અમેરિકાના પૂર્વ રાષ્ટ્રપતિ Donald Trump પોતાની કડક નીતિઓ અને અનોખી કાર્યશૈલી માટે જાણીતા રહ્યા છે. હવે તેમની સાથે જોડાયેલો એક વધુ ચોંકાવનારો ખુલાસો સામે આવ્યો છે. રિપોર્ટ મુજબ, ટ્રમ્પના ખાસ વિમાન અને તેમની ઓફિશિયલ ટીમમાં ચીનમાં બનેલા સામાનને લઈને એટલી કડક નીતિ હતી કે ગિફ્ટ, બેજ, મોબાઇલ ફોન અને અન્ય વસ્તુઓ સુધી જો ‘Made in China’ જોવા મળતું તો તેને તરત જ ડસ્ટબિનમાં ફેંકી દેવામાં આવતું હતું.
આ ખુલાસો અમેરિકન રાજકીય વર્તુળોમાં ભારે ચર્ચાનો વિષય બન્યો છે. ટ્રમ્પ પોતાના કાર્યકાળ દરમિયાન સતત “America First” નીતિને પ્રોત્સાહન આપતા રહ્યા હતા અને ખાસ કરીને ચીન વિરુદ્ધ આક્રમક વલણ રાખતા હતા. વેપાર યુદ્ધથી લઈને ટેક્નોલોજી પ્રતિબંધો સુધી, ટ્રમ્પ પ્રશાસને ચીન સામે અનેક કડક પગલાં લીધા હતા. હવે જાણવા મળી રહ્યું છે કે આ વલણ માત્ર નીતિઓ પૂરતું જ નહીં પરંતુ તેમની વ્યક્તિગત કામગીરી અને મુસાફરી સુધી પણ પહોંચ્યું હતું.
રિપોર્ટ મુજબ, ટ્રમ્પના વિમાન Air Force Oneમાં કામ કરતા સ્ટાફને સ્પષ્ટ સૂચના આપવામાં આવી હતી કે ચીનમાં બનેલી કોઈપણ વસ્તુ અંદર લાવવામાં નહીં આવે. તેમાં મોબાઇલ ફોન, ઇલેક્ટ્રોનિક ગેજેટ્સ, ગિફ્ટ આઇટમ્સ, બેજ ,વસ્તુઓનો પણ સમાવેશ થતો હતો. જો કોઈ વ્યક્તિ અજાણતા પણ ચીની ઉત્પાદન સાથે જોવા મળતો તો તે વસ્તુને તરત દૂર કરવામાં આવતી હતી.ખાસ કરીને સુરક્ષા કારણોસર ટ્રમ્પ પ્રશાસન ચીની ઇલેક્ટ્રોનિક ઉપકરણો અંગે ખૂબ જ સતર્ક હતું. અમેરિકન સુરક્ષા એજન્સીઓ લાંબા સમયથી ચીન પર ડેટા ચોરી અને જાસૂસીના આરોપ લગાવતી આવી છે. Huawei અને TikTok જેવી ચીની કંપનીઓ સામે પણ ટ્રમ્પ સરકાર દ્વારા કડક કાર્યવાહી કરવામાં આવી હતી. આ જ કારણથી ટ્રમ્પની ટીમ ચીનમાં બનેલી વસ્તુઓથી સંપૂર્ણ અંતર રાખવા માંગતી હતી.
સૂત્રોના જણાવ્યા મુજબ, ટ્રમ્પ સાથે મુસાફરી કરતા કેટલાક અધિકારીઓ અને મહેમાનોને પણ ચીનમાં બનેલી વસ્તુઓનો ઉપયોગ ન કરવાની સલાહ આપવામાં આવતી હતી. કેટલીક વખત તો ગિફ્ટમાં મળેલી વસ્તુઓ પણ માત્ર ‘Made in China’ હોવાના કારણે ફેંકી દેવામાં આવી હતી.આ સમગ્ર મામલો હવે સોશિયલ મીડિયા પર પણ ભારે ચર્ચામાં છે. કેટલાક લોકો ટ્રમ્પની આ નીતિને “દેશપ્રેમ” અને “સુરક્ષા પ્રાથમિકતા” કહી રહ્યા છે, જ્યારે કેટલાક લોકો તેને અતિશય વલણ ગણાવી રહ્યા છે. ઘણા યુઝર્સે પ્રશ્ન ઉઠાવ્યો કે આજના સમયમાં સંપૂર્ણપણે ચીની ઉત્પાદનોથી દૂર રહેવું કેટલું શક્ય છે, કારણ કે વિશ્વભરના મોટા ભાગના ઇલેક્ટ્રોનિક અને મેન્યુફેક્ચરિંગ ક્ષેત્રમાં ચીનનું પ્રભુત્વ છે.
ટ્રમ્પના કાર્યકાળ દરમિયાન અમેરિકા અને ચીન વચ્ચે વેપાર યુદ્ધ ભારે ઉગ્ર બન્યું હતું. બંને દેશોએ એકબીજાના ઉત્પાદનો પર ભારે ટેરિફ લગાવ્યા હતા. ટેક્નોલોજી ક્ષેત્રમાં પણ બંને દેશો વચ્ચે સ્પર્ધા વધી. ટ્રમ્પ વારંવાર ચીન પર અમેરિકન નોકરીઓ છીનવી લેવાનો અને વેપારમાં અન્યાય કરવાનો આરોપ લગાવતા હતા.રાજકીય વિશ્લેષકોનું માનવું છે કે ટ્રમ્પની આ નીતિ તેમના રાજકીય સંદેશનો પણ એક ભાગ હતી. તેઓ અમેરિકન ઉત્પાદનોને પ્રોત્સાહન આપવા અને ચીન પર નિર્ભરતા ઘટાડવા માંગતા હતા. આ જ વિચારસરણી તેમની વ્યક્તિગત ટીમ અને ઓફિશિયલ પ્રવાસોમાં પણ જોવા મળતી હતી.
હાલ આ ખુલાસા બાદ ફરી એકવાર અમેરિકા-ચીન સંબંધો અને ટ્રમ્પની ચીન વિરોધી નીતિઓ ચર્ચાના કેન્દ્રમાં આવી ગઈ છે. ખાસ કરીને 2026ની અમેરિકન રાજનીતિ અને ટ્રમ્પની વધતી સક્રિયતા વચ્ચે આવા ખુલાસાઓને મહત્વપૂર્ણ માનવામાં આવી રહ્યા છે.
