નવી દિલ્હી: આધાર કાર્ડ (Aadhar Card) ભારતીય લોકો માટે એક મહત્વપૂર્ણ (Important) દસ્તાવેજ (Document) બની ગયું છે. આજે તેના વિના કંઈ થઈ શકે તેમ નથી. સરકાર તમામ દસ્તાવેજોને આધાર સાથે લિંક કરી રહી છે. આધાર લિંક કરતી વખતે ઘણા નકલી નામ સામે આવ્યા છે. છેલ્લા કેટલાક દિવસોથી મતદાર યાદી (Electoral Roll)ને આધાર કાર્ડ સાથે લિંક (Link) કરવાની કામગીરી ચાલી રહી છે. આ સમયગાળા દરમિયાન, ચૂંટણી પંચે(Election Commission) મતદાર યાદીમાં લગભગ એક કરોડ ડુપ્લિકેટ એન્ટ્રી(Duplicate Entries)ઓને સુધારી(Corrected) છે જેમાંથી અમુક એન્ટ્રી હટાવવી(Remove) પડી હતી. છેલ્લા 7 મહિનાથી ચાલી રહેલા કામની વાત કરીએ તો આયોગે વોટર આઈડી કાર્ડને લઈને કેટલાક મોટા પગલા લીધા છે.
- ચૂંટણી પંચનું મતદાર યાદી કાર્યક્રમ
- 1 કરોડ એન્ટ્રી સુધારી, અમુક હટાવવી પડી
- આધાર કાર્ડને વોટર આઈડી કાર્ડ સાથે જોડવાની પ્રક્રિયા
- મતદારોના ડેટા હવે ઓનલાઈન અપડેટ થશે
ચૂંટણી અધિકારીએ જણાવ્યું છે કે, 11,91,191 ડેમોગ્રાફિક એન્ટ્રીની ઓળખાણ ડુપ્લીકેટ એન્ટ્રી તરીકે થઈ છે. તેની સાથે જ તેમાં 9,27,853 એન્ટ્રી હટાવી દીધી છે. ચૂંટણી પંચે 31,889,422 એક સરખી ફોટોગ્રાફિક એન્ટ્રીની ઓળખાણ કરી અને 9,800,412 એન્ટ્રીને હટાવી દીધી છે. પીએસઈ ગણતરી બે તબક્કામાં થઈ હતી. પહેલા તબક્કામાં 2022માં ડ્રાફ્ટ પબ્લિકેશનના પ્રકાશન પહેલા મતદાનવાળા પાંચ રાજ્યોની ગણતરી થઈ હતી. જ્યારે બીજા તબક્કામાં બાકીના 32 રાજ્યો માટે સાર્વજનિક ઉપક્રમોની ગણતરી કરવામાં આવી હતી.
મતદારોના ડેટા હવે ઓનલાઈન અપડેટ થશે
ચૂંટણી પંચ તરફથી દેશના તમામ મતદારોના ડેટા હવે ઓનલાઈન થઈ રહ્યા છે. ત્યારે આવા સમયે ડુપ્લીકેટ ડેટા અથવા એન્ટીને હટાવા તથા તેમા સુધારો કરવા, ચૂંટણી પંચના એજન્ડામાં સમાવેશ કરવામાં આવ્યો છે. ડેટા ઓનલાઈન અપડેટ કરવાના આ કામમાં વોટર આઈડી કાર્ડને ડેમોગ્રાફિક અને ફોટોગ્રાફિક ડેટા સાથે મેળ કરીને સુધારવામાં આવી રહ્યા છે. ચૂંટણી પંચે પ્રક્રિયાને સરળ બનાવવા માટે 1 ઓગસ્ટથી વોટર આઈડી કાર્ડ સાથે આધારને સ્વૈચ્છિક રીતે લિંક કરવાની મંજૂરી આપી હતી. જો કે વિપક્ષે પંચના નિર્ણયની ટીકા કરી હતી. વિપક્ષે કહ્યું કે મતદારોના ડેમોગ્રાફિક મેપિંગને મંજૂરી આપી છે. તેનાથી મતદારોનો ડેમોગ્રાફિક ડેટા અને પર્સનલ વિગતો જાહેર થઈ જશે.
