ભાજપ થી લગાતાર બે વખત લોકસભાની ચૂંટણીમાં હારનો સામનો કરતી કોંગ્રેસ માટે નાના-નાના રાજ્યોની જીત છોડીને વાત કરીએ તો પણ રાજ્ય લેવલે પરિસ્થિતી કઈ ઠીક નથી રહી ગયા વર્ષે ઓગસ્ટમાં, પ્રથમ વખત કોંગ્રેસના 23 વરિષ્ઠ નેતાઓએ પાર્ટી અધ્યક્ષ સોનિયા ગાંધીને પત્ર લખીને સંગઠનમાં મોટા ફેરફારની માંગ કરી હતી. બાદમાં, કોંગ્રેસ વર્કિંગ કમિટી (CWC) ની જૂન મહિનામાં ચૂંટણી યોજવાનું કહેવામાં આવ્યું હતું જેથી ઉદભવેલા વિવાદોને શાંત કરવાનો પ્રયાસ કર્યો હતો. પરંતુ હવે ફરી એક વખત તે પત્રો કોંગ્રેસમાં ફેલાવા લાગ્યા છે. અફવા છે કે કેટલાક કોંગ્રેસ કાર્યકર્તાઓને પોસ્ટ દ્વારા 23 વરિષ્ઠ નેતાઓએ લખેલા પત્ર મળી રહ્યાં છે.
કોંગ્રેસના એક નેતાએ આ વાતની પુષ્ટિ કરી હતી અને કહ્યું હતું કે તેમને પોસ્ટ દ્વારા 23 નેતાઓ દ્વારા લખાયેલ પત્ર મળ્યો છે. આ સિવાય અખિલ ભારતીય કોંગ્રેસ સમિતિ (AICC) ના કેટલાક અન્ય પ્રતિનિધિઓને પણ પત્ર મળ્યો છે. કોંગ્રેસના આંતરિક બંધારણ મુજબ તેઓ એઆઈસીસીના સભ્યો છે, જે નવા અધ્યક્ષને મત આપશે. જો કાર્યકારી સમિતિ અને કેન્દ્રીય ચૂંટણી સમિતિ (cec) ની ચૂંટણીઓ માટે પાર્ટીના નેતૃત્વ સંમત થાય છે, તો આ સભ્યોના મતો પણ તે માટે ગણાશે.
કયા નેતાઓએ સોનિયા ગાંધીને પત્ર લખ્યો હતો ?: કોંગ્રેસના 23 વરિષ્ઠ નેતાઓએ પક્ષના વડા સોનિયા ગાંધીને ઓગસ્ટમાં એક પત્ર લખીને, પાર્ટીમાં ઉપરથી નીચે સુધીના વ્યાપક પરિવર્તનની હાકલ કરી હતી. પત્ર લખનારાઓમાં પાંચ પૂર્વ મુખ્ય પ્રધાનો, કોંગ્રેસ કાર્યકારી સમિતિના ઘણા સભ્યો, સાંસદો અને ભૂતપૂર્વ કેન્દ્રીય પ્રધાનો શામેલ હતા.
પત્ર પર હસ્તાક્ષર કરનારાઓમાં રાજ્યસભાના વિપક્ષી નેતા ગુલામ નબી આઝાદ, પાર્ટીના સાંસદ અને ભૂતપૂર્વ કેન્દ્રીય પ્રધાનો આનંદ શર્મા, કપિલ સિબ્બલ, મનીષ તિવારી, શશી થરૂર; સાંસદ વિવેક તંખા પણ શામેલ હતા. એઆઈસીસીના અધિકારી અને સીડબ્લ્યુસીના સભ્ય મુકુલ વાસ્નિકની સાથે જિતિન પ્રસાદ અને ભૂતપૂર્વ મુખ્ય પ્રધાન ભૂપિંદર સિંહ હૂડા, રાજેન્દ્ર કૌર ભટ્ટલ, એમ વીરપ્પા મોઇલી, પૃથ્વીરાજ ભવન, પી.જે કુરિયન, અજયસિંહ, રેણુકા ચૌધરી, અને મિલિંદ દેવરા સહી કરનારા હતા.
નેતાઓએ પત્રમાં શું માંગ કરી ?: 23 નેતાઓએ કોંગ્રેસમાં વ્યાપક સુધારા, સત્તાના વિકેન્દ્રીકરણ, રાજ્ય એકમોના સશક્તિકરણ, દરેક સ્તરે સંગઠનની ચૂંટણી, બ્લોકમાંથી સીડબ્લ્યુસી અને કેન્દ્રીય સંસદીય બોર્ડની તાત્કાલિક રચનાની માંગ કરી હતી. પક્ષના નેતાઓનું કહેવું છે કે લોકસભાની ચૂંટણીમાં હાર ના એક વર્ષ બાદ પણ પાર્ટીએ ‘સતત ઘટાડો’ ના કારણો શોધવા માટે કોઈ ‘પ્રામાણિક આત્મનિરીક્ષણ’ કર્યું નથી.
