મુંબઈ: ‘ભૂલ ભૂલૈયા 2’ની (‘Bhool Bhoolaiyya 2’) સફળતા સાથે કાર્તિક આર્યનના (Karthik Aryan) આ દિવસોમાં ઉંચાઈ પર છે. આગામી મહિનાઓમાં પણ કાર્તિક એકથી વધુ મજેદાર પ્રોજેક્ટ (Project) પર કામ કરી રહ્યો છે. દરમિયાન, તેના વ્યસ્ત જીવનમાંથી સમય કાઢીને, કાર્તિકે ભારતીય નૌકાદળના કેટલાક અધિકારીઓ સાથે દિવસ પસાર કર્યો હતો. ભારતની આઝાદીની 75મી વર્ષગાંઠના અવસર પર કાર્તિકે આ ખાસ ચેષ્ટા બતાવી છે. તેણે સોશિયલ મીડિયા પર તેના શ્રેષ્ઠ દિવસના ફોટા અને વીડિયો શેર કર્યા છે, જેમાં તે ખૂબ એન્જોય કરતો જોવા મળી રહ્યો છે. પોતાની પોસ્ટમાં કાર્તિકે લખ્યું, ‘જય જવાન! નેવીના બહાદુર સૈનિકો સાથે એક દિવસ.
કાર્તિકે ઈન્સ્ટાગ્રામ પર પોતાની પોસ્ટમાં જે ફોટો શેર કર્યો છે તેમાં તે સૈનિકો સાથે પોઝ આપી રહ્યો છે. અને બેકગ્રાઉન્ડમાં સૈનિકો ગર્વથી ત્રિરંગો ધ્વજ લહેરાવી રહ્યા છે. એક વીડિયો ક્લિપમાં કાર્તિક કેટલાક સૈનિકો સાથે વીડિયો ગેમ રમતા પણ જોવા મળે છે. તેણે જવાનોના ડાન્સ ગ્રૂપ સાથે ડાન્સ કરવાની તક ગુમાવી ન હતી અને માત્ર પોતે જ જોરદાર ડાન્સ કર્યો ન હતો, તે સૈનિકોને ‘ભૂલ ભુલૈયા 2’માં તેના લોકપ્રિય ડાન્સ સ્ટેપ્સ શીખવતો પણ જોવા મળ્યો હતો.
એક વીડિયોમાં કાર્તિક રોટલી બનાવવાના મશીન પાસે ઉભો છે અને તે જે રીતે કામ કરે છે તે જોઈને આશ્ચર્યચકિત થઈ ગયો છે. વીડિયોમાં તે કહી રહ્યો છે કે, ‘આ અદ્ભુત વાત છે, આમાં ગોળ ગોળ બનાવવાની જરૂર રહેતી નથી.’ નેવી કેપ પહેરીને કાર્તિકે ગન સાથે પોઝ પણ આપ્યો હતો. એક વીડિયોમાં કાર્તિક પણ સૈનિકો સાથે દોરડું ખેંચવાની મજા લેતો જોવા મળે છે. વીડિયોમાં કાર્તિક હસતો જોવા મળે છે અને સૈનિકોને ફરી ચેલેન્જ કરવાનો ઇનકાર કરી રહ્યો છે.
કાર્તિકના કામની વાત કરીએ તો આજકાલ તે ડિરેક્ટર રોહિત ધવનની ફિલ્મ ‘શહેજાદા’માં કામ કરી રહ્યો છે. આ ફિલ્મમાં કાર્તિક સાથે કૃતિ સેનન પણ છે અને તે તેલુગુ સ્ટાર અલ્લુ અર્જુનની હિટ ફિલ્મ અલા વૈકુંઠપુરમલુની હિન્દી રિમેક છે. આ સિવાય કાર્તિક પાસે હંસલ મહેતાની ફિલ્મ ‘કેપ્ટન ઈન્ડિયા’, સાજિદ નડિયાદવાલાની ‘સત્યપ્રેમ કી કથા’ અને ‘ફ્રેડી’ નામની થ્રિલર ફિલ્મમાં જોવા મળશે.
