નવી દિલ્હી: ટીવી સિરિયલના સ્ટાર એક્ટર (Actor) અપૂર્વ અગ્નિહોત્રી (Apoorva Agnihotri) અને ફેમ્સ અભિનેત્રી શિલ્પા સકલાનીના (Shilpa Saklani) ઘરે ખુશીઓનો માહોલ છવાય ગયો છે. લગ્નના 18 વર્ષ બાદ અપૂર્વ અને શિલ્પા પહેલીવાર માતા-પિતા (parents) બન્યા છે. કપલે વીડિયો (Video) શેર કરીને ફેન્સને ખુશખબર આપી હતી. આ સાથે તેમણે નાની ઢીંગલીનું ક્યૂટ નામ પણ જાહેર કર્યું હતું. ટીવી સેલેબ્સ સહિત સોશિયલ મીડિયા યુઝર્સ પણ સ્ટાર કપલને પુત્રીના (Baby Girl) જન્મ પર અભિનંદન આપી રહ્યા છે.
અપૂર્વ અગ્નિહોત્રી પિતા બન્યા
શાહરુખ ખાન સાથે પરેદશ મૂવીમાં કામ કરી ચૂકેલા એક્ટર અપૂર્વ અગ્નિહોત્રીના ઘરે લક્ષ્મી પધારી છે. 50 વર્ષની ઉંમરે અપૂર્વ અગ્નિહોત્રી એક પુત્રીના પિતા બન્યા છે. અપૂર્વ અગ્નિહોત્રી અને શિલ્પા સકલાનીને લગ્નના 18 વર્ષ બાદ માતા-પિતા બનવાથી ખુશીનો માહોલ છવાયેલો છે. અપૂર્વએ પત્ની શિલ્પા સાથેનો એક વીડિયો સોશિયલ મીડિયા પર શેર કર્યો હતો. આ વીડિયોમાં તેમણે પોતાની નાની રાજકુમારીની ઝલક બતાવી છે. દીકરીના આગમન બાદ શિલ્પા અને અપૂર્વના જીવનમાં ખુશીઓ બેવડી થઈ ગઈ છે. આ ખુશી તેના ચહેરા પર સ્પષ્ટ જોઈ શકાય છે.
કેપ્શનમાં પોતાની ખુશી વ્યક્ત કરતાં અપૂર્વ લખે છે, આ જન્મદિવસ મારા જીવનનો સૌથી ખાસ જન્મદિવસ બની ગયો. ભગવાને આપણને સૌથી વિશેષ, અદ્ભુત, અકલ્પનીય અને જાદુઈ ભેટ આપી છે. આ પછી, તેમણે તેની પુત્રી ઈશાની કાનુ અગ્નિહોત્રીનો ચાહકો સાથે પરિચય કરાવ્યો હતો. અભિનેતાએ દરેકને પુત્રીને આશીર્વાદ આપવા વિનંતી કરી હતી. અપૂર્વ અને શિલ્પાની આ ખુશીમાં દરેક લોકો સહભાગી હોય તેવું લાગી રહ્યું છે. સૌ કોઈ તેમને અભિનંદન પાઠવી રહ્યું છે.
અપૂર્વ અગ્નિહોત્રી ટીવી શોમાં તાજેતરમાં અનુપમા સિરિયલમાં અનુના ડૉક્ટર તરીકે જોવા મળી હતી. આ સિરિયલમાં અપૂર્વના પાત્રને પણ ખૂબ પસંદ કરવામાં આવ્યું હતું. તેનો રોલ ભલે નાનો હોય પરંતુ તેણે દર્શકોના મનમાં જગ્યા બનાવી લીધી હતી. જો કે શિલ્પા સકલાની છેલ્લા કેટલાક સમયથી ટીવી સ્ક્રીન પર ભાગ્યે જ જોવા મળે છે.
શિલ્પાને અપૂર્વ પર ક્રશ હતો
શિલ્પા સકલાનીએ અનેક ઈન્ટરવ્યુમાં ઉલ્લેખ કર્યો છે કે પરદેશ ફિલ્મ જોયા બાદ અપૂર્વ તેનો ક્રશ બની ગયો હતો. શિલ્પાનું નસીબ હતું કે બંનેને ‘ક્યૂંકી સાસ ભી કભી બહુ થી’માં સાથે કામ કરવાની તક મળી હતી. થોડો સમય એકબીજાને ડેટ કર્યા બાદ બંનેએ 2004માં લગ્ન કરી લીધા હતા. હવે દંપતીને એક પુત્રીના માતા-પિતા બનવાનું સૌભાગ્ય મળ્યું છે. બીજી તરફ જો બંનેના વર્ક ફ્રન્ટની વાત કરીએ તો તેઓ લાંબા સમયથી કોઈ શોમાં જોવા મળ્યા નથી.
