સોહા એ કહ્યું “ગોસિપ માટે કરીના પાસે જાઉં છું, જ્યારે રિલેશનશિપ સલાહ માટે સૈફ શ્રેષ્ઠ”
બોલિવૂડ અભિનેત્રી Soha Ali Khanએ તાજેતરમાં પોતાના પરિવાર અને વ્યક્તિગત સંબંધોને લઈને કેટલીક રસપ્રદ વાતો શેર કરી છે. એક ઇન્ટરવ્યૂ દરમિયાન સોહાએ જણાવ્યું કે પરિવારના દરેક સભ્યની તેમની જિંદગીમાં અલગ ભૂમિકા છે. ગોસિપ સાંભળવી હોય તો તે પોતાની ભાભી Kareena Kapoor Khan પાસે જાય છે, જ્યારે સંબંધોને લઈને સલાહ લેવાની હોય ત્યારે તેમના ભાઈ Saif Ali Khan સૌથી વિશ્વાસુ વ્યક્તિ છે.
સોહા અલી ખાને એક વાતચીત દરમિયાન કહ્યું કે સૈફ અલી ખાન તેમને સંબંધો વિશે ખૂબ જ પ્રેક્ટિકલ અને સમજદાર સલાહ આપે છે. તેમણે કહ્યું કે હવે તેમના જીવનમાં પુરુષ મિત્રો બહુ ઓછા રહ્યા છે, તેથી ઘણીવાર પુરુષ દ્રષ્ટિકોણ સમજવા માટે તેઓ પોતાના ભાઈ સૈફ સાથે ચર્ચા કરે છે. સોહાના જણાવ્યા મુજબ, સૈફ પરિપક્વ રીતે વાત કરે છે અને પરિસ્થિતિને સંતુલિત રીતે સમજાવે છે.
બીજી તરફ જ્યારે વાત ફિલ્મી દુનિયાની અંદરની ખબર, સેલિબ્રિટી ચર્ચા અથવા મનોરંજક ગોસિપની આવે છે ત્યારે કરીના કપૂર સૌથી આગળ હોય છે. સોહાએ મજાકીય અંદાજમાં કહ્યું કે “કરીના પાસે દરેક પ્રકારની માહિતી હોય છે.” તેમણે ઉમેર્યું કે કરીના હંમેશા અપડેટ રહે છે અને પરિવાર સાથેની વાતચીત દરમિયાન ઘણી રસપ્રદ માહિતી શેર કરતી રહે છે. સોહાએ પોતાની દીકરી ઇનાયા વિશે પણ મજેદાર ખુલાસો કર્યો હતો. તેમણે જણાવ્યું કે હવે તેમની દીકરી ઇનાયા તેમને ફેશન અને સ્ટાઇલિંગ અંગે સલાહ આપે છે. સોહાએ હસતાં કહ્યું કે “ઘરમાં હવે મારી નાની સ્ટાઇલિસ્ટ તૈયાર થઈ ગઈ છે.” વધુ માં તેમણે જણાવ્યું કે ઇનાયા ઘણીવાર તેમના કપડાં, લુક અને ફેશન પસંદગી અંગે પોતાની મજબૂત અભિપ્રાય આપે છે.
સોહાએ પોતાના પતિ Kunal Kemmu વિશે પણ મજાકીય અંદાજમાં વાત કરી હતી. તેમણે કહ્યું કે ભલે તેઓ ખાસ સલાહ ન માંગે, છતાં કુણાલ ઘણીવાર સ્ટાઇલ અને દેખાવ અંગે પોતાની સલાહ આપતા રહે છે. આ વાતને લઈને ઇન્ટરવ્યૂ દરમિયાન હળવો અને મનોરંજક માહોલ સર્જાયો હતો. સોહા અલી ખાન અને તેમનો પરિવાર બોલિવૂડના સૌથી ચર્ચિત અને લોકપ્રિય પરિવારોમાંનો એક માનવામાં આવે છે. સોહા, સૈફ અને કરીના વચ્ચે ખૂબ જ સારો સંબંધ જોવા મળે છે. ઘણીવાર પરિવારના ફોટા, વેકેશન અને ઉજવણીની તસવીરો સોશિયલ મીડિયા પર વાયરલ થતી રહે છે. તાજેતરમાં પણ સમગ્ર પટૌદી પરિવાર એક ખાનગી પરિવારિક સમારંભમાં સાથે જોવા મળ્યો હતો, જેના ફોટાઓએ ચાહકોનું ધ્યાન ખેંચ્યું હતું.
સોહાએ ઇન્ટરવ્યૂ દરમિયાન મહિલાઓ અને ભાવનાત્મક સપોર્ટ અંગે પણ મહત્વપૂર્ણ વાત કરી હતી. તેમણે કહ્યું કે ઘણીવાર મહિલાઓને માત્ર કોઈ તેમને સાંભળે એવી જરૂર હોય છે, જ્યારે પુરુષો તરત જ સમસ્યાનો ઉકેલ શોધવાનો પ્રયાસ કરે છે. તેમના મત મુજબ, લાગણીઓ સમજવી અને સાંભળવું પણ ખૂબ મહત્વનું છે. અભિનેત્રી તરીકે સાથે સાથે લેખિકા, પોડકાસ્ટ હોસ્ટ તરીકે પણ સોહા છેલ્લા કેટલાક સમયથી સક્રિય છે. તેઓ મહિલાઓના આરોગ્ય, માતૃત્વ અને માનસિક સ્વાસ્થ્ય જેવા મુદ્દાઓ પર ખુલ્લેઆમ ચર્ચા કરતી જોવા મળે છે. સોહાની સરળતા અને ખુલ્લા સ્વભાવને કારણે ચાહકો તેમની વ્યક્તિગત વાતો સાથે ઝડપથી જોડાઈ જાય છે.
સોશિયલ મીડિયા પર સોહાના આ ખુલાસાઓ બાદ ચાહકોમાં ભારે રસ જોવા મળ્યો હતો. ઘણા યુઝર્સે સૈફ, કરીના અને સોહાના પરિવારિક સંબંધોની પ્રશંસા કરી હતી, જ્યારે કેટલાકે સોહાની નિખાલસતા અને હાસ્યભર્યા અંદાજને પસંદ કર્યો હતો. બોલિવૂડના ગ્લેમરસ જીવન પાછળનો આ પરિવારિક અને મજેદાર પાસો હવે ચાહકોમાં ચર્ચાનો વિષય બન્યો છે.
