કામરેજ: (Kamrej) વેલંજા ખાતે રહેતા અને બાંધકામનો ધંધો (Construction Buisness) કરતા આધેડના પુત્રવધુ સાથે નગ્ન ફોટા તેમજ વીડિયો બનાવીને સોશિયલ મીડિયામાં ન્યુઝ ચેનલના લોગો સાથે કોઈકે વાઈરલ કરતા પોલીસ ફરિયાદ (Police Complaint) થવા પામી છે. કોઈ ઇસમે ફોટો અને ન્યુઝ ફરતાં કરાતાં અજાણ્યા શખ્સ સામે પોલીસ ફરિયાદ નોંઘવામાં આવી છે.
- કામરેજ તાલુકા વેલંજા ગામે રહેતા આ વ્યક્તિ બાંધકામનો ધંધો છે
- બિલ્ડર સસરાના પુત્રવધુ સાથેના નગ્ન ફોટા-વીડિયો વાઈરલ થતાં ચકચાર
- વેલંજામાં સસરાએ પુત્રવધુને બનાવી ગર્ભવતી જેવા ફોટો-ન્યુઝ ફરતાં કરતાં અજાણ્યા શખ્સ સામે પોલીસ ફરિયાદ
- આ ફોટો અને વીડિયો જોતા વાધજીભાઈના પગ નીચેથી જમીન સરકી ગઈ હતી
મુળ જુનાગઢ જિલ્લાના વતની અને હાલ કામરેજ તાલુકા વેલંજા ગામે રહેતા અને બાંધકામનો ધંધો કરતા વાધજીભાઈ (નામ બદલ્યુ છે) પત્ની, પુત્ર અને પુત્રવધુ સાથે રહે છે. રવિવારના રોજ વાધજીભાઈના મિત્રએ ફોન કરીને વાધજીભાઈને સુરત ખાતે બોલાવ્યા હતાં. ત્યાં વાધજીભાઈના અન્ય મિત્રો પણ હાજર હતા. એક ગ્રુપમાં વાઘજીભાઈના પુત્રવધુ સાથે નગ્ન હાલતમાં ફોટા ઈલેકટ્રોનિકસ ન્યુઝ ચેનલના લોગો સાથે વાઈરલ થયેલા બતાવ્યા હતા. વેલંજામાં સસરાએ પુત્રવધુને બનાવી ગર્ભવતી તથા બીજો વીડિયો એડિટિંગ કરીને વાયરલ થયો હતો. આમ આ બન્ને જોતા વાધજીભાઈના પગ નીચેથી જમીન સરકી ગઈ હતી. વાધજીભાઈને ખોટી રીતે બદનામ કરવા માટે ફોટા તેમજ વીડીયો વાઈરલ કરતા કામરેજ પોલીસ મથકમાં વાધજીભાઈ અજાણ્યા ઈસમો સામે ઈન્ફરમેશન એકટ હેઠળ ફરિયાદ નોંધાવી હતી.
