વડોદરા: આઝાદી કા અમૃત મહોત્સવ એ ભારતની આઝાદીના 75 વર્ષ અને આપણા લોકો, સંસ્કૃતિ અને સિદ્ધિઓના ગૌરવશાળી ઈતિહાસની સમગ્ર ભારતમાં ઉજવણી છે. ભારતીય સેના દ્વારા ઉજવણીમાં સક્રિય ભાગીદારી ઉપરાંત વિવિધ સ્મારક કાર્યક્રમો હાથ ધરવામાં આવે છે. ટીમ EME સ્કૂલે 15 ઑગસ્ટ 2022ના રોજ EME સ્કૂલની મહિલાઓ અને બાળકો સહિત 300 આર્મી કર્મચારીઓની સંખ્યા સાથે વૉકાથોન, રન અને સાયક્લોથોન ઇવેન્ટ ‘આઝાદી માર્ચ’નું આયોજન કર્યું હતું. ઇવેન્ટને આઇકોનિક લક્ષ્મી વિલાસ પેલેસ, વડોદરાથી મેજર જનરલ બિક્રમદીપ સિંહ, VSM, કમાન્ડન્ટ, EME સ્કૂલ દ્વારા ફ્લેગ ઓફ કરવામાં આવી હતી અને લગભગ 6 કિલોમીટરના અંતરે યુજેન સ્ટેડિયમ, EME સ્કૂલ ખાતે સમાપન થયું હતું. આ ઇવેન્ટની થીમ “રાષ્ટ્રીય એકતા અને આપણા સ્વાતંત્ર્ય સેનાનીઓ અને યુદ્ધ નાયકોને શ્રદ્ધાંજલિ” હતી. રાષ્ટ્ર ગૌરવ અને મૂલ્યોને પ્રેરિત કરતી ઇવેન્ટ દરમિયાન “હર ઘર તિરંગા” ઝુંબેશને પ્રોત્સાહન આપવા માટે તમામ વ્યક્તિઓ દ્વારા રાષ્ટ્રીય ધ્વજ વહન કરવામાં આવ્યા હતા.
