને તોફાનની આગાહી કરવામાં આવી રહી છે. હવામાન વિભાગના જણાવ્યા અનુસાર મંગળવારથી શુક્રવાર સુધી ઉત્તર ભારતના કેટલાક ભાગોમાં વરસાદની સંભાવના છે. જેમાં જમ્મુ-કાશ્મીર, હિમાચલ પ્રદેશ સહિત ઉત્તરાખંડના કેટલાક ભાગોનો સમાવેશ થાય છે.
હવામાન વિભાગના જણાવ્યા અનુસાર આગામી થોડા દિવસોમાં રાજસ્થાન સૌથી ગરમ રાજ્ય બનવા જઈ રહ્યું છે. જેના કારણે રાજસ્થાન અને ગુજરાતમાં ધૂળની ડમરીઓ પણ આવી શકે છે. જ્યારે દિલ્હી, પંજાબ, હરિયાણા અને ઉત્તર પ્રદેશના ભાગોમાં તાપમાન વધવાનું ચાલુ રહેશે. હવામાન વિભાગના જણાવ્યા અનુસાર બુધવારથી શનિવાર સુધી ઉત્તર ભારતના ઘણા ભાગોમાં ગરમ પવનો ફૂંકાશે. આ ગરમ પવનોની અસર મધ્યપ્રદેશથી લઈને બિહાર, ઝારખંડ અને પશ્ચિમ બંગાળના કેટલાક ભાગો સુધી રહેશે. આ ગરમ પવનો અને ભેજ મોટા વાવાઝોડામાં વધારો કરશે.
![](https://gujaratmitra.in/wp-content/uploads/2022/04/gujaratmitraDOTin-Copy.png)