શું ફરી લાગશે મહારાષ્ટ્રમાં લોકડાઉન ? માર્ચની શરૂઆતમાં જ 50 હજાર નવા કોરોના કેસ

ભારતમાં કોરોના મહામારીને એક વર્ષ પૂર્ણ થઇ ગયું છે ત્યારે મહારાષ્ટ્ર ( MAHARASHTRA) માં ફરી એકવાર કોરોના વાયરસના ( CORONA VIRUS) કેસ વધી રહ્યા છે. કોવિડ -19 ( COVID-19) ફેબ્રુઆરીના મધ્યભાગથી મહારાષ્ટ્રમાં રોજ કેસ વધી રહ્યા છે. છેલ્લા એક અઠવાડિયામાં રાજ્યમાં સરેરાશ રોજના કેસ સાત હજારની આસપાસ આવી રહ્યા છે, તેમ છતાં 1 માર્ચે રાજ્યમાં થોડી રાહત મળી હતી અને તે દિવસે 6,397 નવા કેસ નોંધાયા હતા.

28 ફેબ્રુઆરીથી 5 માર્ચ દરમિયાન કોરોનાના 51,612 નવા કેસ નોંધાયા હતા. 28 ફેબ્રુઆરીના રોજ મહારાષ્ટ્રમાં 8,283 નવા કેસ નોંધાયા હતા, જોકે 1 માર્ચે રોજિંદા કેસોમાં થોડો ઘટાડો જોવા મળ્યો હતો અને તે દિવસે 6,397 નવા કેસ નોંધાયા હતા. જ્યારે 2 માર્ચે કેસ વધ્યા હતા અને તે દિવસે 7,863 નવા કેસ નોંધાયા હતા.

આ સિવાય 3 માર્ચે 9,855 નવા કેસ નોંધાયા હતા અને 4 માર્ચે 8,998 નવા કેસ નોંધાયા હતા. 17 ઓક્ટોબર, 2020 ના રોજ, એક જ દિવસમાં મહારાષ્ટ્રમાં સૌથી વધુ 10,259 કેસ નોંધાયા હતા. મહારાષ્ટ્રની રાજધાનીમાં પણ કોરોના કેસોમાં વધારો જોવા મળી રહ્યાં છે, જ્યારે મુંબઈમાં દરરોજ આશરે 700 કેસ નોંધાય છે.

જિલ્લાઓમાં લોકડાઉન માટેની તૈયારીઓ

અમરાવતી જિલ્લામાં કોરોના કેસોમાં થયેલા વધારાને ધ્યાનમાં રાખીને લોકડાઉન ( LOCK DOWN) લાદવું કે નહીં તે અંગે નિર્ણય લેવામાં આવશે. જિલ્લાઓમાં હાલમાં શાળાઓ અને શૈક્ષણિક સંસ્થાઓ બંધ છે. 21 ફેબ્રુઆરીએ એક બેઠક દરમિયાન મુખ્યમંત્રી ઉદ્ધવ ઠાકરેએ કહ્યું હતું કે, આગામી 8-15 દિવસની વચ્ચે મહારાષ્ટ્રની સ્થિતિની સમીક્ષા કરવામાં આવશે. અને જો સાચે જ કેસ વધતા રહેશે તો ફરી લોક ડાઉન માટે વિચારવું પડશે.

મુખ્યમંત્રીએ કહ્યું કે ત્યાં સુધી રાજ્યમાં કોઈ પણ સામાજિક, સાંસ્કૃતિક, ધાર્મિક અને રાજકીય મેળાવડા પર પ્રતિબંધ મૂકવા સિવાય રાજ્યવ્યાપી કોઈ પ્રતિબંધ લાદવામાં આવ્યો નથી.

લોકડાઉન પર મંત્રીઓ શું કહે છે?

મુખ્યમંત્રી ઉદ્ધવ ઠાકરે ( CM UDDHAV THAKRE) એ રાજ્યમાં ફરી એક વખત લોકડાઉનની ઇચ્છા વ્યક્ત કરતી વખતે કહ્યું કે હું ફરીથી લોકડાઉન કરવા નથી માંગતો પરંતુ મજબૂરી છે. ઉદ્ધવ ઠાકરેએ આ નિવેદન 28 ફેબ્રુઆરીએ આપ્યું હતું અને ત્યારબાદ મહારાષ્ટ્રમાં કેસ સતત વધી રહ્યા છે.

મહારાષ્ટ્રના મંત્રી વિજય વડેટ્ટીવારે કહ્યું કે મહારાષ્ટ્ર સરકાર મુંબઇ લોકલ ટ્રેન ( LOCAL TRAIN) પર પ્રતિબંધ મૂકવાનો વિચાર કરી શકે છે, જે સામાન્ય લોકો માટે 1 ફેબ્રુઆરીથી ખુલી છે. બીએમસી ( BMC) ના એડિશનલ કમિશનર સુરેશ કાકાની ( SURESH KAKANI) કહે છે કે નાગરિક મંડળ મુંબઇમાં કોઈ વધારાના નિયંત્રણો લાદવાના સમર્થનમાં નથી.

Related Posts