નવી દિલ્હી : પાકિસ્તાનની (Pakistani) સ્પોર્ટ્સ પ્રેઝન્ટર અને એન્કર (Anchor) ઝૈનબ અબ્બાસ વર્લ્ડ કપ 2023 (World Cup 2023) વચ્ચે ભારત (India) છોડીને ચાલી ગઈ છે. મીડિયા રિપોર્ટ્સ અનુસાર, તેણીને ભારત છોડવા માટે કહેવામાં આવ્યું હતું કારણ કે અગાઉ તે સાયબર ક્રાઇમ, ભારત અને હિન્દુ ધર્મની ટીકા કરવાને કારણે વિવાદોમાં (Controversy) રહી હતી. તેણીના ઘણા જૂના ટ્વીટ વાયરલ થયા હતા, જેમાં તે ભારત અને હિન્દુ ધર્મ વિશે ખરાબ બોલતી જોવા મળી હતી.
પાકિસ્તાનની જાણીતી સ્પોર્ટ્સ એન્કર ઝૈનબ અબ્બાસ તેની ભૂતકાળની કેટલીક સોશિયલ મીડિયા પોસ્ટના કારણે કાનૂની મુશ્કેલીમાં છે. ભારતમાં ચાલી રહેલા ક્રિકેટ વર્લ્ડ કપ 2023 માટે આઇસીસીની કોમેન્ટેટર્સ લિસ્ટમાં સામેલ આ મહિલા પત્રકારની અગાઉની સોશિયલ મીડિયા પોસ્ટની તપાસ કરવામાં આવી હતી. હિંદુ દેવી-દેવતાઓ પર અભદ્ર ટિપ્પણી કરવાના આરોપ પર કરવામાં આવેલી આ તપાસ સાચી હોવાનું જાણવા મળ્યું હતું, ત્યારબાદ સાવચેતીના પગલા તરીકે ઝૈનબે ઉતાવળમાં ભારત છોડવું પડ્યું હતું. હાલમાં તે દુબઈમાં છે. ઝૈનબે આ આરોપોને નકારી કાઢ્યા છે. જોકે, આ દરમિયાન ઈન્ટરનેશનલ ક્રિકેટ કાઉન્સિલ તરફથી કોઈ નિવેદન આવ્યું નથી.
Pakistani sports presenter Zainab Abbas has safely exited India over "safety concerns"
— SAMAA TV (@SAMAATV) October 9, 2023
She is currently in Dubai; allegations involve #cybercrime and old anti-India tweets #ICCWorldCup2023 #IndiaPakistan #WorldCup2023 pic.twitter.com/DRWKMZs0qS
ભારતની સર્વોચ્ચ અદાલતમાં પ્રેક્ટિસ કરી રહેલા એડવોકેટ વિનીત જિંદાલે ઝૈનબ વિરુદ્ધ સાયબર ફરિયાદ દાખલ કરી છે. 35 વર્ષીય એન્કરના ટ્વિટર એકાઉન્ટમાંથી કથિત જૂની પોસ્ટ્સ, જેને ‘હિંદુ વિરોધી’ અને ‘ભારત વિરોધી’ માનવામાં આવતી હતી, સોશિયલ મીડિયા પર વાયરલ થયા બાદ કાયદાકીય કાર્યવાહી કરવામાં આવી હતી. વકીલનો આરોપ છે કે આ વાંધાજનક ટ્વીટ લગભગ નવ વર્ષ પહેલા પોસ્ટ કરવામાં આવી હતી. સામ ટીવી અનુસાર, ઝૈનબે પોતાના બચાવમાં દલીલ કરી છે કે આ ટ્વિટ્સ ઘણા વર્ષો જૂના છે અને તેની વર્લ્ડકપ કોમેન્ટ્રી સાથે કોઈ લેવાદેવા નથી, તેથી તેને ભારતમાંથી દેશનિકાલ ન કરવી જોઈએ. હાલમાં ઝૈનબ અબ્બાસ દુબઈમાં છે.
There was always intrigue on what lies on the other side, more cultural similarities than differences, rivals on the field but camaraderie off the field, the same language & love for art & a country with a billion people, here to represent, to create content & bring in expertise… pic.twitter.com/dvoRUASpmm
— zainab abbas (@ZAbbasOfficial) October 2, 2023
2 ઑક્ટોબરે, વર્લ્ડ કપની શરૂઆત પહેલાં, ઝૈનબે ટ્વિટ કર્યું હતું કે, “બીજી બાજુ શું છે તે વિશે હંમેશા ઉત્સુકતા હતી, સંસ્કૃતિમાં તફાવતો કરતાં વધુ સમાનતા, મેદાન પર હરીફ પરંતુ મેદાનની બહાર મિત્રતા, સમાન ભાષા અને કલા અને અબજો લોકોનો દેશ, અહીં પ્રતિનિધિત્વ કરવા, સામગ્રી બનાવવા અને કામ કરવા માટે શ્રેષ્ઠ લોકો પાસેથી કુશળતા લાવવા માટે. ICC ક્રિકેટ વર્લ્ડ કપ 2023 માટે ફરી એકવાર ભારતમાં આવવા માટે નમ્રતાપૂર્વક, ઘરેથી 6 અઠવાડિયાની સફર હવે શરૂ થઈ રહી છે.
