નવી દિલ્હી: ફિલ્મ (Film) પુષ્પાથી (Pushpa) નેશનલ ક્રશ બનેલી રશ્મિકા મંદાની ફરીવાર ચર્ચામાં આવી છે. આ વખતે જે કારણસર તે ચર્ચામાં આવી છે તે જાણીને તેના ચાહકોની ખુશીનો પાર રહ્યો નથી. તેમજ તેના ફેન ફોલોઈંગમાં પણ વધારો છે. કહેવાય છે કે પૈસા આવતા જ માણસ બદલાય જાય છે. પણ ખૂબ જ ઓછાં લોકો એવાં છે જે પોતાનું અસ્તિતવ ભૂલતા નથી. નેશનલ ક્રશ સાથે રશ્મિકાએ સાબિત કર્યું છે કે તે ડાઉન ટુ અર્થ (Down to earth) પર્સન છે.
ગુડબાય અને મિશન મજનૂથી બોલિવૂડમાં એન્ટ્રી મારનાર રશ્મિકા જલ્દી જ રણબીર કપૂર સાથે ફિલ્મ “એનિમલ”માં જોવા મળશે. જાણકારી મુજબ આ ફિલ્મ આ વર્ષના અંત સુધીમાં થિયેટરોમાં જોવા મળશે. ત્યારે આ વચ્ચે રશ્મિકાએ એક એવી વાત કહી છે જેણે તેના ચાહકોનું દિલ જીતી લીધું છે. રશ્મિકાએ કહ્યું છે કે તે રોજીંદા જીવનમાં તેની હાઉસ હેલ્પરને પગે લાગે છે.
એક ઈન્ટરવ્યુમાં રશ્મિકાએ કહ્યું હતુ કે તે લોકો વચ્ચે ભેદભાવ કરતી નથી. તેણે કહ્યું દરેક નાની નાની વસ્તુ મારી લાઈફમાં મેટર કરે છે. હું મારા પાલતુ જાનવરો સાથે પણ સમય વ્યતિત કરું છું અને મારા મિત્રોને પણ મારો સમય આપું છું. આ તમામ વસ્તુઓ મને ખુશી આપે છે. તેણે કહ્યું કોઈ પણ શબ્દ કહેવાથી તમારા જીવનમાં રહેલી વ્યકિત તેની સાથે જોડાયેલી રહે છે અથવા તેમાંથી દૂર થઈ જાય છે. હું તમામ નાની નાની વસ્તુઓને મારી ડાયરીમાં લખુ છું અને રાતના સમયે નિરાંતે તે તમામને વાંચુ છું અને તે અંગે વિચાર પણ કરું છું. હું મારા ઘરની અંદર મારાથી મોટાના આર્શીવાદ પણ લઉં છું. હું મારી હાઉસ મેડને પણ પગે લાગું છું. કારણકે હું ઉંચ નીચમાં માનતી નથી. હું તમામ માણસો અને તેમની ભાવનાઓનું સન્માન કરું છું.
વર્ક ફ્રન્ટની વાત કરીએ તો રશ્મિકા હાલમાં ‘વરિસુ’ ની સફળતામાં વ્યસ્ત છે. વામશી પૈડિપલ્લીના નિર્દેશનમાં થલપથી વિજય સાથે તેણીને ખૂબ પસંદ કરવામાં આવી રહી છે. ફિલ્મમાં મર્યાદિત સ્ક્રીન સમય હોવા છતાં, અભિનેત્રીએ ફિલ્મમાં વિજય સાથેની તેની સિઝલિંગ કેમેસ્ટ્રીથી દિલ જીતી લીધા હતા. આગામી સમયમાં તે ‘પુષ્પાઃ ધ રૂલ’માં શ્રીવલ્લીની ભૂમિકા ભજવતી જોવા મળશે. અલ્લુ અર્જુન અને ફહાદ ફાસિલ મુખ્ય ભૂમિકામાં છે.
