ગાંધીનગર : રાજયમાં હાલમાં ઠંડી થોડીક ઘટેલી છે. ખાસ કરીને આગામી 48 કલાક સુધી તાપમાન થોડુક ઉંચુ રહેશે તે પછી ઠંડીમાં 2થી3 ડિગ્રીનો વધારો થશે. આગામી 48 કલાક દરમ્યાન રાજયમાં તાપમાનમાં વધારો થશે તે પછી ઠંડી વધવાની છે. આજે રવિવારે રાજયમાં કચ્છના નલિયામા ઠંડીનો પારો 13.8 ડિગ્રીએ પહોચ્યો હતો. જયારે ભૂજમાં 35 ડિ.સે.,કંડલામાં 33 ડિ.સે.,અમરેલીમાં 33 ડિ.સે.,સુરેન્દ્રનગરમાં 33 ડિ.સે.,ડીસામાં 32 ડિ.સે., અમદાવાદમાં 31 ડિ.સે. અને સુરતમાં 33 ડિ.સે. ગરમી નોંધાવવા પામી હતી.
રાજયમાં આજે રવિવારે ઠંડીનો ચમકારો ઘટયો છે. ઉત્તર ગુજરાત અને સૌરાષ્ટ્ર અને કચ્છમાં સામાન્ય કરતાં ઉંચુ તાપમાન નોંધાવવા પામ્યુ છે. નલિયામાં ઠંડીની અસર વર્તાઈ રહી છે. આજે રાજયની સૌથી વધુ ઠંડી 13.8 ડિ.સે. નલિયામા નોંધાવવા પામી છે. હવામાન વિભાગના વૈજ્ઞાનિકોના કહેવા મુજબ , રાજયમાં આગામી 48 કલાક બાદ 2થી 3 ડિગ્રી જેટલી ઠંડીનો પારો નીચે ગગડી જશે.
હવામાન વિભાગના સુત્રોએ કહયું હતું કે રાજયના અન્ય શહેરો પૈકી ભૂજમાં 18 ડિ.સે.,નલિયામાં 13.8 ડિ.સે.,કંડલા પોર્ટ પર 18 ડિ.સે.,કંડલા એરપોર્ટ પર 15 ડિ.સે., ભાવનગરમાં 15 ડિ.સે.,રાજકોટમાં 16 ડિ.સે.,સુરેન્દ્રનગરમાં 17 ડિ.સે.,મહુવામાં 15 ડિ.સે., અમદાવાદમાં 17 ડિ.સે.,ડીસામાં 17 ડિ.સે., ગાંધીનગરમાં 16 ડિ.સે.,વલ્લભ વિદ્યાનગરમાં 17 ડિ.સે.,વડોદરામાં 14 ડિ.સે.,અને સુરતમાં 19 ડિ.સે.,અને દમણમાં 16 ડિ.સે. લધુત્તમ તાપમાન નોંધાવવા પામ્યું છે.
