દક્ષિણ ગુજરાતમાં આજે તાપમાન વધ્યું હતું. જ્યારે ઠંડી યથાવત જ રહેતા દિવસ દરમિયાન પુરઝડપે ફૂંકાયેલા પવનોએ લોકોને ધ્રુજાવ્યાં હતા.
નવસારી જિલ્લામાં છેલ્લા થોડા દિવસોથી હાડ થીજવતી ઠંડી પડી રહી છે. જોકે છેલ્લા બે દિવસથી લઘુત્તમ તાપમાનમાં વધારો થઈ રહ્યો છે. પરંતુ ઠંડી યથાવત જ રહેવા પામી છે. જોકે દિવસ દરમિયાન પુરઝડપે ફૂંકાયેલા પવનોએ લોકોને ધ્રુજાવ્યાં હતા.
આજે શુક્રવારે મહત્તમ તાપમાનમાં 1 ડિગ્રીનો ઘટાડો થતાં 30 ડિગ્રી નોંધાયું હતું. જયારે લઘુત્તમ તાપમાન 0.5 ડિગ્રી વધતા 11 ડિગ્રી નોંધાયું હતું. શુક્રવારે સવારે ભેજનું પ્રમાણ 77 ટકા અને સાંજે ભેજનું પ્રમાણ 49 ટકા રહ્યું હતું.
દિવસ દરમ્યાન ઉત્તર-પૂર્વ દિશામાંથી કલાકે 8 કિલોમીટરની પૂરઝડપે પવન ફૂંકાતા દિવસે ઠંડીએ લોકોને ધ્રુજાવ્યાં હતા. જ્યારે વલસાડ જિલ્લામાં મહત્તમ તાપમાન 29.5 ડિગ્રી, જ્યારે લઘુત્તમ તાપમાન 10 ડિગ્રી નોંધાયું હતું. ઉપરાંત ભરૂચ જિલ્લામાં મહત્તમ 30 ડિગ્રી, લઘુત્તમ 12 ડિગ્રી, તાપી જિલ્લામાં મહત્તમ 31 ડિગ્રી, લઘુત્તમ તાપમાન 14 ડિગ્રી નોંધાયું હતું.
ક્યાં કેટલું તાપમાન નોંધાયું
જિલ્લો—મહત્તમ—લઘુત્તમ
નવસારી—30—11
વલસાડ—29.5—10
ભરૂચ—30—12
તાપી—31—14
