નવી દિલ્હી : અમેરિકા (America) એ ચીનને (China) ધમકી આપી છે. કારણકે અમેરિકા અનુસાર યુક્રેન યુદ્ધમાં ચોરી છુપે રશિયાને (Russia) મદદ કરી રહ્યું છે. ચીન અવરચંડાઇ આખી દુનિયા જાણે છે. હવે હવે તે રશિયાને પણ મદદ કરી રહ્યું છે. અમેરીકી રાષ્ટ્રપતિ જો બાયડનના (Joe Biden) પ્રસાસનને આ વાતની જાણકારી મળી ચુકી છે. કહેવાય રહ્યું છે કે યુક્રેન યુદ્ધમાં ચીન ઘણી રીતની મદદો પુતિનને (Putin) ઉપલબ્ધ કરાવી રહ્યું છે. અને આ પછી હવે અમેરિકાએ ચીનને ચેતવણી આપી દીધી છે. અને આ સાથે જ અમેરિકાએ રશિયાને ચીન મારફતે મળેલા આ ગુપ્ત રીતના સમર્થનને લઇને ચિંતા વ્યક્ત કરીને હવે તેનું પરિણામ ભોગવવાની પણ ચેતવણી આપી દીધી છે. અમેરિકાનું માનવું છે કે જિનપિંગ (Jinping) ચોરી-ચોરી અને છુપી રીતે રશિયાને સૈન્ય સહાય આપી રહ્યું છે. ચીનનું આવું વલણ યોગ્ય નથી તેવું અમેરિકા એ કહ્યું હતું.
શિખર સંમેલનની બાજુમાં તેમના ચીની સમકક્ષ આ મુદ્દો ઉઠાવ્યો
ચીન દ્વારા કરાઈ રહેલી ગુપ્ત મદદની વાતથી અમેરિકી અધિકારીઓ ખુબ જ ચિંતિત છે. ચીન દ્વારા કરવામાં આવી રહેલી આ ગુપ્ત મદદની વાત છેલ્લા ઘણા દિવસોમાં મ્યુનિક સુરક્ષા પરિષદમાં સહયોગીઓ અને ભાગીદારો સાથે ચીન વિશેની ગુપ્ત માહિતી શેર કરી રહ્યા છે. અધિકારીઓએ જણાવ્યું હતું કે વિદેશ પ્રધાન એન્ટોની બ્લિંકને શનિવારે શિખર સંમેલનની બાજુમાં તેમના ચીની સમકક્ષ વાંગ યી સાથેની બેઠક દરમિયાન આ મુદ્દો ઉઠાવ્યો હતો. સ્ટેટ ડિપાર્ટમેન્ટના એક વરિષ્ઠ અધિકારીએ જણાવ્યું હતું કે સેક્રેટરી બ્લિંકન રશિયાને સમર્થન આપવા અને રશિયાને વ્યવસ્થિત પ્રતિબંધો ટાળવામાં મદદ કરવાના અસરો અને પરિણામો વિશે ચેતવણી આપવા માટે સ્પષ્ટ હતા. જો આમ છતાં પણ ચીન સુધરશે નહીં તો તેનું પરિણામ તેને ભોગવવું પડશે.
અમેરિકા અને ચીન વચ્ચે વધી રહ્યો છે તણાવ
અમેરિકાના ઉપરાષ્ટ્રપતિ કમલા હેરિસે મ્યુનિકમાં પોતાના ભાષણ દરમિયાન રશિયાને ચીનના સમર્થનનો પર્દાફાશ કર્યો છે. હેરિસે કહ્યું હતું કે યુદ્ધ શરૂ થયું ત્યારથી મોસ્કો સાથે બેઇજિંગના સંબંધો વધુ ગાઢ થતાં અમે પણ પરેશાન છીએ. રશિયાને સમર્થન આપવા માટે ચીનનું કોઈપણ પગલું માત્ર આક્રમકતા વધારશે. તેનાથી અમેરિકા અને ચીન વચ્ચે તણાવ વધવાની ખાતરી છે. અધિકારીઓએ કહ્યું કે યુએસ જોઈ રહ્યું છે કે ચીન પોતાને શાંતિના સમર્થક તરીકે જાહેરમાં રજૂ કરવાનો પ્રયાસ કરી રહ્યું છે.
ચીનના વિદેશ પ્રધાન વાંગે પણ મ્યુનિકમાં કહ્યું હતું કે બેઇજિંગ યુક્રેન અને રશિયાને શાંતિ યોજના રજૂ કરશે અને યુરોપ સાથે સંબંધો જાળવી રાખશે. દરમિયાન એવું બહાર આવ્યું કે ચીન રશિયાના યુદ્ધના પ્રયાસમાં શાંતિથી મદદ કરી રહ્યું છે. વાંગે કોન્ફરન્સમાં કહ્યું, આ યુદ્ધ ચાલુ ન રહી શકે. આપણે આ યુદ્ધને સમાપ્ત કરવા માટે આપણે શું કરી શકીએ તે વિશે વિચારવાની જરૂર છે.
