વાપી : વાપી (Vapi) ના ભડકમોરા (Bhadkmora )એક યુવાનને ચોરીના ઇરાદે આવેલા ઈસમોએ રૂપિયા (Money) નહીં મળતા ચાકુ મારી ગંભીર રીતે ઘાયલ કરતા વલસાડ (Valsad) સિવિલમાં સારવાર હેઠળ 108 મારફતે(108 Through) ખસેડાયો હતો. મળતી માહિતી મુજબ રાત્રે વાપીના ભડકમોરા હનુમાન મંદિર પાસે રહેતા 37 વર્ષના કરણ સોમાભાઈ સોની તેની રૂમમાં સુતો હતો. તે દરમિયાન રાત્રે ચોરો ઘરમાં ચોરીના ઈરાદે ઘુસી ગયા હતા. કરણ સોનીએ પ્રતિકાર કરતા તેને પેટમાં ચપ્પુ (Knife) મારી ગંભીર રીતે ઘાયલ કરી ભાગી ગયા હતા. કરણને તાત્કાલિક 108 એમ્બ્યુલનસ દ્વારા વલસાડ સિવિલ હોસ્પિટલમાં (Hospital) દાખલ કરાયો હતો. વાપી જીઆઇડીસી પોલીસે (Police) તપાસ હાથ ધરી છે.
સેલવાસના ઘરમાં ઘૂસી 4 લાખના દાગીના ચોરતી મહિલા ઝડપાઇ
બાલદેવી ગામે એક ઘરમાંથી સોનાના દાગીના ચોરીની ફરિયાદમાં એક મહિલા આરોપીની ધરપકડ કરવામાં આવી છે અને અંદાજિત ચાર લાખથી વધુની કિંમતના સોનાના દાગીના રિકવર કરવામાં આવ્યા છે. ફરિયાદી પુષ્પાબેન સુમનભાઈ પટેલ રહેવાસી બ્રાહ્મણ ફળિયા, બાલદેવી જેઓના ઘરમા કોઈ અજાણી વ્યક્તિ ઘુસી જઈ ઘરમાંથી અંદાજિત ચાર લાખની કિંમતના સોનાના દાગીના ચોરી કરી ફરાર થઇ ગયા હતા. જે અંગેની આઇપીસી 380,454અને 457મુજબ ગુનો નોંધી તપાસ હાથ ધરી હતી.
પૂછપરછ દરમ્યાન એણે ઘરમાંથી ચોરી કરી હોવાનું કબુલ કર્યું, આ મહિલાની અગાઉ પણ ધરપકડ થઈ હતી
ફરિયાદની ગંભીરતા જોતા એસપી,એસડીપીઓ અને પોલીસ ટીમે ઘટના સ્થળની તપાસ કરી હતી બાદમાં પોલીસ દ્વારા ચોરીના દાગીના જવેલર્સોને વેચવા આવતા તેણે અજાણી મહિલા અંગે જાણકારી આપી હતી જેના આધારે તપાસ કરતા આરોપી અમેલી રાનુદેવી શ્રીનાથ વર્મા ઉ.વ.35 હાલ રહેવાસી સ્કુલ ફળિયા સામરવરણી મુળ રહેવાસી પ્રતાપગઢ,યુપી.જેની પૂછપરછ દરમ્યાન એણે ઘરમાંથી ચોરી કરી હોવાનું કબુલ કર્યું હતું. આ મહિલાને અગાઉ પણ ધરપકડ કરી હતી.
