કોમેડી સિરીઝ મામલા લીગલ હૈ ની બીજી સિઝન આજથી નેટફિલક્સ પર આવી છે. આ સિરીઝમાં રવિ કિશન ફરીવાર કોમેડી કોર્ટરૂમ ડ્રામામાં પટપડગંજ કોર્ટમાં એમના ચાહકોને હસાવવા પાછા ફરશે. આની પ્રથમ સિઝન 2024માં નેટફિલક્સ પર આવી હતી, એને દર્શકોએ ખૂબ જ પસંદ કરી હતી. આની બીજી સિઝનની પણ આતુરતાથી રાહ જોવાઈ રહી હતી, હવે જેનો અંત આવ્યો છે. સોશિયલ મીડિયા પર સિરીઝનું પોસ્ટર શેર કરતા નિર્માતાઓએ લખ્યું, ‘ઓર્ડર, ઓર્ડર! મામલો ફરીથી કાયદેસર બનવાનો છે.’ પોસ્ટરમાં રવિ કિશન અને બધા કલાકારો કોર્ટરૂમના પોશાકમાં, કાળા કોટ પહેરેલા દેખાય છે. આ જાહેરાત પછી ચાહકો ઉત્સાહિત છે, અને લોકો સોશિયલ મીડિયા પર વિવિધ પ્રતિક્રિયાઓ શેર કરી રહ્યા છે.
બીજી સિઝનમાં મનોરંજક અને અનોખી કોર્ટરૂમ વાર્તાઓ પણ દર્શાવવામાં આવશે. આ શ્રેણી પટપડગંજ જિલ્લા કોર્ટમાં સેટ છે, જેમાં વિવિધ પ્રકારના કેસ અને રસપ્રદ પાત્રો દર્શાવવામાં આવ્યા છે. આ શો કાનૂની દુનિયાના હળવા અને રમૂજી ચિત્રણ માટે જાણીતો છે. આ સિરીઝનું દિગ્દર્શન રાહુલ પાંડે અને સમીર સક્સેના દ્વારા કરવામાં આવ્યું છે. તેમાં નિધિ બિષ્ટ, નૈલા ગ્રેવાલ, અનંત જોશી, અંજુમ બત્રા, કુશા કપિલા અને દિનેશ લાલ યાદવ પણ છે. આઠ એપિસોડની આ શ્રેણીમાં વકીલોની એક ટીમ હશે, જેમાં નવા રોલ મોડેલથી લઈને અનુભવી અને અનોખા વકીલો હશે, જેઓ વાસ્તવિક જીવનની કોર્ટરૂમની પરિસ્થિતિઓને રમૂજી રીતે રજૂ કરશે.
