ભુજ: વડાપ્રધાન નરેન્દ્ર મોદી (PM Narendra Modi) બે દિવસીય ગુજરાતની (Gujarat) મુલાકાત છે. ત્યારે આજે ભુજમાં (Bhuj) વડાપ્રધાનનો 3 કિલોમીટરનો રોડ શો યોજાયો હતો. જેમાં મોટી સંખ્યામાં કચ્છના (Kutch) લોકો પીએમ મોદીનું સ્વાગત કરવા માટે ઉમટી પડ્યા હતા. તેમજ રોડ શો દરમિયાન કેટલીક જગ્યાએ પરંપરાગત નૃત્યથી પીએમનું સ્વાગત કરવામાં આવ્યું હતું. વડાપ્રધાનને લોકોનું અભિવાદન ઝીલ્યું હતું. પીએમ મોદી ભુજમાં આરટીઓ સર્કલથી માધાપર સામેના ભુજિયા કિલ્લાના સાંનિધ્યમાં સ્મૃતિવનનું લોકાર્પણ કર્યું હતું. વડાપ્રધાન નરેન્દ્ર મોદી કચ્છ યુનિવર્સિટી ગ્રાઉન્ડ ખાતે પહોંચ્યા છે. CM ભૂપેન્દ્ર પટેલ અને સીઆર પાટીલ પણ તેમની સાથે હાજર રહ્યા છે.
પીએમ મોદીએ કચ્છીભાષામાં ભાષણની શરૂઆત કરી હતી. અને તેમણે જણાવ્યું હતું કે, સ્મૃતિવન સમગ્ર દેશની વેદનાનું પ્રતિક છે આજે મન ભાવનાઓથી ભરેલું છે. સ્મૃતિવનમાં ગયા બાદ બહાર નિકળવાનું મન જ થયું ન હતું. વધુમાં તેમણે કહ્યું કે સ્મૃતિવનમાં પ્રદર્શન નિહાળીને જૂની યોદો તાજી થઈ ગઈ હતી. તેમણે જૂની યાદો વાગળતા કહ્યું કે ભૂકંપના દિવસે હું દિલ્હીથી સીધો કચ્છમાં આવ્યો હતો. કચ્છના ભૂકંપ વખતે હું સીએમ ન હતો. ત્યારથી જ મે નક્કી કર્યું તે હું તમારા દરેક દુખમાં ભાગીદાર બનીશ.
કચ્છનો વિકાસ, સૌના પ્રયાસોથી અર્થપૂર્ણ પરિવર્તનનું ઉત્તમ ઉદાહરણ
વડાપ્રધાન નરેન્દ્ર મોદીએ કહ્યું કે, કચ્છનો વિકાસ સબકા પ્રયાસથી અર્થપૂર્ણ પરિવર્તનનું ઉત્તમ ઉદાહરણ છે. કચ્છ માત્ર એક સ્થળ નથી, પરંતુ તે એક ભાવના છે, જીવંત લાગણી છે. આ ભાવના જ આપણને સ્વતંત્રતાના અમૃતના પ્રચંડ સંકલ્પોની પરિપૂર્ણતાનો માર્ગ બતાવે છે.
વડાપ્રધાન નરેન્દ્ર મોદીએ કહ્યું કે એક સમય હતો જ્યારે ગુજરાત એક પછી એક સંકટનો સામનો કરી રહ્યું હતું. જ્યારે ગુજરાત કુદરતી આફતનો સામનો કરી રહ્યું હતું ત્યારે ષડયંત્રો શરૂ થઈ ગયા. ગુજરાતને દેશ અને દુનિયામાં બદનામ કરવા માટે અહીંના રોકાણને રોકવા માટે એક પછી એક ષડયંત્ર રચવામાં આવ્યું હતું. આવી સ્થિતિમાં પણ ડિઝાસ્ટર મેનેજમેન્ટ એક્ટ લાગુ કરનાર ગુજરાત દેશનું પ્રથમ રાજ્ય બન્યું છે. આ અધિનિયમની પ્રેરણાથી સમગ્ર દેશ માટે સમાન કાયદો બનાવવામાં આવ્યો હતો.
