લદ્દાખ: કાશ્મીર (Kashmir) ખીણ અને લદ્દાખ (Ladakh) માં કડકડતી ઠંડી (cold) નો કહેર યથાવત છે. ભારતીય હવામાન વિભાગ (India Meteorological Department) ના જણાવ્યા અનુસાર, લદ્દાખના પદુમમાં આજે લઘુત્તમ તાપમાન -25.1 ડિગ્રી સેલ્સિયસ નોંધાયું હતું. આ ઉપરાંત ભારતીય હવામાન વિભાગનાં જાણાવ્યા અનુસાર, જમ્મુ-કાશ્મીર (Jammu and Kashmir) , લદ્દાખ, હિમાચલ પ્રદેશ, ઉત્તરાખંડ, પંજાબ, હરિયાણા, દિલ્હી, પૂર્વ ઉત્તર પ્રદેશ, પશ્ચિમ ઉત્તર પ્રદેશ, પૂર્વ રાજસ્થાન અને પશ્ચિમ રાજસ્થાનમાં પણ તાપમાનનો પારો ગગડતાં લોકો ઠંડીમાં ઠુંઠવાયા હતા.
લદ્દાખમાં સૌથી ઓછું તાપમાન
લદ્દાખના પદુમમાં સૌથી ઓછું માઈનસ 25.1 ડિગ્રી નોંધાયું છે. જમ્મુ-કાશ્મીરના ગુલમર્ગમાં માઈનસ 10 ડિગ્રી નોંધાયું હતું. હિમાચલ પ્રદેશના કેલોંગમાં માઈનસ 8.8 ડિગ્રી, ઉત્તરાખંડના રાનીચૌરીમાં માઈનસ 2.1 ડિગ્રી નોંધાયું હતું. આ સિવાય પંજાબના ભટિંડામાં 0.4 ડિગ્રી, પશ્ચિમ રાજસ્થાનના ચુરુમાં 1.6 ડિગ્રી, પૂર્વ રાજસ્થાનના સિકરમાં ત્રણ ડિગ્રી, હરિયાણાના સિરસામાં 3.4 ડિગ્રી, દિલ્હીના આયાનગરમાં પાંચ ડિગ્રી, પૂર્વ ઉત્તર પ્રદેશના કાનપુર શહેરમાં 5.4 ડિગ્રી તાપમાન નોંધાયું હતું. , ઉત્તર પ્રદેશના મુઝફ્ફરનગરમાં પશ્ચિમ 7 ડિગ્રી નોંધાયું હતું.
પહેલગામ અને ગુલમર્ગમાં પણ તાપમાન ગગડ્યું
આ ઉપરાંત, દક્ષિણ કાશ્મીરના અનંતનાગ જિલ્લાના પહેલગામમાં લઘુત્તમ તાપમાન માઈનસ 9.4 ડિગ્રી સેલ્સિયસ નોંધાયું હતું, જે આ સિઝનમાં અત્યાર સુધીનું સૌથી ઓછું તાપમાન છે. અધિકારીઓએ જણાવ્યું હતું કે ગુલમર્ગમાં લઘુત્તમ તાપમાન માઈનસ 8.2 ડિગ્રી સેલ્સિયસ હતું, જે અત્યાર સુધીનું સૌથી ઓછું તાપમાન છે. શ્રીનગરમાં તાપમાન 0.5 ડિગ્રી સેલ્સિયસ હતું. કાઝીગુંડમાં પણ ગઈકાલે રાત્રે તાપમાન સ્થિર બિંદુથી ઉપર રહ્યું હતું. અહીં લઘુત્તમ તાપમાન 0.3 ડિગ્રી સેલ્સિયસ નોંધાયું હતું. તેમજ પ્રવાસીઓ અને સ્થાનિક લોકોએ નવા વર્ષને આવકારવા માટે આ મોસમનો ભરપૂર આનંદ માણ્યો હતો.
બિહારમાં તાપમાન 10 ડિગ્રીથી ઓછું
બિહારમાં પણ કડકડતી ઠંડી પડી રહી છે. આખું રાજ્ય સવારથી જ ઝાકળની લપેટમાં છે. રાજ્યના અનેક જિલ્લાઓમાં છેલ્લા 24 કલાકમાં તાપમાન 10 ડિગ્રીથી ઓછું નોંધાયું છે. ગયા 7.3 ડિગ્રી સાથે સૌથી ઠંડું રહ્યું હતું. આ સિવાય પટનામાં લઘુત્તમ તાપમાન 9.3 ડિગ્રી નોંધાયું હતું. તેમજ પાટનગરનું મહત્તમ તાપમાન 19.2 ડિગ્રી નોંધાયું છે. રવિવારે પટના, પૂર્ણિયા, ભાગલપુર સહિત અનેક જિલ્લાઓમાં ધુમ્મસ છવાયું હતું. બિહારમાં કડકડતી ઠંડીને જોતા ઘણા જિલ્લાઓમાં શાળાઓ પણ બંધ કરવામાં આવી છે.
