મહારાષ્ટ્ર: એનડીએના રાષ્ટ્રપતિ પદના ઉમેદવાર દ્રૌપદી મુર્મુને ઉદ્ધવ ઠાકરેએ સમર્થન આપ્યા બાદ મહારાષ્ટ્રમાં (Maharastra) નવા રાજકીય સમીકરણો ઉભા થયા છે. મહારાષ્ટ્રમાં એકનાથ શિંદે અને ઉદ્ધવ ઠાકરે વચ્ચે નિકટતા વધતી જોવા મળી રહી છે. સૂત્રો પાસેથી જાણકારી મળી આવી છે કે શિંદે અને ઉદ્ધવ ઠાકરે એક થઈ શકે છે અને શિવસેના ભાજપ (BJP) સાથે જઈ શકે છે. શિવસેનાના એક નેતાના ટ્વીટે (Tweet) આ અટકળોને વધુ મજબૂત કરી છે.
- ટૂંક સમયમાં શિંદે જૂથ અને ઉદ્ધવ જૂથ વચ્ચે સમાધાન થશે: દીપાલી
- સમાધાનમાં ભાજપ મદદ કરે છેઃ દીપાલી
- એકનાથ શિંદે શિવસૈનિકોની ભાવનાઓને સમજ્યાઃ દીપાલી
- એકનાથ શિંદેએ ઔરંગાબાદ અને ઉસ્માનાબાદના નામ બદલીને સંભાજીનગર અને ધારાશિવ કરી દીધા
- શિવસેના કોઈ જૂથ નથી પરંતુ હિન્દુત્વનો ગઢ: દીપાલી
શિવસેના નેતા દીપાલી સૈયદે એકનાથ શિંદે અને ઉદ્ધવ ઠાકરે વચ્ચેની મુલાકાત વિશે ટ્વિટ કર્યું છે. શિવસેનાના નેતા દીપાલી સૈયદના એક ટ્વિટથી મહારાષ્ટ્રના રાજકારણમાં નવી હવા આવી ગઈ છે. તેમણે ટ્વીટ કર્યું,’આ જાણીને આનંદ થયો કે આવનારા બે દિવસમાં શિવસૈનિકોની ભાવનાઓને માન આપીને ઉદ્ધવ ઠાકરે અને એકનાથ શિંદે પહેલીવાર ચર્ચા માટે એકસાથે આવશે. એકનાથ શિંદે શિવસૈનિકો અને ઉદ્ધવ ઠાકરેની લાગણીને સમજ્યા. આ મધ્યસ્થી માટે ભાજપના નેતાઓએ મદદ કરી, ચર્ચા ક્યાં થશે હવે? તે જગ્યાની રાહ જોશો. આના એક દિવસ પહેલા દીપાલી સૈયદે વધુ એક ટ્વિટ કર્યું હતું. તેમણે કહ્યું હતું કે “આદિત્ય સાહેબ ટૂંક સમયમાં કેબિનેટમાં સામેલ થશે. શિવસેનાના 50 ધારાસભ્યો માતોશ્રી પર દેખાશે. આદરણીય ઉદ્ધવ સાહેબ અને શિંદે સાહેબ એક થશે. શિવસેના કોઈ જૂથ નથી પરંતુ હિન્દુત્વનો ગઢ છે. તેના પર હંમેશા ભગવો લહેરાતો રહેશે. “
ઔરંગાબાદ અને ઉસ્માનાબાદનું નામ બદલ્યું
જણાવી દઈએ કે તાજેતરમાં જ મહારાષ્ટ્રના નવા મુખ્યમંત્રી એકનાથ શિંદેએ ઔરંગાબાદ અને ઉસ્માનાબાદના નામ બદલીને સંભાજીનગર અને ધારાશિવ કરી દીધા છે. આ સાથે જ નવી મુંબઈ એરપોર્ટનું નામ બદલીને ડીબી પાટીલ એરપોર્ટ કરવામાં આવ્યું હતું. નામ બદલવાનો નિર્ણય ઉદ્ધવ ઠાકરે સરકાર દ્વારા પહેલેથી જ લેવામાં આવ્યો હોવા છતાં, એકનાથ શિંદેએ તેને ગેરકાયદેસર ગણાવીને ફરીથી કેબિનેટમાં પાસ કરાવ્યું હતું.
