ICC વર્લ્ડ 2023ની સૌથી મોટી મેચ આજે અમદાવાદના નરેન્દ્ર મોદી સ્ટેડિયમમાં (Narendra Modi Stadium) રમાઈ રહી છે. જ્યારે રોહિત શર્મા ઓસ્ટ્રેલિયા વિરૂદ્ધ ODI વર્લ્ડ કપ 2023ની ફાઈનલ (World Cup Final) રમવા મેદાનમાં આવ્યો ત્યારે એક મોટો રેકોર્ડ તેના ટાર્ગેટમાં હતો જેને તેણે તોડી નાંખ્યો છે હવે તે વર્લ્ડ કપમાં સૌથી વધુ રન બનાવનાર કેપ્ટન બની ગયો છે. તેણે આ વર્લ્ડ કપની 11 મેચોની 11 ઇનિંગ્સમાં 54.27ની એવરેજથી 597 રન બનાવ્યા છે. ન્યૂઝીલેન્ડના કેપ્ટન કેન વિલિયમ્સને 2019 વર્લ્ડ કપમાં 578 રન બનાવ્યા હતા.
સતત સારા પ્રદર્શન બાદ રોહિત શર્માની કપ્તાનીવાળી ભારતીય ટીમ ફાઇનલમાં પહોંચી છે. તેની સ્પર્ધા પેટ કમિન્સ દ્વારા સુકાની ઓસ્ટ્રેલિયન ટીમ સાથે છે. આજની મેચમાં પેટ કમિન્સે ટોસ જીતીને પ્રથમ બોલિંગ કરવાનો નિર્ણય કર્યો હતો. આ પછી રોહિત શર્મા અને શુભમન ગિલ ઓપનર તરીકે મેદાનમાં ઉતર્યા હતા. રોહિત શર્માએ ન્યૂઝીલેન્ડના કેપ્ટન કેન વિલિયમસનનો મોટો રેકોર્ડ તોડી નાખ્યો હતો. હવે તે વર્લ્ડ કપમાં સૌથી વધુ રન બનાવનાર કેપ્ટન બની ગયો છે.
ભારતીય કેપ્ટન રોહિત શર્માએ વર્લ્ડ કપમાં એક મોટો રેકોર્ડ પોતાના નામે કર્યો. તેણે ઓસ્ટ્રેલિયા સામે ફાઇનલમાં 47 રનની ઇનિંગ રમી હતી. રોહિત 31 બોલમાં 47 રન બનાવીને આઉટ થયો હતો. તેણે પોતાની ઇનિંગમાં ચાર ચોગ્ગા અને ત્રણ છગ્ગા ફટકાર્યા હતા. રોહિતનો સ્ટ્રાઈક રેટ 151.61 હતી. તેણે આ વર્લ્ડ કપની 11 મેચોની 11 ઇનિંગ્સમાં 54.27ની એવરેજથી 597 રન બનાવ્યા છે.
અત્યાર સુધી ODI વર્લ્ડ કપની એક સિઝનમાં કેપ્ટન તરીકે સૌથી વધુ રન બનાવવાનો રેકોર્ડ ન્યૂઝીલેન્ડના કેન વિલિયમસનના નામે હતો. તેણે 2019 વર્લ્ડ કપમાં 578 રન બનાવ્યા હતા. તે વર્ષે તેની ટીમ ફાઇનલમાં પણ ગઈ હતી પરંતુ ખિતાબી મુકાબલામાં ઓસ્ટ્રેલિયાએ તેમને હરાવીને ટ્રોફી કબજે કરી હતી. પરંતુ હવે રોહિત શર્મા તેનાથી આગળ નીકળી ગયો છે. જ્યારે ફાઈનલ મેચ શરૂ થઈ ન હતી ત્યારે રોહિત શર્માએ દસ મેચમાં 550 રન બનાવ્યા હતા, પરંતુ આ પછી તેણે સિક્સર ફટકારીને તેના 30 રન પૂરા કરતાની સાથે જ તે એક સિઝનમાં સૌથી વધુ રન બનાવનાર કેપ્ટન બની ગયો હતો.
અત્યારે રોહિત શર્મા અને કેન વિલિયમસન ટોપ પર છે પરંતુ આ પછી કેપ્ટન તરીકે વર્લ્ડ કપની એક જ સિઝનમાં સૌથી વધુ રન બનાવનાર બેટ્સમેન વર્ષ 2007માં શ્રીલંકાના કેપ્ટન મહેલા જયવર્દને હતા. તેમણે તે વર્ષે 548 રન બનાવ્યા હતા. વર્ષ 2007માં ઓસ્ટ્રેલિયાના રિકી પોન્ટિંગે કેપ્ટન તરીકે 539 રન બનાવ્યા હતા. વર્ષ 2019માં ઓસ્ટ્રેલિયાના કેપ્ટન એરોન ફિન્ચે 507 રન બનાવ્યા હતા. અન્ય કોઈ કેપ્ટન વર્લ્ડ કપમાં 500થી વધુનો આંકડો પાર કરી શક્યો નથી.