2001માં કચ્છના સંપૂર્ણ વિનાશ પછી જે કામ થયું તે અકલ્પનીય છે.
પીએમ મોદીએ કહ્યું કે 2001માં કચ્છના સંપૂર્ણ વિનાશ બાદ જે કામ થયું છે તે અકલ્પનીય છે. ક્રાંતિગુરુ શ્યામજી કૃષ્ણવર્મા યુનિવર્સિટીની રચના કચ્છમાં 2003માં કરવામાં આવી હતી, જ્યારે 35 થી વધુ નવી કોલેજો પણ સ્થાપવામાં આવી છે.
PMએ કહ્યું- આજે ફરી કહું છું કે 2047માં ભારત વિકસિત દેશ બનશે
પીએમ મોદીએ કહ્યું કે 2001માં કચ્છમાં આવેલા ભૂકંપ પછીના મુશ્કેલ દિવસોમાં મેં વિશ્વાસપૂર્વક કહ્યું હતું કે ‘આપણાને તકમાં બદલીશું’. મેં એમ પણ કહ્યું હતું કે તમે જે પણ ‘રણ’ જુઓ છો, તેમાં મને ભારતનું ‘તોરણ’ દેખાય છે. આજે હું કહું છું કે ભારત 2047માં ‘વિકસિત દેશ’ બની જશે.
26 જાન્યુઆરીએ કચ્છમાં ભૂકંપ આવ્યો ત્યારે હું દિલ્હીમાં હતો: પીએમ મોદી
પીએમ મોદીએ કહ્યું કે 26 જાન્યુઆરીએ જ્યારે કચ્છમાં ભૂકંપ આવ્યો ત્યારે હું દિલ્હીમાં હતો અને બીજા દિવસે હું કચ્છ પહોંચી ગયો હતો. ત્યારે હું સીએમ નહોતો, સાદો કાર્યકર હતો. મને ખબર નહોતી કે હું કેવી રીતે અને કેટલા લોકોને મદદ કરી શકીશ. પણ મેં નક્કી કર્યું કે હું અહીં તમારા બધાની વચ્ચે રહીશ.
આજે કચ્છના વિકાસને લગતા રૂ.4,000 કરોડથી વધુના પ્રોજેક્ટનો શિલાન્યાસ
પીએમ મોદીએ કહ્યું કે આજે કચ્છના વિકાસને લગતા રૂ. 4,000 કરોડથી વધુના અન્ય પ્રોજેક્ટનું પણ લોકાર્પણ અને લોકાર્પણ કરવામાં આવ્યું છે. જેમાં પાણી, વીજળી, રસ્તા અને ડેરી સંબંધિત પ્રોજેક્ટ સામેલ છે. આ ગુજરાતમાં કચ્છના વિકાસ માટે ડબલ એન્જિન સરકારની પ્રતિબદ્ધતા દર્શાવે છે.
પીએમ મોદીએ કહ્યું- સ્મૃતિવન સ્મારક સમગ્ર દેશની સામાન્ય પીડાનું પ્રતિક છે
પીએમ મોદીએ કહ્યું કે આજે મન ઘણી ભાવનાઓથી ભરેલું છે. ભુજમાં સ્મૃતિવન સ્મારક અને અંજારમાં વીર બાલક સ્મારકનું અર્પણ એ કચ્છ, ગુજરાત અને સમગ્ર દેશની સામાન્ય વ્યથાનું પ્રતીક છે. તેના નિર્માણમાં માત્ર પરસેવો જ નહીં પરંતુ અનેક પરિવારોના આંસુ પણ તેના પત્થરોથી સિંચાઈ ગયા છે.
વડાપ્રધાન નરેન્દ્ર મોદી ગુજરાતની બે દિવસની મુલાકાત છે. ત્યારે ભુજમાં વડાપ્રધાનનો 3 કિલોમીટરનો રોડ શો યોજાયો હતો. જેમાં મોટી સંખ્યામાં લોકો ઉમટી પડ્યા હતા. પરંપરાગત નૃત્યથી પીએમનું સ્વાગત કરવામાં આવ્યું હતું. વડાપ્રધાનને લોકોનું અભિવાદન ઝીલ્યું હતું. સવારે ભુજમાં આરટીઓ સર્કલથી માધાપર સામેના ભુજિયા કિલ્લાના સાંનિધ્યમાં સ્મૃતિવનનું લોકાર્પણ કર્યું હતું. વડાપ્રધાન નરેન્દ્ર મોદી કચ્છ યુનિવર્સિટી ગ્રાઉન્ડ ખાતે પહોંચ્યા છે. CM ભૂપેન્દ્ર પટેલ અને સીઆર પાટીલ પણ તેમની સાથે હાજર રહ્યા છે.
