અયોધ્યા: મહિનાઓ બાદ ભારત પરત ફર્યા બાદ પ્રિયંકા ચોપરા (Priyanka Chopra) તેણીના પતિ નિક જોનસ (Nick Jonas) અને પુત્રી માલતી મેરી ચોપરા જોનસ સાથે અયોધ્યા (Ayodhya) પહોંચી હતી. ત્યાં તેણીએ પરિવાર સાથે રામ લાલાના દર્શન કર્યા હતા. 2024માં આ પહેલીવાર છે જ્યારે પ્રિયંકા ભારત આવી છે. થોડા દિવસો પહેલા તેનો પતિ નિક જોનસ પણ મુંબઈ પહોંચી ગયો હતો. હવે ગ્લોબલ સ્ટાર પોતાના પરિવાર સાથે રામ લલાના દર્શને પહોંચ્યા છે.
મુંબઈ આવ્યા બાદ પ્રિયંકા ચોપરા ઘણી ઈવેન્ટ્સમાં જોવા મળી છે. સૌથી પહેલા તેણે પોતાની જ્વેલરી બ્રાન્ડ બુલ્ગારીના સ્ટોરનું ઉદ્ઘાટન કર્યું. આ સ્ટોર જિયો વર્લ્ડ પ્લાઝા, મુંબઈમાં ખુલ્લો મુકાયો છે. આ ભારતનો પહેલો બલ્ગારી સ્ટોર છે. ત્યાર બાદ પ્રિયંકા ઈશા અંબાણી, રાધિકા મર્ચન્ટ અને શ્લોકા મહેતા સાથે હોળી પાર્ટી કરતી જોવા મળી હતી. કરોડોની કિંમતની ગુલાબી સાડી અને જ્વેલરી સાથેનો તેનો લુક પન ઘણો વાયરલ થયો હતો.
પ્રિયંકા ચોપરા પહોંચી રામ મંદિર
ગઇકાલે 19 માર્ચે પ્રિયંકા ચોપરા એમેઝોન પ્રાઈમ વીડિયોની ઈવેન્ટમાં પહોંચી હતી. અહીં તેણીએ તેના પ્રોડક્શન બેનર પર્પલ પેબલ પિક્ચર્સ હેઠળ બનેલી ડોક્યુમેન્ટરી ફિલ્મ વુમન ઓફ માય બિલિયનની જાહેરાત કરી હતી. આ ઓપનીંગ બાદ પ્રિયંકા ચોપરા હવે રામ લલાના દર્શન કરવા અને પરિવાર સાથે રામલલાના આશિર્વાદ લેવા અયોધ્યા પહોંચી હતી. તેમજ પ્રિયંકા તેના પતિ નિક જોનસ અને પુત્રી માલતી સાથે જોવા મળી હતી. અભિનેત્રી અને તેના પરિવારની તસવીરો સોશિયલ મીડિયા પર વાયરલ થઈ રહી છે.
તસવીરોમાં જોઇ શકાય છે કે પ્રિયંકા ચોપરાએ પીળા રંગનો સૂટ પહેરેલો છે. આ સાથે જ તેણીએ દીકરી માલતીને ખોળામાં બેસાડી હતી. તેમજ ઓરેન્જ આઉટફિટમાં માલતી મેરી ખૂબ જ ક્યૂટ લાગી રહી છે. તેમજ પતિ નિક જોનસ સફેદ કુર્તા-પાયજામા પહેરીને પ્રિયંકા સાથે જોવા મળયો હતો છે.
આ ફોટામાં અભિનેત્રીને મંદિરના પૂજારી દ્વારા તેના કપાળ પર તિલક લગાવતી જોઈ શકાય છે. આ ચિત્રો ખરેખર ખૂબ વાયરલ થઇ રહ્યા છે. પ્રિયંકા ચોપરાના ફોટાને સોશિયલ મીડિયા ઉપર તેણીના ફેન્સ ખુબ જ શેર અને લાઇક કરી રહ્યા છે. તેમજ ફેન્સ પ્રીયંકા અને તેના પરિવારને ઘણો પ્રેમ આપી રહ્યા છે.
