રાષ્ટ્રપતિ ડોનાલ્ડ ટ્રમ્પની રિપબ્લિકન પાર્ટીને અમેરિકાની મધ્યસત્ર ચૂંટણીમાં હારનો સામનો કરવો પડ્યો છે. ડેમોક્રેટિક પાર્ટીએ સેનેટમાં બહુમતી મેળવી છે જ્યારે હાઉસ ઓફ રિપ્રેઝન્ટેટિવ્સમાં તેઓ ૨૧૮ બેઠકો જીતીને બહુમતીના આંકડાને પાર કરી ગયા છે.
દરમિયાન મિશિગનમાં ડેમોક્રેટિક ઉમેદવાર અબ્દુલ અલ-સૈયદ વિજયી બન્યા છે. આ સાથે તેઓ અમેરિકી ઇતિહાસમાં સેનેટર તરીકે ચૂંટાયેલા પ્રથમ મુસ્લિમ બન્યા છે. ટ્રમ્પે જાહેરમાં અબ્દુલને “જેહાદી” ગણાવ્યા હતા. ૨૫ ઓક્ટોબરે મિશિગનમાં એક ચૂંટણી રેલી દરમિયાન ટ્રમ્પે કહ્યું હતું કે, “હું અહીં એક જેહાદી અને ‘મુસ્લિમ બ્રધરહુડ’ના સભ્યને અમેરિકી સેનેટર બનતા રોકવા માટે આવ્યો છું.”
ટ્રમ્પે અબ્દુલ પર આતંકવાદીઓને સમર્થન આપવાનો આરોપ પણ લગાવ્યો હતો. તેમણે ટિપ્પણી કરી હતી કે જો અલ-સૈયદ સેનેટર બને તો તેમણે ધારાસભામાં પ્રવેશતા પહેલા મેટલ ડિટેક્ટરમાંથી પસાર થવું જોઈએ. ૧૧ સપ્ટેમ્બર, ૨૦૦૧ના આતંકવાદી હુમલાનો ઉલ્લેખ કરતા ટ્રમ્પે અલ-સૈયદની સરખામણી વિમાનોનું અપહરણ કરનારા આતંકવાદીઓ સાથે પણ કરી હતી.
હાઉસ ઓફ રિપ્રેઝન્ટેટિવ્સ
હાઉસમાં કુલ ૪૩૫ બેઠકો છે અને તે તમામ માટે ચૂંટણી યોજાઈ હતી. વિરોધ પક્ષ ડેમોક્રેટિક પાર્ટીએ ૨૨૮ બેઠકો જીતી છે, જ્યારે ટ્રમ્પની રિપબ્લિકન પાર્ટીએ ૧૪૪ બેઠકો મેળવી છે.
સેનેટ
સેનેટની ૧૦૦ બેઠકોમાંથી ૩૫ બેઠકો માટે ચૂંટણી યોજાઈ હતી. ઉપલબ્ધ માહિતી મુજબ અત્યાર સુધી ૩૨ બેઠકોના પરિણામો જાહેર થયા છે; જેમાંથી ડેમોક્રેટિક પાર્ટીએ ૨૦ અને રિપબ્લિકન પાર્ટીએ ૧૩ બેઠકો જીતી છે. બાકીની ૩ બેઠકો માટે મતગણતરી હજુ ચાલુ છે. આ પરિણામોના આધારે હાલમાં ડેમોક્રેટિક પાર્ટી પાસે ૫૪ બેઠકો છે જ્યારે રિપબ્લિકન પાર્ટી પાસે ૪૩ બેઠકો છે.
ગવર્નર
કુલ ૩૬ બેઠકોમાંથી ૩૧ રાજ્યોના પરિણામો જાહેર થયા છે. ડેમોક્રેટ્સે ૨૦ બેઠકો જીતી છે અને રિપબ્લિકનોએ ૧૧ બેઠકો જીતી છે. ૫ રાજ્યોમાં મતગણતરી હજુ ચાલુ છે.
રિપબ્લિકન સેનેટરનો સ્વીકાર: હાર માટે ટ્રમ્પ જવાબદાર
રિપબ્લિકન સેનેટર રોન જોન્સને સ્વીકાર્યું છે કે ટ્રમ્પને કારણે તેમના પક્ષને નુકસાન વેઠવું પડ્યું છે. રેડિયો 4ના ‘ટુડે’ (Today) કાર્યક્રમમાં બોલતા તેમણે નોંધ્યું કે ઈરાન સાથે યુદ્ધની શક્યતા અને ખાસ કરીને તેના પરિણામે ઈંધણના ભાવમાં થયેલો વધારો તેની જનતા પર માઠી અસર પડી છે. લોકો આ બાબતે ખૂબ જ ચિંતિત છે.
રાષ્ટ્રપતિ પર કટાક્ષ કરતા જોન્સને કહ્યું, “ટ્રમ્પે મતદારોને કહ્યું હતું કે તેઓ એવું માને કે જાણે અન્ય ઉમેદવારોની સાથે મતપત્રક પર તેમનું (ટ્રમ્પનું) નામ પણ છે. એવું લાગે છે કે લોકોએ તેમની વાત ગંભીરતાથી લીધી અને તેનું પરિણામ સૌની સામે છે.”
