18 ઓક્ટોબરથી દેશમાં 100 ટકા ક્ષમતા સાથે ડોમેસ્ટિક ફ્લાઈટ્સ ચલાવવાની છૂટ

નવી દિલ્હી: (Delhi) નાગરિક ઉડ્ડયન મંત્રાલયે કોરોના મહામારી બાદ સ્થાનિક ફ્લાઇટ્સ (Domestic Flights) પર પ્રતિબંધમાં રાહત આપી છે. સ્થાનિક વ્યવસાયિક ઉડાનો પર મુસાફરોની ક્ષમતા પરના પ્રતિબંધો 18 ઓક્ટોબરથી હટાવવામાં આવશે. આ સાથે, ફ્લાઇટ્સ સંપૂર્ણ ક્ષમતાથી ચલાવી શકાય છે. સપ્ટેમ્બરમાં, સરકારે સ્થાનિક ફ્લાઇટ્સની મુસાફરોની ક્ષમતા 72.5 ટકાથી વધારીને 85 ટકા કરી હતી. હવે આગામી સોમવારથી દેશમાં 100 ટકા ક્ષમતા સાથે ફ્લાઇટ્સ ચલાવી શકાશે. એટલે કે હવે પહેલા કરતા વધુ મુસાફરો (Passengers) ઘરેલુ ફ્લાઇટમાં મુસાફરી કરી શકશે.

કોવિડ ગાઈડલાઈનનું પાલન કરવું પડશે
ફ્લાઇટ્સને સંપૂર્ણ મુસાફરોની ક્ષમતા સાથે સંચાલિત કરવાની મંજૂરી સાથે, મંત્રાલયે એરલાઇન્સ અને એરપોર્ટ ઓપરેટરોને COVID-19 ના ફેલાવાને રોકવા અને મુસાફરી દરમિયાન COVID- ગાઈડલાઈનનું કડક પાલન કરવા માટે પગલાંની ખાતરી કરવા પણ કહ્યું છે.

ઓગસ્ટમાં વિમાન મુસાફરોમાં 31 ટકાનો વધારો થયો, 66 લાખે મુસાફરી કરી
ક્રેડિટ રેટિંગ એજન્સી ઇક્રા (Icra) ના જણાવ્યા અનુસાર દેશમાં એર ટ્રાફિક ઝડપથી વધી રહ્યો છે. ઓગસ્ટમાં, તે જુલાઈની સરખામણીમાં 31 ટકા વધ્યો અને દર મહિને 66 લાખ મુસાફરો સુધી પહોંચ્યો. આ રોગચાળા પછી હવાઈ મુસાફરી ઘટવાના વલણમાં ઝડપી ફેરફાર સૂચવે છે. જુલાઈમાં સ્થાનિક મુસાફરોની સંખ્યા 51 લાખ હતી.

ભાડાને લઈને ગયા મહિને આ મોટી રાહત આપવામાં આવી હતી
છેલ્લા મહિનામાં એટલે કે સપ્ટેમ્બરમાં, એરલાઇન્સને મોટી રાહત આપતી છે. ભાડાના પ્રાઇસ બેન્ડ હેઠળ સરકાર અત્યાર સુધી સૌથી ઓછી અને સૌથી વધુ ભાડાની મર્યાદા નક્કી કરી રહી હતી, પરંતુ હવે તેમાં રાહત આપવામાં આવી છે. હવે સરકાર એક મહિનામાં માત્ર 15 દિવસ માટે આ મર્યાદા નક્કી કરશે, જ્યારે બાકીના 15 દિવસો માટે એરલાઇન્સ તેને પોતાના અનુસાર તેને સુધારી શકશે.

રોગચાળાને કારણે એરલાઇન્સને મોટું નુકસાન થયું છે
કોરોના મહામારીને કારણે ઉડ્ડયન ઉદ્યોગને ભારે ફટકો પડ્યો છે. લોકડાઉનને કારણે કંપનીઓને ભારે નુકસાન થયું છે. ગયા વર્ષે એરલાઇન્સનું સંચાલન બંધ કરવામાં આવ્યું હતું. ડોમેસ્ટિક ફ્લાઇટ સર્વિસ કેટલાક મહિનાઓની સેવા બંધ થયા બાદ શરૂ થઈ હતી, પરંતુ મુસાફરોની સંખ્યા ઘટાડીને 50 ટકા કરવામાં આવી હતી. સપ્ટેમ્બરમાં સરકારે સ્થાનિક ફ્લાઇટ્સની મુસાફરોની ક્ષમતા 72.5 ટકાથી વધારીને 85 ટકા કરી હતી. હવે આગામી સોમવારથી દેશમાં 100 ટકા ક્ષમતા સાથે ફ્લાઇટ્સ ચલાવી શકાશે.

Related Posts