વડોદરા શહેરના વારસિયા રોડ પર ગઈકાલે રાત્રિના સમયે નશામાં ચોર કાર ચાલકે લારીઓ એકટીવા સહિત અન્ય વાહનો અડફેટે લીધા હતા. ઘટનાને પગલે રોડ પર નાસભાગ મચી ગઈ હતી. પોલીસે નશામાં ચુર ચાલકને ઝડપી પાડી આગળની કાર્યવાહી હાથ ધરી છે.
વડોદરા શહેરમાં દારૂના નશામાં ચકનાચુર બનીને કાર ચલાવતા ડ્રીંક એન્ડ ડ્રાઇવના અનેક કિસ્સા પોલીસ ચોપડે નોંધાયા છે. ત્યારે ફરી વારસિયા રિંગ રોડ પર ગઈકાલે રાત્રિના સમયે નશાની હાલતમાં કાર ચલાવનાર શખ્સે રોડ ઉપર ઉભેલી લારી, એકટીવા સહિત અન્ય વાહનોને અડફેટે ચડાવ્યા હતા. જેના પગલે નાશભાગના દ્રશ્યો સર્જાયા હતા. પોલીસ પણ ઘટના સ્થળ પર દોડી આવીને તપાસ હાથ ધરી છે અને કાર ચાલકને ઝડપી પાડી આગળની કાર્યવાહી હાથ ધરી છે.
