ભયનો ઓથા હેઠળ જીવતા પ્રાઇમ સિટી સોસાયટીના રહીશો
પોલીસના નાઇટ પેટ્રોલિંગના લીરેલીરા ઉડાવતા તસ્કરો
વડોદરા નજીક ગ્રામ્ય વિસ્તારમાં આવેલા ખટંબા ગામની પ્રાઇમસિટી સોસાયટીમાં તસ્કરો ત્રાટક્યા હતા. જેમાં બે તસ્કરો રેકી કર્યા બાદ બિલ્લી પગે સોસાયટીમાં ઘુસ્યા હતા અને વાહનો ચેક કરતા સીસીટીવી કેમેરામાં કેદ થઇ ગયા હતા. જોકે કેટલા મકાનમાં ચોરી થઇ હોવાની પોલીસ ચોપડે ફરિયાદ નોંધાઇ નથી. ઉલ્લખનીય છે તસ્કરો પોલીસના નાઇટ પેટ્રોલિંગના સરેઆમ લીરેલીરા ઉડાવી રહ્યા છે. બીજી તરફ તસ્કરો સોસાયટીમાં આવતા હોય સ્થાનિકો ભયના ઓથા હેઠળ જીવી રહ્યા છે.
છેલ્લા કેટલાક સમયથી વડોદરા જિલ્લામાં તસ્કરોએ તરખાટ મચાવ્યો છે. શહેરના છેવાડાના વિસ્તારોમાં આવેલી સોસાયટીઓના મકાનોને નિશાન બનાવી રહ્યા છે. ઘણી જગ્યા પર મકાન તથા સોસાયટીમાં લગાવેલા સીસીટીવી કેમેરામાં ચોરો કેદ પણ થઇ રહ્યા છે. તેમ છતાં પોલીસના હાથમાં આવી રહ્યા નથી. ત્યારે હવે તસ્કરો વડોદરા નજીક ગ્રામ્ય વિસ્તારમાં આવતા ખટંગા ગામની પ્રાઇમ સિટી સોસાયટીમાં ત્રાટક્યાં હતા. જેમાથી બુકાનીધારી બે તસ્કરો સોસાયટીમાં બિલ્લી પગે પ્રવેશ કરી રહ્યા હતા. દરમિયાન સોસાયટીમાં રહેતા સ્થાનિકે પોતાના મોબાઇલમાં બંને તસ્કરોનો વીડિયો ઉતારી લીધો હતો અને બંને તસ્કરો વાહનો ચેક કરતા સીસીટીવી કેમેરામાં પણ કેદ થઇ ગયા હતા. જોકે કેટલા મકાનમાં ચોરી થઇ હોવાની હજુ સુધી પોલીસ ચોપડે ચોરીની કોઇ પોલીસ ફરિયાદ નોંધાઇ નથી. ઉલ્લખનીય છે તસ્કરો પોલીસના નાઇટ પેટ્રોલિંગના સરેઆમ લીરેલીરા ઉડાવી રહ્યા છે. બીજી તરફ તસ્કરો સોસાયટીમાં આવતા હોય સ્થાનિકો ભયના ઓથા હેઠળ જીવી રહ્યા છે.
