હડકાયા કૂતરાના હુમલામાં ઇજાગ્રસ્તોને સુખસર સરકારી દવાખાનામાં સારવાર
(પ્રતિનિધિ) સુખસર | તા. 24
સુખસર વિસ્તારમાં શુક્રવારે હડકાયા કૂતરાએ ભારે આતંક મચાવ્યો હતો. કૂતરાના અચાનક હુમલામાં કુલ 23 જેટલા લોકો ઇજાગ્રસ્ત બન્યા હતા. હાલ સુધી આ હડકાયુ કૂતરું પકડાઈ શક્યું નથી, જેના કારણે વિસ્તારમાં ભયનો માહોલ જોવા મળી રહ્યો છે.
પ્રાપ્ત માહિતી મુજબ, સુખસર તથા આસપાસના ગામોમાં ફરતા હડકાયા કૂતરાએ એક પછી એક લોકો પર હુમલો કરી બચકા ભર્યા હતા. બાળકો, મહિલાઓ અને વૃદ્ધો સહિત અનેક લોકો આ હુમલાનો ભોગ બન્યા હતા. કૂતરાના હુમલાથી ઇજાગ્રસ્ત બનેલા તમામ લોકોને તાત્કાલિક સુખસર સરકારી દવાખાનામાં ખસેડવામાં આવ્યા હતા, જ્યાં તેમને રેબિઝ વિરોધી ઇન્જેક્શન સહિતની જરૂરી સારવાર આપવામાં આવી હતી.
સ્થાનિકોના જણાવ્યા મુજબ, હડકાયા કૂતરાનો આતંક વધતા લોકોમાં ભારે ભય ફેલાયો છે. વહીવટી તંત્ર દ્વારા વહેલી તકે આ કૂતરાને પકડી યોગ્ય કાર્યવાહી કરવામાં આવે તેવી માંગ ઉઠી છે.
ઇજાગ્રસ્તોની યાદી
અક્ષય મુકેશભાઈ અમલીયાર (ઉ.વ. 15) – રહે. મોટાનટવા
સોમીયાબેન દિનેશભાઈ ચંદાણા (45) – રહે. ચીખલી
કિશનભાઈ હરસિંગભાઈ બારીયા (50) – રહે. ખેડા લીમડી
વણઝારા યોગેશભાઈ અરવિંદભાઈ (25) – રહે. સુખસર
જીવણભાઈ વિલાસભાઈ અમલીયાર (15) – રહે. વરુણા
સંધ્યાબેન રાકેશભાઈ સંગાડા (7) – રહે. સુખસર
દિલીપભાઈ છોટાલાલ મેઘવાળ (50) – રહે. સુખસર
સલીમભાઈ રહીમભાઈ મોઢિયા (45) – રહે. સુખસર
જીગરભાઈ મનુભાઈ કટારા (16) – રહે. ઘાણીખુટ
નીલમબેન રામસિંહભાઈ સંગાડા (12) – રહે. સુખસર
ભગીરાજભાઈ ધનરાજભાઈ ડામોર (12) – રહે. બચકરીયા
ધનરાજભાઈ મકનભાઈ ડામોર (36) – રહે. બચકરીયા
કૈલાશબેન ધનરાજભાઈ ડામોર (32) – રહે. બચકરીયા
રણવીરભાઈ ધનરાજભાઈ ડામોર (9) – રહે. બચકરીયા
સોનીબેન ભૂંડાભાઈ સંગાડા (45) – રહે. સુખસર
સુરપાલભાઈ પુનાભાઈ કલાસવા (62) – રહે. ઢઢેલી
ગલજીભાઈ ભુરાભાઈ ડામોર (60) – રહે. મોટાનટવા
સંગીતાબેન કલ્પેશભાઈ બારીયા (30) – રહે. ઢઢેલી
ભાવેશભાઈ કલ્પેશભાઈ બારીયા (14) – રહે. ઢઢેલી
રેશમબેન લેંબાભાઈ બારીયા (35) – રહે. લીમઘાટી
વજીબેન ગલજીભાઈ ડામોર (55) – રહે. મોટાનટવા
જયરાજભાઈ કનાભાઈ ચારેલ (11) – રહે. હડમત
રાહુલભાઈ દલાભાઈ બારીયા (22) – રહે. મારગાળા
રોહિતભાઈ ગલસીંગભાઈ (27) – રહે. આફવા
હડકાયા કૂતરાના આ આતંકને લઈ ગ્રામજનોમાં ભારે રોષ જોવા મળી રહ્યો છે અને પશુપાલન તથા આરોગ્ય વિભાગ દ્વારા તાત્કાલિક પગલાં લેવામાં આવે તેવી માંગ ઉઠી છે.
રિપોર્ટર: બાબુભાઈ સોલંકી
