નવસારી : મોગાર ગામે (Mogar Village) પત્ની (Wife) સાથે આડા સંબંધ હોવાની શંકા (Doubt) બાબતે પાડોશીઓ બાખડતા મામલો વિજલપોર પોલીસ (Police) મથકે નોંધાયો છે.મળતી માહિતી મુજબ, વિજલપોરના મોગાર ગામે વકાસરીયા ફળીયામાં રવજીભાઈ છગનભાઈ હળપતિ તેમના પરિવાર સાથે છે. ગત 8મીએ જલાલપોર તાલુકાના ડાભર ગામે રહેતી રવજીભાઈની બહેન કુસુમબેન હળપતિનો પુત્ર પીન્ટુ હળપતિ સાથે મોગાર ગામે રહેતા સુભાષ રાજુભાઈ હળપતિની પત્ની સાથે આડા સંબંધ હોવા બાબતે શંકા રાખી ઝઘડો કરવા ગયા હતા.
ઉશ્કેરાઈ જઈ લાકડાનો ફટકો માથામાં મારી દીધો
જે બાબતની જાણ રવજીભાઈને થતા તેઓ પાડોશમાં રહેતા સુભાષભાઈને પૂછવા જતા સુભાષભાઈ ઉશ્કેરાઈ જઈ લાકડાનો ફટકો રવજીભાઈને માથામાં મારી દીધો હતો. અને શરીરના અન્ય જગ્યાઓ પર પણ માર મારી સુભાષભાઈ નાસી ગયા હતા. જેથી પરિવારજનોએ ઘવાયેલા રવજીભાઈને તાત્કાલિક સારવાર અર્થે નવસારી સિવિલ હોસ્પિટલમાં ખસેડ્યા હતા. આ બનાવ અંગે રવજીભાઈએ વિજલપોર પોલીસ મથકે સુભાષભાઈ વિરૂદ્ધ ફરિયાદ નોંધાવતા આગળની તપાસ એ.એસ.આઈ. રાકેશભાઈને સોંપી છે.