PM મોદીએ ગુજરાતના ભુજમાં સ્મૃતિવન મેમોરિયલનું ઉદ્ઘાટન કર્યું
ભુજમાં 2001ના ભયાનક ભૂકંપમાં જીવ ગુમાવનારા 13 હજાર લોકોની યાદમાં આ સ્મારક બનાવવામાં આવ્યું છે. ઉપરાંત, લગભગ 470 એકર વિસ્તારમાં બનેલું આ સ્મારક પણ આ હૃદયદ્રાવક દુર્ઘટનામાંથી બહાર આવવાની લોકોની ભાવના દર્શાવે છે.
આ પછી શ્યામજી સવારે 11.30 કલાકે કૃષ્ણ વર્મા યુનિવર્સિટી ગ્રાઉન્ડ ખાતે યોજાનાર જાહેર કાર્યક્રમને સંબોધશે અને ત્યારબાદ બપોરે 2.30 કલાકે અમદાવાદ એરપોર્ટથી રાજભવન પરત ફરશે. સાંજે 5.30 કલાકે મહાત્મા મંદિર, ગાંધીનગર ખાતે ‘ભારતમાં સુઝુકીના 40 વર્ષ’ની સ્મૃતિમાં આયોજિત કાર્યક્રમમાં ઉપસ્થિત રહેશે.
શનિવારે પીએમ મોદી અમદાવાદમાં ગુજરાત રાજ્ય ખાદી ગ્રામોદ્યોગ બોર્ડની નવી ઇમારતનું ઉદ્ઘાટન કર્યું હતું. ત્યારબાદ તેઓ સાબરમતી રિવરફ્રન્ટ પર અટલ બ્રિજનું ઉદ્ઘાટન કર્યું હતું. અને ત્યાર બાદ તેઓ સાંજે માતા હીરાબાને મળ્યાં હતા. રવિવારે પીએમ મોદી કચ્છની મુલાકાતે આવી પહોંચ્યા છે. પીએમ મોદી દ્વારા વિવિધ પ્રોજેક્ટ્સ ખુલ્લા મૂકવામાં આવશે.
470 એકરમાં ભૂકંપ સ્મૃતિવન આકાર પામ્યું
વડાપ્રધાન નરેન્દ્ર મોદીના ડ્રીમ પ્રોજેકટ હેઠળ ભુજિયા ડુંગરના સાંનિધ્યમાં રૂ. 400 કરોડના ખર્ચે 470 એકરમાં ભૂકંપ સ્મૃતિવન બનાવવામાં આવ્યા છે. જે દેશનો પ્રથમ અર્થક્વેક મેમોરિયલ પાર્ક બનશે. 10 વર્ષની લાંબી જહેમત બાદ વિશ્વકક્ષાનું ભૂકંપ સ્મૃતિવન કચ્છીવાસીઓ માટે તૈયાર કરવામાં આવશે. 2001ના ભૂંકપમાં જીવ ગૂમાવનાર 13,805 દિવંગત આત્માઓની સ્મૃતિને યાદગાર રાખવા સદગતોની નામાવલિ તાલુકા મુજબ અલગ અલગ તક્તીરૂપે કંડારી મૂકવામાં આવી છે. આ સાથે જ અભ્યાસુ લોકો માટે રીજનલ સાયન્સ સેન્ટર, અર્થક્વેક સિવ્યુલેટર સંકુલ, 35 ચેકડેમ સહિતના પ્રકલ્પોનો સમાવેશ કરવામાં આવ્યો છે, જે સ્થાનિક સાથે પ્રવાસીઓ માટે આકર્ષણરૂપ બની રહેશે.
