સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ધોરણ 12ના પરિણામો જાહેર કરવામાં આવ્યા છે. 88.39 ટકા વિદ્યાર્થીઓએ પરીક્ષા પાસ કરી છે. વિદ્યાર્થીઓ બોર્ડની સત્તાવાર વેબસાઇટ – cbseresults.nic.in અને results.cbse.nic.in પર જઈને પરિણામ ચકાસી શકે છે.
આ વર્ષે કુલ 44 લાખથી વધુ વિદ્યાર્થીઓએ બોર્ડની પરીક્ષા આપી છે. ધોરણ 10 ની પરીક્ષા 18 માર્ચે પૂર્ણ થઈ હતી, જ્યારે ધોરણ 12 ની અંતિમ પરીક્ષા 4 એપ્રિલે યોજાઈ હતી.
આ વખતે CBSE ધોરણ 12નું પરિણામ 88.39% આવ્યું
CBSE ધોરણ 12 બોર્ડ પરીક્ષા 2025 માટે પાસ થવાની ટકાવારી 88.39% રહી. કુલ 1704367 વિદ્યાર્થીઓએ પરીક્ષા માટે નોંધણી કરાવી હતી, જેમાંથી 1692794 વિદ્યાર્થીઓ પરીક્ષામાં હાજર રહ્યા હતા અને 1496307 વિદ્યાર્થીઓ પાસ થયા હોવાનું જાહેર થયું હતું. વધુમાં ગયા વર્ષે પાસ થવાની ટકાવારી 87.98% હતી. તેથી ધોરણ 12 બોર્ડ પરીક્ષા 2025માં ગયા વર્ષની સરખામણીમાં 0.41 ગુણનો નજીવો વધારો થયો છે.
CBSE બોર્ડના પરિણામો આ વેબસાઇટ્સ પર ઉપલબ્ધ થશે
CBSE એ વિદ્યાર્થીઓને જાણ કરી છે કે પરિણામ જાહેર થયા પછી તેઓ સત્તાવાર વેબસાઇટ્સ – cbse.gov.in, cbseresults.nic.in અને results.cbse.nic.in ની મુલાકાત લઈને તેમના સ્કોરકાર્ડ ચકાસી શકે છે. આ ઉપરાંત વિદ્યાર્થીઓ ડિજીલોકર એપ દ્વારા તેમની ડિજિટલ માર્કશીટ અને પ્રમાણપત્રો પણ મેળવી શકે છે. બોર્ડ વિદ્યાર્થીઓના રજિસ્ટર્ડ મોબાઇલ નંબર પર SMS મોકલીને ડિજીલોકર લોગિન આઈડી અને એક્સેસ કોડ શેર કરશે, જેથી તેઓ સરળતાથી લોગિન કરી શકે. આ સાથે, વિદ્યાર્થીઓ ઉમંગ એપ અને એસએમએસ સેવા દ્વારા પણ પરિણામ મેળવી શકે છે.
