મુંબઇ: ‘બિગ બોસ’ના (Bigg Boss) ઈતિહાસમાં આ પહેલીવાર છે જ્યારે કોઈ સ્પર્ધકને શો શરૂ થયાના 12 કલાકની અંદર તેની હરકતોને કારણે બહાર કાઢવામાં આવ્યો છે. બિગ બોસ ઓટીટી (Bigg Boss OTT) 2ની શનિવારે ધમાકેદાર શરૂઆત થઈ અને ગ્રેન્ડ પ્રીમિયર (Grand premier) સમાપ્ત થતાંની સાથે જ શોના સ્પર્ધક પુનીત સુપરસ્ટાર (Puneet Supersatr) દરેક માટે માથાનો દુખાવો બની ગયા હતા. તેમની હરકતો અને નોનસ્ટોપ મશ્કરી એવી હતી કે બિગ બોસે ઘરના સભ્યોની પરસ્પર સંમતિથી પુનીતને શોમાંથી બહાર કાઢવો પડ્યો હતો. પુનીત જે સ્ટાઈલથી ઘરમાં ઘૂસ્યા હતા, તેના થોડા જ કલાકોમાં તેમને ઘરની બહારનો રસ્તો દેખાડવામાં આવ્યો છે. શોમાંથી બહાર થયા પછી પણ પુનીત કુમારની કટ્ટરતા ચાલુ છે. એક વીડિયો શેર કરતી વખતે તેણે હવે કહ્યું છે કે – પુનીત કુમાર સબકા બાપ થા, હે ઓર રહેગા.
કેવુ હતું શોમાં પુનીત સુપરસ્ટારનું વર્તન?
મળતી માહિતી મુજબ પ્રીમિયર એપિસોડ પૂરો થતાં જ પુનીત સુપરસ્ટારે વિચિત્ર વર્તન કરવાનું શરૂ કરી દીધુ હતુ. જ્યાં રાત્રે તેમણે બાથરૂમમાં બે ફેમિલી પેક ટૂથપેસ્ટ ટ્યુબનો બગાડ કર્યુ હતું. તેમણે ટ્યુબ લીધી અને પોતાના ચહેરા પર પેસ્ટ લગાવી, દાવો કર્યો કે તે તેની ત્વચાને જાળવી રાખવા માટે દરરોજ આવું કરે છે. એટલું જ નહિ માથા પર ફિનાઇલની બોટલ મૂકતા જોવા મળ્યા હતા. બીજા દિવસે સવારે તે જાગતાંની સાથે જ બેફામ બોલવા લાગ્યા હતા. આ દરમિયાન તે ઘરમાં લગાવેલા કેમેરા સાથે છેડછાડ કરતો જોવા મળ્યા હતા. અહીં તેઓ અટક્યા નહીં, ટોયલેટ સીટ પરની ગંદકીના કારણે પુનીત પરિવારના સભ્યોના નિશાના પર રહ્યા હતા. પુનીતે બિગ બોસને પોતાની સ્ટાઈલમાં ધમકી આપવાનું ચાલુ રાખ્યું હતું. તેમણે નિર્માતાઓને ‘નલ્લા’ અને બીજું ઘણું કહ્યુ હતું.
કેમ ગરમાયા પુનીત સુપરસ્ટાર
પુનીત એક સુપરસ્ટાર ઈન્સ્ટાગ્રામ ઈન્ફ્લુએન્સર છે, તેમને જનતાએ નંબર-2 તરીકે વોટ આપ્યો હતો, પરંતુ જજોની પેનલે તેમને 10મું રેન્કિંગ આપ્યું હતું, જેના કારણે તેઓ ગુસ્સે થઈ ગયા હતા. શો શરૂ થતાંની સાથે જ બિગ બોસે તેમને ઠપકો આપ્યો, પરંતુ તેમ છતાં તેમની બડબડ બંધ ન થઈ અને તે બોલતા રહ્યા અને બિગ બોસને કંઈ પણ બોલતા રહ્યા હતા.
શોમાં વાપસીની માંગ
હાલમાં જ પુનીતે 15 સેકન્ડનો એક વીડિયો શેર કર્યો છે. આ વીડિયોમાં તેઓ કહી રહ્યા છે કે ‘મિત્રો, મને લાખો લોકો તરફથી મેસેજ આવ્યા છે કે ભાઈ તમારા કારણે અમે Jio સિનેમાને અનઇન્સ્ટોલ કર્યું છે. હવે અમે શો નહીં જોઈશું કારણ કે પુનીત કુમાર ઈન્ડસ્ટ્રીના પિતા હતા, પિતા છે અને રહેશે. આ વીડિયો પર તેમના ફેન્સ ઘણી કોમેન્ટ કરી રહ્યા છે. કોમેન્ટ કરતાં એકે કહ્યું- પુનીત સુપરસ્ટાર વિના મજા ક્યાં છે, આવા લોકો દરેક સિઝનમાં આવે છે. હવે કેમ ચાલ્યા ગયા? ઘણા ચાહકો તેમને શોમાં પાછા લાવવાની માંગ કરી રહ્યા છે.
