મુંબઈ: બોલિવૂડમાં (Bollywood) આ દિવસોમાં એક પછી એક સેલિબ્રેશન (celebration) જોવા મળી રહ્યું છે. તાજેતરમાં જ દિવાળીની પાર્ટીનો ધમધમાટ જોવા મળ્યો હતો. તે જ સમયે, મોડી રાત્રે ઓરહાન અવત્રામણીએ હેલોવીન પાર્ટીનું (Halloween Party) આયોજન કર્યું હતું. તમને જણાવી દઈએ કે ઓરહાન અવત્રામાણી એક એક્ટિવિસ્ટ છે. સારા (Sara) અને જાન્હવી (Janhvi) સિવાય તે ઘણા મોટા સ્ટાર્સના સારા મિત્ર પણ છે. આ પાર્ટીમાં જ્યોર્જિયા એન્ડ્રિયાની, આર્યન ખાન, અનન્યા પાંડે (Ananya Pandey) સહિત ઘણા સ્ટાર્સ જોવા મળ્યા હતા.
બોલિવૂડની હેલોવીન પાર્ટીમાં સ્ટાર્સનો દબદબો રહ્યો હતો
આ હેલોવીન પાર્ટીમાં શાહરૂખ ખાનનો પુત્ર આર્યન ખાન પણ જોવા મળ્યો હતો. તેના લુકની વાત કરીએ તો તે ઓલ બ્લેક પાર્ટી લુકમાં જોવા મળ્યો હતો. હાલમાં જાહન્વી કપૂર ફિલ્મ ‘મિલી’ના પ્રમોશનમાં વ્યસ્ત છે. આ ફિલ્મ ચાર નવેમ્બરે થિયેટરમાં રિલીઝ થઈ રહી છે. મળતી માહિતી અનુસાર જાહન્વી તથા ઓરહાન એકબીજાને ડેટ કરી રહ્યા છે. જોકે, બંનેમાંથી કોઈએ તેમના સંબંધો અંગે વાત કરી નથી. પાર્ટીમાં જાહન્વી ઑફ શોલ્ડર બ્લેક ડ્રેસ, બ્લેક હિલ્સ તથા ડાર્ક લિપસ્ટિકમાં જોવા મળી હતી. જાહન્વીનો લુક ફિલ્મ ‘ધ એડમ્સ ફેમિલી’ની મોર્ટિસિયા સાથે મળતો આવતો હતો.
ફ્રોગ પ્રિન્સેસના લુકમાં શનાયા કપૂર
આ દરમિયાન શનાયા કપૂર ફ્લોરલ પ્રિન્ટનું બાર્બી ફ્રોક પહેરેલી જોવા મળી હતી. આ સાથે તેણે પોતાના હાથમાં સાટીનના મોજા અને વાળનો બન બનાવ્યો હતો. આ લુકમાં તે કોઈ ઢીંગલીથી ઓછી દેખાતી નહોતી. શનાયા કપૂર શોર્ટ વ્હાઇટ ફ્રોક, ગ્લોવ્સમાં આવી હતી. શનાયાનો લુક ‘ફ્રોગ પ્રિન્સેસ’ સાથે મળતો આવતો હતો. શનાયા ફિલ્મ ‘બેધડક’થી બોલિવૂડ ડેબ્યૂ કરશે.
અમિતાભની પૌત્રી નવ્યા નવેલી નંદા
આ પાર્ટીમાં હેલોવીન લુકમાં અમિતાભ બચ્ચનની પૌત્રી નવ્યા નવેલી નંદા ડિઝની મૂવીની મુખ્ય અભિનેત્રી જેવી દેખાતી હતી. અરબાઝ ખાનની ગર્લફ્રેન્ડ જ્યોર્જિયા બ્લેક આઉટફિટમાં જોવા મળી હતી. આ સિવાય સુનીલ શેટ્ટીનો દીકરો અહાન કમાન્ડો લુકમાં જોવા મળ્યો હતો. ગયા વર્ષે તેની ફિલ્મ ‘તડપ’ રિલીઝ થઈ હતી. જોકે, આ ફિલ્મ બોક્સ ઓફિસ પર સફળ રહી નહોતી. આ પાર્ટીમાં સુનીલ શેટ્ટીનો પુત્ર અહાન શેટ્ટી તેની ગર્લફ્રેન્ડ તાન્યા શ્રોફ સાથે જોવા મળ્યો હતો.
અનન્યા પાંડેએ પોતાનો લુક છુપાવ્યો હતો
આ પાર્ટીમાં એન્ટ્રી લઈને અનન્યા પાંડેએ પોતાનો લુક મીડિયાથી સુરક્ષિત રાખ્યો હતો, તે શોર્ટ સ્કર્ટમાં જોવા મળી હતી, જ્યારે તેનો બોડીગાર્ડ હાથમાં ડ્રેસ લઈને પાછળ ચાલી રહ્યો હતો.
સારા અલી ખાન
સારા અલી ખાન એક્ટિવિસ્ટ ઓરહાન અવત્રામણીની બેસ્ટ ફ્રેન્ડ છે. આવી સ્થિતિમાં એવું ન થઈ શકે કે તે આ પાર્ટીનો ભાગ ન હોય. આ દરમિયાન સારા બ્લેક લેધર મીની સ્કર્ટ અને સિલ્વર ડીપ નેક ટોપમાં જોવા મળી હતી. આ સાથે તેના વાંકડિયા ખુલ્લા વાળ હતા.
હેલોવીન ફેસ્ટિવલ શું છે
તમને જણાવી દઈએ કે હેલોવીનનો ફેસ્ટિવલ દર વર્ષે 31 ઓક્ટોબરે ઉજવવામાં આવે છે. ખ્રિસ્તી ધર્મના લોકો પૂર્વજોની આત્માની શાંતિ માટે આ તહેવાર ખૂબ જ ધામધૂમથી ઉજવે છે. આ દિવસે લોકો ડરામણા કપડાં પહેરે છે. આ તહેવારની ઉજવણી આયર્લેન્ડ અને સ્કોટલેન્ડથી થઈ હોવાનું માનવામાં આવે છે.
