નડિયાદ: બોરસદ તાલુકાના કઠાણા ગામમાં જાહેરમાં જુગાર રમી રહેલા ૪ ઇસમોને પોલીસે બાતમીના આધારે ઝડપી પાડી, રૂ. ૧૫૨૦ સાથે ઝડપી પાડ્યા હતા. જ્યારે ૬ ઇસમો પોલીસને ચકમો આપીને ફરાર થઇ ગયા હતા. વિરસદ પોલીસે ગુનો નોંધી કાર્યવાહી હાથ ધરી છે. બોરસદ તાલુકાના કઠાણા ગામમાં શેરિયાપુરા વિસ્તારમાં આવેલા ખુલ્લા ખેતરમાં કેટલાક ઇસમો જાહેરમાં જુગાર રમતાં હોવાની બાતમીના આધારે પોલીસે દરોડો કરતાં નાસભાગ મચી હતી. જોકે, પોલીસે સ્થળ પરથી રમેશ ઉર્ફે મુખી બુધાભાઇ સોલંકી, મહેશ ઉર્ફે કાળીદાસ અંબાલાલ સોલંકી, અરવિંદ ઉર્ફે અલ્લુ ભાયલાલભાઇ ઉર્ફે કાકુજી સોલંકી તથા જીતુ ઉર્ફે કાણિયો ગણપતભાઇ સોલંકીને ઝડપી પાડ્યા હતા. જ્યારે અશ્વિન સીતાભાઇ સોલંકી, પૂનમ ઉર્ફે ભોપો ઉદેસિંહ, કિરીટ ભાયલાલભાઇ સોલંકી, લાલજી રાવજીભાઇ સોલંકી, શંકર ખુમાનભાઇ સોલંકી તથા કિરીટ રામસિંહ સોલંકી પોલીસને ચકમો આપી ફરાર થઇ ગયા હતા. પોલીસે રોકડા રૂ. ૧૫૨૦ સાથે ચાર ઇસમોને ઝડપી પાડી, તમામ ૧૦ આરોપીઓ સામે ગુનો નોંધી કાયદેસરની કાર્યવાહી હાથ ધરી છે.
બોરીયાવીમાં આંક ફરકનો જુગાર રમતાં બે ઇસમો ઝડપાયા : મહિલા ફરાર
બોરીયાવીના સોનીયાકૂઇ વિસ્તારમાં કેટલાક ઇસમો જાહેરમાં આંક ફરકનો જુગાર રમી રહ્યા હોવાની બાતમીઆ આધારે પોલીસે દરોડો કરીને રમેશ બુધાભાઇ પરમાર અને રમેશ સુખાભાઇ બારૈયાને ઝડપી પાડ્યા હતા. જ્યારે મનિષા રણજીતભાઇ પરમાર નામની મહિલા ફરાર થઇ ગઇ હતી. પોલીસે
રૂ. ૫૯૧૦ નો મુદ્દામાલ કબજે લઇ કાયદેસરની કાર્યવાહી હાથ ધરી છે.
