સુરત: (Surat) ભાવનગરના હીરા બજારમાં (Diamond Market) હીરા દલાલીનું કામ કરતા હીરા દલાલને (Diamond Trader) મુંબઈનો ઠગ સુરતમાં છેતરી ગયો હતો. હીરાનો સોદો નક્કી કર્યા બાદ પેકેટમાં હીરાના બદલે ખાંડ ભરીને હીરા દલાલના લાખોના અસલી હીરા તફડાવ્યા હતા. હીરા દલાલને ખબર પડે તે પહેલાં તો વરાછાના ડાયમંડ વર્લ્ડમાંથી તે પોતાના સાગરિત સાથે રફૂચક્કર થઈ ગયો હતો. ક્રાઈમ બ્રાંચે આ આરોપીને જયપુરથી (Jaipur) અને બીજાને સુરતથી ઝડપી પાડ્યો હતો.
- 10 રૂપિયાની ચા નીચે ઢોળી ધ્યાન ભટકાવી 1.18 કરોડના હિરાના પેકેટ લઈ જનાર બે આરોપીની ધરપકડ
- ક્રાઈમ બ્રાંચે એક આરોપીને જયપુરથી તો બીજાને સુરતમાંથી જ ઝડપી પાડ્યો
- હીરાના પેકેટમાં ખાંડ ભરી ભાવનગરના હીરા દલાલ સાથે વરાછાના ડાયમંડ વર્લ્ડની ઓફિસમાં 1.18 કરોડની છેતરપિંડી કરી હતી
મૂળ ભાવનગરના બજુડ ગામના વતની ધર્મેશ બાબુ પવાસીયા ભાવનગરના હીરા બજારમાં હીરા દલાલીનું કામ કરે છે. તેઓ બજારમાંથી અલગ અલગ વેપારી પાસેથી તૈયાર હીરાના ફોટા મેળવી તે ફોટા સોશિયલ મીડિયા પર મુકી તેમજ ગ્રુપના અન્ય દલાલ વેપારીઓને બતાવી વેપાર કરતા હતા. બે મહિના પહેલાં ધર્મેશ પવાસીયાએ રામેશ્વર જેમ્સ નામના એક વેપારી પાસેથી તૈયાર નેચરલ વ્હાઇટ રાઉન્ડ ડાયમંડ નામના હિરાઓ પોતાના ફેસબુક એકાઉન્ટમાં અપલોડ કર્યા હતા. દરમિયાન દોઢેક મહિના પહેલા કોઇ મુબંઇના દલાલે તે હીરા અંગે ઈન્કવાયરી કરી હતી. પોતાનું નામ ભરત હોવાનું અને પોતે મુંબઈમાં હીરા દલાલી કરતા હોવાનું કહી તેણે ફોન પર એવું કહ્યું હતું કે, તમે નેચરલ વ્હાઇટ રાઉન્ડ ડાયમંડ ફેસબુકમાં ફોટા મુકેલા છે. તે હિરાનો માલ મુંબઈના બીકેસીના મોટા વેપારી લક્ષ્મી જેમ્સના નંદિપ શાહને પસંદ આવ્યા છે, બાદમાં સુરતના મહિધરપુરા હિરા બજારમાં આવીને મુલાકાત કરી હતી. હીરા દલાલે વેપારી પાસેથી તૈયાર હિરાનો માલ જેમાં એક 502.95 કેરેટ તથા 219.45 કેરેટ હિરાના બે પેકટ લઇને 18 ફેબ્રુઆરીના રોજ હિરાબજાર ટોકિયો ચાની બાજુમાં બાલાજી કૃપા બિલ્ડીંગ ઓફિસ નં.-3 માં ગયો હતો.
અહીં બે પેકેટ હીરા કુલ 1,18, 09875 માં હિરાનો સોદો નક્કી થયો હતો. બાદમાં ચા ઢોળાઇ ગઈ હોવાની એક્ટીંગ કરી ધ્યાન ભટકાવી બન્ને પેકેટ તફડાવી લીધા હતા. રસ્તામાં જોતા હીરાના બદલે પેકેટમાં ખાંડ હતી. મહિધરપુરા પોલીસે ફરિયાદ દાખલ કરી તપાસ હાથ ધરી હતી. દરમિયાન ક્રાઈમ બ્રાંચે જયપુર ખાતેથી આરોપી ભરતકુમાર ઉફેઁ પિન્ટુ કરશનભાઈ કોંધોલ (ઉ.વ- ૩૭ હાલ રહેવાસી:- જીમીત શાહના મકાનમા, ભાયદર, મુંબઈ તથા મુળ રહેવાસી:- ગામ- મડાણાગઢ તાલુકો:- પાલનપુર જીલ્લો:- બનાસકાઠા) તથા ક્રુણાલભાઈ વિટ્ઠલભાઈ રાણપરીયા (ઉ.વ- ૩૬ રહેવાસી:- ૬/૨૩, આનંદ વાટીકા બંગ્લોઝ શેખપુરગામ, વેલંજા સુરત શહેર મુળ વતન ગામ- ભોળા તાલુકો:- ધોરાજી જીલ્લો:- રાજકોટ) ની ધરપકડ કરી હતી.
