મધ્ય પ્રદેશમાં રાજ્યસભા ચૂંટણીને લઈને રાજકીય માહોલ ગરમાયો છે. મતદાન પહેલાં જ વિધાનસભા પરિસરમાં ભાજપ અને કોંગ્રેસના ધારાસભ્યો વચ્ચે ઉગ્ર બોલાચાલી બાદ ધક્કામુક્કીની ઘટના સામે આવી છે. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જેના કારણે રાજ્યની રાજનીતિમાં ભારે ચર્ચા જાગી છે. વિડીયો પરથી મળતી માહિતી મુજબ, રાજ્યસભા ચૂંટણીને લઈને બંને પક્ષો પોતાના ધારાસભ્યોને એકજૂટ રાખવા અને ક્રોસ વોટિંગ અટકાવવા માટે સતત પ્રયાસ કરી રહ્યા છે. આ દરમિયાન વિધાનસભા પરિસરમાં ભાજપ અને કોંગ્રેસના ધારાસભ્યો આમને-સામને આવી ગયા હતા. શરૂઆતમાં બંને પક્ષના નેતાઓ વચ્ચે મૌખિક તકરાર થઈ હતી, પરંતુ થોડા જ સમયમાં મામલો ઉગ્ર બનતા ધક્કામુક્કીની સ્થિતિ સર્જાઈ હતી.
પ્રત્યક્ષદર્શીઓના જણાવ્યા અનુસાર, બંને પક્ષના કાર્યકરો અને ધારાસભ્યો એકબીજા સામે સૂત્રોચ્ચાર કરી રહ્યા હતા. વાતાવરણ તંગ બનતા સુરક્ષા કર્મચારીઓએ તાત્કાલિક દખલ કરી પરિસ્થિતિને કાબૂમાં લેવાનો પ્રયાસ કર્યો હતો. કેટલાક સમય માટે વિધાનસભા પરિસરમાં ભારે ગહમાગહમી જોવા મળી હતી.રાજ્યસભા ચૂંટણીને લઈને છેલ્લા કેટલાક દિવસોથી મધ્ય પ્રદેશમાં રાજકીય ખેંચતાણ વધી રહી છે. જો કે કોંગ્રેસે ભાજપ પર પોતાના ધારાસભ્યોને પ્રભાવિત કરવાનો આરોપ લગાવ્યો છે, જ્યારે ભાજપે આ આરોપોને નકારી કાઢ્યા છે. આ સાથેજ બંને પક્ષો એકબીજા પર લોકશાહી મૂલ્યોને નુકસાન પહોંચાડવાનો આક્ષેપ કરી રહ્યા છે.
ઘટના બાદ કોંગ્રેસના નેતાઓએ જણાવ્યું હતું કે ભાજપના ધારાસભ્યોએ ઉશ્કેરણીજનક વર્તન કર્યું હતું, જેના કારણે વિવાદ ઊભો થયો. બીજી તરફ ભાજપના નેતાઓએ દાવો કર્યો કે કોંગ્રેસના સભ્યોએ અનાવશ્યક હોબાળો મચાવી રાજકીય લાભ મેળવવાનો પ્રયાસ કર્યો હતો.જ્યારે રાજ્યસભા ચૂંટણી પહેલાં ધારાસભ્યોને લઈને ચાલી રહેલા રાજકીય સમીકરણો વચ્ચે આ ઘટના ખાસ મહત્વ ધરાવે છે. બંને પક્ષો માટે દરેક મત મહત્વનો હોવાથી રાજકીય દબાણ પણ વધ્યું છે. તાજેતરમાં કોંગ્રેસના કેટલાક ધારાસભ્યોને લઈને પણ રાજકીય અટકળો તેજ બની હતી, જેના કારણે પક્ષોએ પોતાના સભ્યોને એકજૂટ રાખવા વિશેષ વ્યૂહરચના અપનાવી છે.
વિધાનસભા પરિસરમાં બનેલી આ ઘટનાનો વીડિયો સામે આવતા સોશિયલ મીડિયા પર વિવિધ પ્રતિક્રિયાઓ જોવા મળી રહી છે. ઘણા લોકોએ ચૂંટાયેલા પ્રતિનિધિઓના આવા વર્તન પર સવાલો ઉઠાવ્યા છે, જ્યારે કેટલાક લોકોએ તેને રાજ્યસભા ચૂંટણી પહેલાં વધેલા રાજકીય તણાવનું પરિણામ ગણાવ્યું છે.ફિલહાલ સુરક્ષા એજન્સીઓ સમગ્ર મામલે નજર રાખી રહી છે અને વિધાનસભા પરિસરમાં કાયદો અને વ્યવસ્થા જળવાઈ રહે તે માટે વધારાની વ્યવસ્થા કરવામાં આવી છે. રાજ્યસભા ચૂંટણીના પરિણામો પહેલાં જ આ ઘટનાએ મધ્ય પ્રદેશની રાજનીતિમાં નવા વિવાદને જન્મ આપ્યો છે અને આગામી દિવસોમાં આ મુદ્દે વધુ રાજકીય ઘમાસાણ જોવા મળી શકે છે.
