પ્રતિનિધિ વડોદરા તા.29
દિવાળીપુરા વિસ્તારમાં આવેલી નવી કલેકટર કચેરી પાસે કોમ્પલેક્ષના ત્રીજા માટે આવેલી ઇન્સ્યોરન્સ કંપનીની ઓફિસમાં એસીમાં શોર્ટ સર્કિટના કારણે બ્લાસ્ટ થયો હતો. જેના કારણે અફરા તફરી મચી જવા પામી હતી. મોટા ધડાકા સાથે થયેલા બ્લાસ્ટના કારણે કાચની ઓફિસના ફુરચે ફુરચા નીકળી ગયા હતા. જેમાં છ લોકો ઘવાયા હતા તેમને સારવાર માટે ખાનગી હોસ્પિટલમાં ખસેડાયા છે. ત્યાં બે લોકોની હાલત વધારે ગંભીર હોવાનું જાણવા મળી રહ્યું છે. અકોટા પોલીસે આગળની કાર્યવાહી હાથ ધરી છે.
દિવાળીપુરા વિસ્તારમાં આવેલી નવી કલેકટર કચેરી ની પાસે આવેલા સિદ્ધાર્થ કોમ્પલેક્ષના ત્રીજા માળ પર શ્રીરામ ઇન્સ્યોરન્સ કંપનીની ઓફીસ આવેલી છે. દરમિયાન આજે સોમવારે ઓફિસ રાબેતા મુજબ શરૂ થઈ હતી ત્યારે છ જેટલા કર્મચારીઓ નોકરી પર આવ્યા હતા અને કામગીરી કરી રહ્યા હતા. તે દરમિયાન એસી ચાલુ કરી હતી થોડીવાર સુધી એસી ચાલુ રહ્યા બાદ એકાએક એસીમાં શોર્ટ સર્કિટ થવા સાથે મોટા ધડાકા સાથે બ્લાસ્ટ થયો હતો. જેના અવાજથી આસપાસની ઓફિસમાં કામ કરતા કર્મચારીઓ પણ ડરી ગયા હતા અને ઓફિસની બહાર દોડી આવ્યા હતા. ઇન્સ્યોરન્સ ઓફિસના કાચના તો જાણે કુર્તા નીકળી ગયા હતા. ઓફિસમાં હાજર છ જેટલા કર્મચારીઓ હાજર હોય ગવાયા હતા. જેથી તેમને તાત્કાલિક પ્રાઇવેટ હોસ્પિટલમાં સારવાર માટે ખસેડાયા હતા. જેમાંથી ઈજાગ્રસ્ત થયેલા બે લોકોની હાલત ગંભીર હોવાનું જાણવા મળી રહ્યું છે. એસીપી અને ડીસીપી સહિત પોલીસ કાફલો ઘટના સ્થળ પર દોડી આવ્યો હતો. ઉપરાંત ફાયર બ્રિગેડની ટીમ પણ ત્યાં દોડી રહી હતી. અકોટા પોલીસે ગુનો નોંધી આગળની કાર્યવાહી હાથ ધરી છે.
