અમેરિકાના રાષ્ટ્રપતિ Donald Trump દ્વારા ક્યુબા અંગે આપવામાં આવેલા તાજેતરના નિવેદનથી આંતરરાષ્ટ્રીય રાજકારણમાં નવી ચર્ચા શરૂ થઈ છે. ઓવલ ઓફિસમાં મીડિયા સાથે વાત કરતાં ટ્રમ્પે કહ્યું કે તેઓ “કોઈપણ રીતે ક્યુબાને પોતાના નિયંત્રણમાં લેશે,” ભલે તે તેને “આઝાદ કરવાના નામે હોય કે સીધા કબજામાં લેવાના રૂપમાં.” આ નિવેદનને અત્યંત ચોંકાવનારું માનવામાં આવી રહ્યું છે, કારણ કે છેલ્લા ઘણા દાયકાઓથી અમેરિકા અને Cuba વચ્ચે તણાવપૂર્ણ સંબંધો હોવા છતાં કોઈ અમેરિકી નેતાએ આટલી ખુલ્લેઆમ કબજાની વાત કરી નથી. આ પહેલાં Donald Trump વેનેઝુએલા અને Iranમાં સૈન્ય પગલાં લઈ ચૂક્યા હોવાથી તેમના નિવેદનને હવે સંભવિત આગલા પગલાં તરીકે જોવામાં આવી રહ્યું છે. અમેરિકાએ જાન્યુઆરીથી ક્યુબાને મળતી તેલ સપ્લાય લગભગ બંધ કરી દીધી છે અને અન્ય દેશોને પણ ચેતવણી આપી છે કે તેઓ ક્યુબાને ઈંધણ ન આપે. તાજેતરમાં અમેરિકી કોસ્ટ ગાર્ડે કોલંબિયાથી ક્યુબા જઈ રહેલા તેલ ટેન્કરને રોકી દીધો હતો.
ક્યુબાના રાષ્ટ્રપતિ Miguel Díaz-Canelએ સ્વીકાર્યું છે કે અમેરિકા સાથે વાતચીત ચાલુ છે અને અર્થતંત્ર ખોલવા માટે પગલાં લેવાઈ શકે છે. એક તરફ અમેરિકા દબાણ વધારી રહ્યું છે, તો બીજી તરફ ક્યુબા વિદેશમાં રહેતા નાગરિકોને દેશમાં રોકાણ અને વેપાર કરવાની મંજૂરી આપી રહ્યો છે, જેને આર્થિક સુધારાના સંકેત તરીકે જોવામાં આવે છે. Russiaએ પણ સૂચન આપ્યું છે કે જરૂરી હોય તો તે ક્યુબાને સમર્થન આપી શકે છે. બંને દેશો વચ્ચે સતત સંપર્ક ચાલુ હોવાનું કહેવાય છે. ટ્રમ્પ ક્યુબાને માત્ર રાજકીય નહીં પરંતુ વ્યાપારી તક તરીકે પણ જોઈ રહ્યા છે. તેઓએ અગાઉ પણ ક્યુબામાં રોકાણની સંભાવનાઓ શોધી હતી અને તાજેતરમાં પણ તેને “સુંદર ટાપુ” ગણાવ્યો. તેમના નિવેદનોમાં ક્યુબાની આર્થિક નબળાઈનો ઉલ્લેખ સાથે સાથે ત્યાં રોકાણની સંભાવનાઓનો પણ ઈશારો જોવા મળે છે.
આ કારણે ક્યુબાની સ્થિતિ ઝડપથી ખરાબ થઈ રહી છે
- પેટ્રોલના ભાવ કાળા બજારમાં ભારે વધ્યા
- રોજબરોજ વીજળી કપાઈ રહી છે
- દેશવ્યાપી બ્લેકઆઉટ જેવી પરિસ્થિતિ
- હોસ્પિટલોમાં સર્જરી મુલતવી
- દવાઓ અને ખોરાકની અછત
