નવી દિલ્હી: લોકસભા ચૂંટણી 2024 (Loksabha Election 2024) માટે બીજેપી (BJP) મેનિફેસ્ટો કમિટીની (Manifesto Committee) જાહેરાત કરવામાં આવી છે. રાજસ્થાન સિંહને (Rajnath Sinh) આ સમિતિના અધ્યક્ષ બનાવવામાં આવ્યા છે. નિર્મલા સીતારમણ (Nirmala Sitharaman) સંયોજક રહેશે. સમિતિમાં કુલ 27 સભ્યો છે. 2024ના ચૂંટણીમાં મિશન 400 પાર કરવાનો લક્ષ્યાંક હાંસલ કરવા માટે ભાજપ સતત એક્શન મોડ પર છે.
પાર્ટી દ્વારા પ્રથમ ઉમેદવારોના નામની જાહેરાત કરવામાં આવી હતી. હવે પાર્ટીએ મેનિફેસ્ટો કમિટીની જાહેરાત કરી છે. આ યાદીમાં પીયૂષ ગોયલને સહ-સંયોજક બનાવવામાં આવ્યા છે. આ સિવાય અર્જુન મુંડા, ભૂપેન્દ્ર યાદવ, અર્જુનરામ મેઘવાલ, વસુંધરા રાજે, સ્મૃતિ ઈરાની સહિત 24 પાર્ટી નેતાઓને સભ્ય તરીકે સ્થાન આપવામાં આવ્યું છે.
બીજેપી અધ્યક્ષ નડ્ડાએ યાદી જાહેર કરી
ભાજપના રાષ્ટ્રીય અધ્યક્ષ જેપી નડ્ડાએ લોકસભા ચૂંટણી 2024 માટે ચૂંટણી ઢંઢેરા સમિતિની રચના કરી હતી. આ ચૂંટણી ઢંઢેરા સમિતિની જવાબદારી પાર્ટીના દિગ્ગજ નેતા અને સંરક્ષણ મંત્રી રાજનાથ સિંહને સોંપવામાં આવી છે. તેમની સાથે નિર્મલા સીતારમણને કન્વીનર અને પીયૂષ ગોયલને કો-કન્વીનર બનાવવામાં આવ્યા છે. આ સમિતિમાં મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણનું નામ પણ છે. વર્તમાન સાંસદ સીએમ મોહન યાદવ અને છત્તીસગઢના સીએમ વિષ્ણદેવ સાંઈના નામ પણ આ યાદીમાં છે.
ભાજપની ચૂંટણી ઢંઢેરા સમિતિમાં 27 સભ્યો
ભાજપ દ્વારા જાહેર કરવામાં આવેલી ચૂંટણી ઢંઢેરાની સમિતિમાં રવિશંકર પ્રસાદ, સુશીલ મોદી, વિનોદ તાવડે, આસામના સીએમ હિમંતા બિસ્વા સરમા, કિરેન રિજિજુ, અશ્વિની વૈષ્ણવના નામ પણ સામેલ છે. ધર્મેન્દ્ર પ્રધાન, ગુજરાતના મુખ્યમંત્રી ભૂપેન્દ્ર પટેલ, ઉત્તર પ્રદેશના ડેપ્યુટી સીએમ કેશવ પ્રસાદ મૌર્ય, રાજીવ ચંદ્રશેખર, રાધામોહન દાસ અગ્રવાલને પણ સમિતિમાં સ્થાન મળ્યું છે. કમિટીના સભ્યોમાં તારિક મન્સૂર, અનિલ એન્ટની, ઓપી ધનખરનું નામ પણ સામેલ છે. ભાજપની મેનિફેસ્ટો કમિટીમાં કુલ 27 સભ્યોને સ્થાન આપવામાં આવ્યું છે.
