સુરત: હરમીત દેસાઈ અને માનવ ઠક્કરની આગેવાની હેઠળની ગુજરાતની (Gujarat) ટેબલ ટેનિસ (Table Tennis) ટીમ મંગળવારથી શરૂ થઈ રહેલી 36મી નેશનલ ગેમ્સમાં (National Games) રાજ્યમાં પ્રભુત્વ જમાવવા માંગશે. બહુપ્રતિક્ષિત 36મી નેશનલ ગેમ્સ 29 સપ્ટેમ્બરથી શરૂ થશે પરંતુ તે જ સમયે ચીનમાં (China) યોજાનારી ટેબલ ટેનિસ વર્લ્ડ ચેમ્પિયનશિપને કારણે તેની મેચો મંગળવારથી શરૂ થઈ રહી છે. આ સાથે તમામ મોટા ખેલાડીઓ નેશનલ ગેમ્સ માટે હાજર રહેશે.
- બહુપ્રતિક્ષિત 36મી નેશનલ ગેમ્સ 29 સપ્ટેમ્બરથી શરૂ થશે
- ભારતીય ટેબલ ટેનિસમાં ગુજરાત પહેલેથી જ એક મુખ્ય શક્તિ: કમલેશ મહેતા
- હરમીતે કહ્યું હતું કે અમારી પાસે ખરેખર મજબૂત અને સંતુલિત ટીમ છે
ભારતના સર્વકાલીન ટેબલ ટેનિસ ખેલાડીઓમાંના એક કમલેશ મહેતાએ જણાવ્યું હતું કે, ભારતીય ટેબલ ટેનિસમાં ગુજરાત પહેલેથી જ એક મુખ્ય શક્તિ છે. રેન્કિંગમાં ટોચના ભારતીય ખેલાડીઓમાં હરમીત, માનવ અને માનુષ શાહ સામેલ છે, તેઓ પુરૂષોના ખિતાબ જીતવાના દાવેદાર છે. ટેબલ ટેનિસ સ્ટાર્સ શરથ કમલ, જી સાથિયાન અને મણિકા બત્રાને સિંગલ્સ અને ડબલ્સ ટાઇટલ માટે મજબૂત દાવેદાર તરીકે જોવામાં આવે છે, જેમની વચ્ચે જોરદાર સ્પર્ધા થવાની અપેક્ષા છે.
ટેબલ ટેનિસમાં મજબૂત પ્રદર્શન ઉપરાંત ગુજરાત આ ગેમ્સમાં પોતાની સ્થિતિ સુધારવા માંગે છે. કેરળમાં યોજાયેલી 35મી સિઝનમાં ગુજરાતની ટીમ નવમા ક્રમે રહી હતી. તેની પાસે સ્વિમિંગ, ટેનિસ, વોલીબોલ, એથ્લેટિક્સ, ટ્રાયથલોન અને રેસલિંગમાં મેડલની મજબૂત સંભાવના છે. સુરતના સ્થાનિક ખેલાડીઓ હરમીત દેસાઈ અને માનવ ઠક્કર ટેબલ ટેનિસમાં ગોલ્ડ મેડલ જીતવા ઈચ્છે છે. હરમીતે કહ્યું હતું કે અમારી પાસે ખરેખર મજબૂત અને સંતુલિત ટીમ છે. તમામ ટીમો અમારી તાકાત પ્રત્યે સતર્ક રહેશે અને અમને સ્થાનિક પ્રેક્ષકોનું સમર્થન પણ મળશે. મને લાગે છે કે અમારી પાસે નેશનલ ગેમ્સમાં ગોલ્ડ જીતવાની સારી તક છે.
