નવી દિલ્હી: ભારતીય બિઝનેસમેન મુકેશ અંબાણી (Mukesh Ambani) જે પણ કંપનીને (Company) ખરીદવાની વાત કરે છે તેના ભાગ્ય ખુલ્લી જાય છે. આવું જ કંઈક ચોકલેટ (Chocolate) બનાવતી કંપની સાથે થયું છે. ખરેખર, રિલાયન્સ રિટેલ (Reliance Retail) આ ચોકલેટ કંપનીનો 51 ટકા એટલે કે બહુમતી હિસ્સો ખરીદવાનું વિચારી રહી છે, અને ટૂંક સમયમાં તેને ખરીદી પણ લેશે. માત્ર આ સમાચારથી જ કંપનીના શેરમાં જોરદાર ઉછાળો જોવા મળી રહ્યો છે. જેના કારણે શુક્રવારે શેર માર્કેટમાં કંપનીના શેરોમાં અપર સર્કિટ લાગી હતી.
લોટસ ચોકલેટનો શેર 5% વધ્યો
વર્ષના અને સપ્તાહના છેલ્લા શુક્રવારે ટ્રેડિંગથી દિવસ શરૂ થયો હતો. શેરબજારમાં ટ્રેડિંગ શરૂ થતાંની સાથે જ લોટસ ચોકલેટ કંપની લિમિટેડના શેરમાં અપર સર્કિટ લાગી હતી. તેનો શેર 5 ટકા એટલે કે રૂ. 5.85 વધીને રૂ. 122.95ના સ્તરે પહોંચ્યો હતો. સાદા શબ્દોમાં કહીએ તો, ચોકલેટ કંપનીમાં રિલાયન્સ રિટેલની મોટી ખરીદીની યોજનાના સમાચારે રોકાણકારોના સેન્ટિમેન્ટને અસર કરી અને તેઓએ શેરની ખરીદી વધારી દીધી હતી.
શેરની કિંમત રૂ. 113 નક્કી કરવામાં આવી છે
મુકેશ અંબાણીની પુત્રી ઈશા અંબાણી રિલાયન્સ રિટેલ વેન્ચર્સની જવાબદારી સંભાળી રહી છે. આ સાથે જ મુકેશ અંબાણી રિટેલ સેક્ટરમાં બિઝનેસનો સતત વિસ્તાર કરી રહ્યા છે. મળતી માહિતી અનુસાર, રિલાયન્સ રિટેલ લોટસ ચોકલેટ કંપની લિમિટેડમાં 51 ટકા હિસ્સો ખરીદવા તૈયાર છે. આ માટે પ્રતિ શેર 113 રૂપિયાની કિંમત પણ નક્કી કરવામાં આવી છે.
આ રકમમાં સોદો પૂર્ણ થશે
મળતી માહિતી અનુસાર રિલાયન્સ રિટેલ અને લોટસ ચોકલેટ વચ્ચે આ ડીલ લગભગ $8.94 મિલિયનમાં થવા જઈ રહી છે. નોંધપાત્ર રીતે, રિલાયન્સ રિટેલે લોટસ ચોકલેટમાં 51 ટકા હિસ્સો ખરીદવાની યોજના બનાવી છે. આ સાથે ઓપન ઓફર દ્વારા વધારાનો 26 ટકા હિસ્સો ખરીદવાની તૈયારી છે. હાલમાં ચોકલેટ કંપનીમાં પ્રમોટર અને પ્રમોટર ગ્રૂપ 72 ટકા હિસ્સો ધરાવે છે.
રિલાયન્સ સતત ખરીદી કરી રહી છે
મુકેશ અંબાણીએ તાજેતરમાં રિટેલ સેક્ટરમાં બિઝનેસ વધારવાનો ઈરાદો વ્યક્ત કર્યો હતો. આ દિશામાં તેમની કંપની રિલાયન્સ સતત નવી કંપનીઓ ખરીદી રહી છે અને તેમને પોતાના ગ્રુપમાં સામેલ કરી રહી છે. લોટસ ચોકલેટ આ દિશામાં લેવાયેલું એક પગલું છે. ચોકલેટ કંપની લોટસની સ્થાપના વર્ષ 1988માં થઈ હતી. તે કોકા અને ચોકલેટ ઉત્પાદનો સપ્લાય કરે છે.
