MCX પર ભાવ ઉછળ્યા, હવે રોકાણ કરવું યોગ્ય?
મંગળવાર (17 માર્ચ)ની સવારમાં દેશીય કોમોડિટી બજારમાં સોનાં અને ચાંદીના ભાવમાં તેજી જોવા મળી છે. Multi Commodity Exchange of India (MCX) પર ગોલ્ડ એપ્રિલ ફ્યુચર્સ 0.5%થી વધુ વધીને ₹1,56,740 પ્રતિ 10 ગ્રામ સુધી પહોંચ્યું છે, જ્યારે સિલ્વર મે ફ્યુચર્સ 1%થી વધુ વધી ₹2,59,569 પ્રતિ કિલોગ્રામ સુધી પહોંચી ગયું છે. આ વધારાનું મુખ્ય કારણ US-Iran war અને અમેરિકન ડોલરની અસ્થિરતા છે. વૈશ્વિક અનિશ્ચિતતા વધતા રોકાણકારો સેફ હેવન તરીકે સોનાં તરફ વળી રહ્યા છે.
મધ્યપૂર્વમાં યુદ્ધ હવે ત્રીજા અઠવાડિયામાં પ્રવેશી ગયું છે અને પરિસ્થિતિ સતત બગડી રહી છે. Middle Eastમાં તણાવ વધતા ઇરાન દ્વારા Dubai, Abu Dhabi અને Fujairahમાં ડ્રોન હુમલાઓ થયા છે. આ હુમલાઓને કારણે Dubai International Airport તાત્કાલિક બંધ કરવું પડ્યું હતું, જે વૈશ્વિક બજારમાં ચિંતાનો વિષય બન્યું છે. સાથે સાથે ક્રૂડ ઓઇલના ભાવ $100 પ્રતિ બેરલથી ઉપર જ રહેતા મોંઘવારીનો ખતરો પણ વધ્યો છે. આ પરિસ્થિતિમાં હવે બધાની નજર Federal Reserveની 18 માર્ચની પોલિસી બેઠક પર છે. વ્યાજદર સ્થિર રહેવાની સંભાવના છે, પરંતુ ભવિષ્યમાં દર ઘટાડા પર અનિશ્ચિતતા વધી છે.
કોમોડિટી નિષ્ણાતોના મતે, હાલના સમયમાં સોનાં-ચાંદીના ભાવમાં ભારે ઉતાર-ચઢાવ જોવા મળી શકે છે. ટ્રેડર્સને ઇન્ટ્રાડે ટ્રેડિંગમાં સાવચેતી રાખવાની સલાહ આપવામાં આવી છે, જ્યારે લાંબા ગાળાના રોકાણકારો માટે ડીપ્સમાં ખરીદી કરવી યોગ્ય માનવામાં આવે છે.
MCX પર ગોલ્ડ માટે સપોર્ટ ₹1,54,000 અને રેઝિસ્ટન્સ ₹1,58,000 છે, જ્યારે સિલ્વર માટે સપોર્ટ ₹2,51,500 અને રેઝિસ્ટન્સ ₹2,66,000 આસપાસ જોવા મળી રહ્યા છે.
આગામી દિવસોમાં યુદ્ધની પરિસ્થિતિ, ડોલરની ચાલ અને FOMC meetingના નિર્ણયોથી બજારની દિશા નક્કી થશે. હાલ માટે સોનાંમાં રોકાણ સલામત ગણાય છે, પરંતુ સમજદારી જરૂરી છે.
