નવી દિલ્હી: NDAના રાષ્ટ્રપતિ (President) પદના ઉમેદવાર (Candidate) દ્રૌપદી મુર્મુને (Draupadi Murmu) ‘ Z+’ સુરક્ષા (Security) પૂરી પાડવામાં આવી છે. ગૃહ મંત્રાલયના આદેશ બાદ બુધવારે સવારે ઓડિશામાં અ CRPFના લગભગ 14-16 કમાન્ડોની ટુકડીએ સુરક્ષાની જવાબદારી સંભાળી હતી. મંગળવારે ભારતીય જનતા પાર્ટીના રાષ્ટ્રીય અધ્યક્ષ જે.પી. નડ્ડાએ પાર્ટીની સંસદીય બોર્ડની બેઠક બાદ પ્રેસ કોન્ફરન્સમાં એનડીએના રાષ્ટ્રપતિ પદના ઉમેદવાર તરીકે ઝારખંડના ભૂતપૂર્વ ગવર્નર દ્રૌપદી મુર્મુના નામાંકનની જાહેરાત કરી હતી. આ બેઠકમાં વડાપ્રધાન નરેન્દ્ર મોદી સહિત પાર્ટીના ઘણા વરિષ્ઠ નેતાઓએ હાજરી આપી હતી. બુધવારે મુર્મુ ઓડિશાના એક શિવ મંદિરમાં ગયા હતા જ્યાં તેમણે પૂજા કરી હતી. આ દરમિયાન તેમણે મંદિર પરિસરમાં ઝાંડુ પણ લગાવ્યું હતું.
બીજેપીની આગેવાની હેઠળના રાષ્ટ્રીય લોકતાંત્રિક ગઠબંધન (NDA)એ મંગળવારે દ્રૌપદી મુર્મુને રાષ્ટ્રપતિ પદના ઉમેદવાર તરીકે જાહેર કર્યા હતા. જાહેરાતના થોડા કલાકો પહેલા જ વિપક્ષ પક્ષો દ્વારા યશવંત સિંહાને ઉમેદવાર બનાવવાની જાહેરાત કરવામાં આવી હતી. યશવંત સિંહા પહેલા બીજેપીના નેતા હતા, પરંતુ તેઓ મમતા બેનર્જીની પાર્ટી તૃણમૂલ કોંગ્રેસમાં જોડાયા હતા. યશવંત સિન્હાના પ્રચારને આગળ વધારવા માટે વિરોધ પક્ષો દ્વારા એક પ્રચાર સમિતિની રચના કરવામાં આવી છે. બુધવારે તેની પ્રથમ બેઠક યોજાશે.
રાષ્ટ્રપતિ પદના ઉમેદવારને લઈને ભયની આશંકા હતી
કેન્દ્રીય ગૃહ મંત્રાલયે દ્રૌપદી મુર્મુને VIP સુરક્ષા આપવાના નિર્દેશ જાહેર કર્યા છે. મુર્મુને સંભવિત ખતરાની આશંકાઓને ધ્યાનમાં રાખીને તેમને Z પ્લસ સુરક્ષા આપવાનો નિર્ણય લેવામાં આવ્યો છે. અધિકારીઓના જણાવ્યા અનુસાર હવે 14 થી 16 CRPF જવાનો તેમની સુરક્ષા માટે હંમેશા તૈનાત રહેશે. હવે તેઓ રાયરંગપુરમાં મુર્મુના ઘરની સુરક્ષાનું પણ ધ્યાન રાખશે. મુર્મુ તેમની ઉમેદવારી માટે સમર્થન મેળવવા માટે ધારાસભ્યો અને વિવિધ રાજકીય પક્ષોના નેતાઓને મળવા માટે આગામી એક મહિનામાં ઘણી યાત્રાઓ કરે તેવી અપેક્ષા છે.
દ્રૌપદી મુર્મુની ઉમેદવારીની જાહેરાત બાદ પીએમ નરેન્દ્ર મોદીએ ટ્વીટ કર્યું હતું કે, “દ્રૌપદી મુર્મુજીએ પોતાનું જીવન સમાજની સેવા અને ગરીબ, દલિત તેમજ હાંસિયામાં ધકેલાઈ ગયેલા લોકોને સશક્ત કરવા માટે સમર્પિત કર્યું છે. તેમની પાસે ભરપૂર વહીવટી અનુભવ છે. તેમનો કાર્યકાળ ઉત્તમ રહ્યો છે. મને ખાતરી છે કે તેઓ આપણા દેશ માટે એક મહાન રાષ્ટ્રપતિ સાબિત થશે.” દ્રૌપદી મુર્મુએ કહ્યું હતું કે તેમને ટીવી દ્વારા માહિતી મળી છે કે એનડીએ દ્વારા તેમને દેશના સર્વોચ્ચ પદના ઉમેદવાર તરીકે જાહેર કરવામાં આવ્યા છે. મને આ તકની અપેક્ષા નહોતી. હું આશ્ચર્ય અને ખુશ છું. મયુરભંજ જિલ્લાની એક આદિવાસી મહિલા તરીકે, મેં ક્યારેય વિચાર્યું ન હતું કે મને આ પદ માટે ઉમેદવાર બનાવવામાં આવશે.
z+ સુરક્ષા કેવી છે?
જે VVIPને Z+ શ્રેણીની સુરક્ષા આપવામાં આવે છે, તેમની આસપાસ ચુસ્ત સુરક્ષા ગાર્ડ હોય છે. મળતી માહિતી મુજબ, Z+ શ્રેણીની સુરક્ષામાં 58 કમાન્ડો તૈનાત છે. 10 આર્મ્ડ સ્ટેટિક ગાર્ડ્સ, 6 PSO એક સમયે ચોવીસ કલાક, 24 જવાન, 2 એસ્કોર્ટ્સ રાઉન્ડ ધ ક્લોક, 5 વોચર્સ બે પાળીમાં રહે છે. એક ઇન્સ્પેક્ટર અથવા સબ ઇન્સ્પેક્ટરને ઇન્ચાર્જ તરીકે પોસ્ટ કરવામાં આવે છે અને તેની સાથે 6 ડ્રાઇવરો રાઉન્ડ ધ ક્લોક હોય છે.
