મુંબઇ: બોલિવૂડના (Bollywood) ભાઇજાન સલમાન ખાન (Salaman Khan) હાલ પોતાની ફિલ્મ ‘ટાઇગર 3‘ના (Tiger 3) પ્રમોશન (Promotion) અને સફળતા માટે ઘણા ઇવેન્ટ્સમાં (Events) ભાગ લઇ રહ્યા છે. ત્યારે આવી જ એક ઇવેન્ટ દરમિયાન સલમાને અભિનેતા ઇમરાન હાશ્મીને (Emraan hashmi) કિસ (Kiss) કરી હતી. જેને જોઇ ત્યાં ઉપસ્થિત તમામ લોકો ચોંકી ગયા હતા.
બોલિવૂડ સુપરસ્ટાર સલમાન ખાન હાલ પોતાની ફિલ્મ ‘ટાઈગર 3’ની સફળતાનો આનંદ માણી રહ્યા છે. દરમિયાન સલમાને શુક્રવારે મુંબઈમાં એક ઈવેન્ટમાં ભાગ લીધો હતો. અહીં તેમની સાથે કેટરીના કૈફ અને ઈમરાન હાશ્મી પણ હાજર હતા. ફિલ્મની સ્ટાર કાસ્ટે ફિલ્મને ભરપૂર પ્રેમ આપવા બદલ દર્શકોનો આભાર માન્યો હતો. અને તે જ સમયે એક એવી ક્ષણ આવી જેણે બધાનું ધ્યાન ખેંચી લીધું.
સલમાન ખાને ઇવેન્માંમાં કહ્યું કે ‘જો ફિલ્મમાં કેટરિના કૈફ હોય તો થોડો રોમાન્સ તો હોવો જ જોઇએ.‘ ત્યાર બાદ સલમાને ઈમરાન હાશ્મી તરફ જોયું અને કહ્યું, ‘જો ઈમરાનનો રોલ આતિશનો ન હોત તો આવું થયું હોત.’ ત્યાર બાદ સલમાને મજાકમાં ઈમરાનને કિસ કરી હતી. આ જોઈને કેટરીના કૈફ અને ત્યાં હાજર લોકો ચોંકી ગયા હતા અને જોર જોરથી હસવા લાગ્યા હતા.
ઈમરાન હાશ્મીએ કહ્યું કે સલમાન ખાન સાથે કામ કરવાનો તેમનો અનુભવ અદ્ભુત રહ્યો હતો. તેમણે વધુમાં કહ્યું કે બેશક તે અને સલમાન સાથે બહુ ફરતા નથી. પરંતુ તેઓ એકબીજા સાથે ખૂબ જ સારી રીતે વર્તે છે.
‘ટાઈગર 3’ ફિલ્મની વાત કરીએ તો 12 નવેમ્બરે રિલીઝ થયેલી આ ફિલ્મે બોક્સ ઓફિસ પર 200.65 કરોડ રૂપિયાનું કલેક્શન કર્યું છે. 44.50 કરોડની ઓપનિંગ સાથે ‘ટાઈગર 3’ માત્ર સલમાન ખાન માટે દિવાળીની સૌથી મોટી ઓપનિંગ જ નહીં પરંતુ સુપરસ્ટારની અત્યાર સુધીની સૌથી મોટી ઓપનિંગ પણ બની છે.
ઇવેન્ટમાં સલમાન ખાને કહ્યું કે ‘ટાઈગર 3ને મળેલા દર્શકો અને ચાહકોના પ્રતિસાદથી હું ખુશ છું! દર્શકોએ ફિલ્મને શાનદાર શરૂઆત આપી છે. મને ખુશી છે કે આ ફ્રેન્ચાઇઝીનો ત્રીજો ભાગ પણ એક સક્સેસ સ્ટોરી બની ગયો છે. ટાઈગર એક એવી ફ્રેન્ચાઈઝી છે જે મારા દિલની ખૂબ નજીક છે. તેથી ફિલ્મને વધુ પ્રેમ મળતો જોવો ખરેખર મારા માટે ખૂબ જ ખાસ છે. મને આશા છે કે આ ફિલ્મ વિશ્વભરના દર્શકોનું મનોરંજન કરતી રહેશે.‘
