ઉત્તરી ઈરાનના સેમનાન વિસ્તારમાં 5.1 ની તીવ્રતાનો શક્તિશાળી ભૂકંપ આવ્યો છે. તસ્નીમ ન્યૂઝ એજન્સીના જણાવ્યા અનુસાર ભૂકંપ સેમનાનથી 27 કિલોમીટર દક્ષિણપશ્ચિમમાં આવ્યો હતો. ભૂકંપ 10 કિલોમીટરની ઊંડાઈએ આવ્યો હતો. આ ભૂકંપને કારણે હવે તેહરાને પરમાણુ હથિયારનું પરીક્ષણ કર્યું છે કે કેમ તે અંગે અટકળોનો દોર શરૂ થયો છે.
જણાવી દઈએ કે આ ભૂકંપ અવકાશ અને મિસાઇલ સંકુલ ધરાવતા શહેરની નજીક ત્રાટક્યો હોવાથી ચિંતા પણ ફેલાઈ છે. ઈરાનના સૈન્ય દ્વારા સંચાલિત સેમનાન સ્પેસ સેન્ટર અને સેમનાન મિસાઇલ સંકુલ ત્યાં સ્થિત હોવાનું કહેવાય છે.
પશ્ચિમ ઈરાનમાં ભૂકંપ એવા સમયે આવ્યો જ્યારે ઈરાન અને ઈઝરાયલ વચ્ચે સંઘર્ષ ચાલી રહ્યો છે. શનિવારે પણ બંને દેશોએ એકબીજા પર અનેક હવાઈ હુમલા કર્યા. એક દિવસ પહેલા ઈરાન દ્વારા સ્પષ્ટ કરવામાં આવ્યું હતું કે તે ધમકી વચ્ચે તેના પરમાણુ કાર્યક્રમ પર વાટાઘાટો કરશે નહીં.
ઈરાની સમાચાર એજન્સીએ કહ્યું હતું કે આ ભૂકંપને કારણે કોઈ જાનહાનિ થઈ નથી. માત્ર નજીવું નુકસાન થયું છે. આ સંઘર્ષગ્રસ્ત દેશ વિશ્વના સૌથી વધુ ભૂકંપીય રીતે સક્રિય દેશોમાંનો એક છે. તે આલ્પાઇન-હિમાલયના ભૂકંપ પટ્ટા પર સ્થિત છે જ્યાં અરબી અને યુરેશિયન ટેક્ટોનિક પ્લેટો મળે છે.
શું તેહરાને કોઈ પરમાણુ હથિયારનું પરીક્ષણ કર્યું છે?
જોકે આ ભૂકંપથી હવે નવી અટકળો શરૂ થઈ છે કે શું તેહરાને કોઈ પરમાણુ હથિયારનું પરીક્ષણ કર્યું છે. આ ભૂકંપ અવકાશ સંકુલ અને મિસાઇલ સંકુલના શહેરની નજીક આવ્યો હોવાથી નવી ચિંતાઓ ઉભી થઈ છે. એવું કહેવાય છે કે ઈરાની સેના દ્વારા સંચાલિત સેમનાન સ્પેસ સેન્ટર અને સેમનાન મિસાઇલ સંકુલ અહીં સ્થિત છે.
ઈરાનમાં દર વર્ષે 2,100 ભૂકંપ આવે છે
ઈરાનમાં સામાન્ય રીતે દર વર્ષે લગભગ 2,100 ભૂકંપ આવે છે જેમાં 5.0 કે તેથી વધુ તીવ્રતાના 15 થી 16 ભૂકંપનો સમાવેશ થાય છે. 2006 અને 2015 ની વચ્ચે, દેશમાં 96,000 ભૂકંપ આવ્યા હતા. પરમાણુ પ્રવૃત્તિઓ દરમિયાન ભૂગર્ભ વિસ્ફોટો વધુ ભૂકંપ લાવી શકે છે. જોકે ભૂકંપશાસ્ત્રીઓ ભૂકંપના તરંગોનો અભ્યાસ કરીને વિસ્ફોટો અને કુદરતી ભૂકંપ વચ્ચે તફાવત કરી શકે છે. ભૂકંપના ડેટા સૂચવે છે કે ભૂકંપ એક કુદરતી ઘટના હતી.
